ВЫСЛОЎІ 29:2 - Кнігі Святога Пісання - Біблія - Біблія — пераклад Чарняўскага (выданне 2017 года)

² З памнажэння справядлівых узвесяліцца народ; а ў валадаранне бязбожніка народ будзе стагнаць.

Біблія (пераклад А.Бокуна)

² Калі памнажаюцца праведнікі, радуецца народ, а калі пануе бязбожнік, народ стогне.

Біблія (пераклад В. Сёмухі)

² Калі множацца праведнікі, весяліцца народ; а калі пануе бязбожнік, стогне народ.

ВЫСЛОЎІ 29:2 Крыжаваныя спасылкі

ЭСТЭР 3:15

Вестуны, якіх паслалі, спяшаліся выканаць загад цара; калі цар і Аман спраўлялі застолле — хутка і ў Сузах быў вывешаны эдыкт, чым выклікаў у самім горадзе замяшанне.

ЭСТЭР 8:15

Мардахэй жа выйшаў ад цара з палаца ў бліскучым адзенні царскім, гэта значыць у гіяцынтавым і белым, несучы вялікі залаты вянец на галаве, і апрануты ў плашч шаўковы і пурпуровы: і ўвесь горад цешыўся і весяліўся.

ЁВА 34:30

хай не валадарыць чалавек бязбожны і не будзе ён пасткай для народа.

ВЫСЛОЎІ 11:10

У час росквіту справядлівых радуецца горад, а ў час пагібелі бязбожнікаў будзе пахвала.

ВЫСЛОЎІ 28:12

У радасці справядлівых — вялікая слава, а калі ўзнімаюцца бязбожнікі — хаваецца чалавек.

ВЫСЛОЎІ 28:15

Леў, што рыкае, і галодны мядзведзь — гэта бязбожны кіраўнік над бедным народам.

ВЫСЛОЎІ 28:28

Калі бязбожнікі ўздымуцца — хаваюцца людзі; калі яны загінуць — памножацца справядлівыя.

ЭКЛЕЗІЯСТА 10:5

Ёсць ліха, якое ўбачыў я пад сонцам, гэта быццам бы аблуда, што паходзіць ад начальніка:

ЭКЛЕЗІЯСТА 10:6

пастаўлены на высокае становішча неразумны, а багатыя сядзяць нізка.

ЭКЛЕЗІЯСТА 4:1

Павярнуўся я да іншага і ўбачыў вераломнасць, якая ўчыняецца пад сонцам, і вось, слёзы прыгнечаных — і няма суцяшальніка, і бязлітаснасць з боку прыгнятальнікаў — і няма суцяшальніка.

МАЦЬВЕЯ 2:16

Тады Ірад, бачачы, што ён ашуканы магамі, раззлаваўся моцна і паслаў пазабіваць усіх дзяцей, што былі ў Бэтлехэме і ў яго ваколіцах ад двух гадоў і ніжэй, паводле часу, пра які выпытаў у магаў.

МАЦЬВЕЯ 2:3

І, пачуўшы гэта, цар Ірад устрывожыўся, і ўвесь Ерузалім з ім.

АДКРЫЦЦЁ 11:15

І затрубіў анёл сёмы. І сталіся моцныя галасы ў небе, кажучы: «Зрабілася валадарства гэтага свету Валадарствам Госпада нашага і Хрыста Яго, і будзе Ён валадарыць на векі вечныя».