ВЫСЛОЎІ 24:13 - Кнігі Святога Пісання - Біблія - Біблія — пераклад Чарняўскага (выданне 2017 года)

¹³ Сыне мой, ты ясі мёд, бо ён добры, бо соты — найсаладзейшыя для горла твайго.

Біблія (пераклад А.Бокуна)

¹³ Еш мёд, сыне мой, бо ён добры, і соты салодкія для паднябеньня твайго.

Біблія (пераклад В. Сёмухі)

¹³ Еж, сыне мой, мёд, бо ён смачны, і сотавы, бо ён салодкі паднябеньню майму:

ВЫСЛОЎІ 24:13 Крыжаваныя спасылкі

ПСАЛТЫР 119:103

Якія ж салодкія для паднябення майго прырачэнні Твае, лепш за мёд — для вуснаў маіх!

ПСАЛТЫР 19:10

Страх Госпада чысты, трывае на векі вечныя, суды Госпада праўдзівыя і адначасова справядлівыя.

ВЫСЛОЎІ 16:24

Складная мова — соты мядовыя, слодыч для душы і здароўе для цела.

ВЫСЛОЎІ 25:16

Ты знайшоў мёд? З’еш, колькі табе трэба, каб часам, наеўшыся, не вырыгнуць яго.

ВЫСЛОЎІ 25:27

Нядобра есці занадта мёду, і здабыццё славы не ёсць слава.

ВЫСЛОЎІ 27:7

Душа, што насыцілася, будзе таптаць мёд, а душа, што прагне, нават горкае будзе лічыць за салодкае.

ПЕСЬНЯ 4:11

Сотавы мёд сцякае з вуснаў тваіх, о нявеста, мёд і малако пад тваім языком, а водар шатаў тваіх — як духмянасць Лібана.

ПЕСЬНЯ 5:1

«Хай увойдзе ўлюбёны мой у сад свой і хай пакаштуе найлепшыя плады яго». «Увайшоў я у сад мой, сястра мая, нявеста; збіраў міру маю з пахамі маімі, спажываў соты з мёдам, піў віно з малаком маім. Ежце, сябры, і піце, і насычайцеся, найдаражэйшыя!»

ІСАІ 7:15

Масла і мёд будзе Ён есці, каб умеў адкідаць ліхоцце, а выбіраць дабро.

МАЦЬВЕЯ 3:4

Сам жа Ян насіў адзенне сваё з вярблюджага воласу і дзяжку скураную на паясніцы сваёй, а ежай яму была саранча і дзікі мёд.

СУДЗЬДЗЯЎ 14:9

І, узяўшы іх у рукі, ён еў мёд у дарозе; і, вярнуўшыся да бацькі свайго і маці, ім даў частку, каб і яны пакаштавалі. Але не хацеў ім казаць, што мёд узяў з цела льва.

1 ЦАРСТВАЎ 14:27

Ёнатан жа не чуў, як бацька яго звязаў народ прысягай, і працягнуў ён канец палкі, якую меў у руцэ, і абмакнуў у пласце мёду, і паднёс да вуснаў рукою сваёю, і вочы яго праяснелі.