ВЫСЛОЎІ 21:21 - Кнігі Святога Пісання - Біблія - Біблія — пераклад Чарняўскага (выданне 2017 года)

²¹ Хто ідзе ўслед за справядлівасцю і міласэрнасцю, той знойдзе жыццё, і справядлівасць, і славу.

Біблія (пераклад А.Бокуна)

²¹ Хто імкнецца да праведнасьці і міласэрнасьці, знойдзе жыцьцё, праведнасьць і славу.

Біблія (пераклад В. Сёмухі)

²¹ Хто трымаецца праўды і ласкі, знойдзе жыцьцё, праўду і славу.

ВЫСЛОЎІ 21:21 Крыжаваныя спасылкі

МАЦЬВЕЯ 5:6

Шчасныя тыя, што прагнуць і смагнуць справядлівасці, бо яны насыцяцца.

1 КАРЫНФЯНАЎ 15:58

Дзеля таго, браты мае ўлюбёныя, будзьце стойкімі, непахіснымі, заўсёды рупліва занятымі справай Госпада, ведаючы, што праца ваша недарэмная перад Госпадам.

ВЫСЛОЎІ 22:4

Узнагарода пакорлівасці — страх Госпадаў, багацце і слава, і жыццё.

ГАБРЭЯЎ 12:14

Імкніцеся да міру з усімі і ўсвячайцеся, бо без гэтага ніхто не ўбачыць Бога.

1 ЦІМАФЕЯ 6:11

А ты, чалавек Божы, пазбягай гэтага. Шукай справядлівасці, пабожнасці, веры, любові, цярплівасці, лагоднасці.

ВЫСЛОЎІ 15:9

Агіднасць для Госпада — дарога бязбожніка; хто ідзе ўслед за справядлівасцю — будзе любімы Ім.

2 ЦІМАФЕЯ 2:22

Высцерагайся пажаданняў юнацкіх, але трымайся справядлівасці, веры, любові, супакою з тымі, што чыстым сэрцам заклікаюць Госпада.

ІСАІ 51:1

Слухайце Мяне вы, якія ідзяце следам за справядлівасцю, якія шукаеце Госпада. Зважце на скалу, з якой вы высечаны, і на бяздонне ямы, з якой вы выцягнуты.

1 ПЯТРА 1:7

каб выпрабаваная ваша вера выявілася шмат даражэйшай за золата – яно, хоць і выпрабавана ў агні, ды ідзе на загубу, – на славу, пахвалу і гонар пры з’яўленні Ісуса Хрыста.

РЫМЛЯНАЎ 14:19

Дык будзем дбаць пра тое, што вядзе да супакою ды ўзаемнага збудавання.

1 ФЕСАЛОНІКІЙЦАЎ 5:21

усё выпрабоўвайце, добрага трымайцеся.

ПІЛІПЯНАЎ 3:12

Не кажу так, што я ўжо дасягнуў або ўжо стаўся дасканалым; але імкнуся, каб здабыць, як здабыў мяне Хрыстос Ісус.

АСІІ 6:3

Пазнавайма, парупімся пазнаць Госпада. Быццам зараніца, прыгатаваны прыход Яго, і прыйдзе Ён, як дождж своечасовы да нас, як дождж позні, што абвадняе зямлю».

ВЫСЛОЎІ 3:22

і будзе жыццё для душы тваёй і ласка для шыі тваёй;

ПСАЛТЫР 112:4

ДЗАЙН. Узышло ў цемры святло для справядлівых, ГЭТ. Ён спагадны, і міласэрны, і справядлівы.

ВЫСЛОЎІ 10:16

Праца справядлівага — на жыццё, а плады бязбожніка — на грэх.

ВЫСЛОЎІ 11:19

Надзейны чалавек рыхтуецца да справядлівасці, а прыхільнік ліха — да смерці.