ВЫСЛОЎІ 21:2 - Кнігі Святога Пісання - Біблія - Біблія — пераклад Чарняўскага (выданне 2017 года)

² Усякая дарога чалавека здаецца яму вернай, але Госпад узважвае сэрцы.

Біблія (пераклад А.Бокуна)

² Усе шляхі чалавека слушныя ў вачах ягоных, але ГОСПАД узважвае сэрцы.

Біблія (пераклад В. Сёмухі)

² Усякі шлях чалавека просты ў вачах ягоных; а Гасподзь узважвае сэрцы.

ВЫСЛОЎІ 21:2 Крыжаваныя спасылкі

ВЫСЛОЎІ 16:2

У вачах чалавека ўсе яго дарогі чыстыя, але Госпад разглядае душы.

ВЫСЛОЎІ 16:25

Ёсць дарога, якая здаецца чалавеку вернай, а ўрэшце рэшт вядзе да смерці.

ЛУКАША 16:15

Дык гаворыць ім: «Вы ўважаецеся за справядлівых перад людзьмі; але Бог ведае сэрцы вашы, бо што для людзей з’яўляецца высокім, тое ў Бога – агіда.

ЕРАМІІ 17:10

Я, Госпад, даследую сэрца і прасочваю ныркі, Я даю кожнаму паводле шляху яго і паводле пладоў учынкаў яго».

ВЫСЛОЎІ 30:12

Ёсць род, які здаецца сабе чыстым, але не адмыты ад бруду свайго.

1 ЦАРСТВАЎ 16:7

І Госпад сказаў Самуэлю: «Не глядзі на твар яго, ані на высокі рост яго, бо Я яго не выбраў; Я не вырашаю так, як чалавек: бо чалавек бачыць яўнае, а Госпад бачыць сэрца».

ВЫСЛОЎІ 24:12

Ці скажаш: «Я не ведаў гэтага»? Ці ж Той, Хто праглядае сэрца, Сам не разумее? Ведае Той, Хто сочыць за душамі, Ён адплачвае кожнаму за справы яго.

ЯКАВА 1:22

Будзьце выканаўцамі слова, а не толькі слухачамі, якія саміх сябе ашукваюць.

ПСАЛТЫР 36:2

Нашэптвае несправядлівасць бязбожніку ў самым сэрцы яго; няма страху Божага перад вачамі яго.

ГАЛЯТАЎ 6:3

Бо калі хто думае, што ён штосьці, хоць ён нішто, той самога сябе ашуквае.

ВЫСЛОЎІ 20:6

Завуць сябе міласэрнымі многія людзі, а хто знойдзе праўдзівага чалавека?

АДКРЫЦЦЁ 2:23

І дзяцей яе пакараю смерцю, і няхай усе цэрквы даведаюцца, што Я – Той, Які даследуе патаемнае і сэрцы, і дам кожнаму паводле ўчынкаў яго.

ВЫСЛОЎІ 12:15

Шлях бязглуздага — роўны ў вачах яго, а хто мудры — слухае парады.

ЁВА 31:6

Хай узважыць Ён мяне справядлівымі шалямі і хай ведае Бог маю беззаганнасць.

ВЫСЛОЎІ 17:3

Як агнём правяраецца срэбра і горнам золата, так сэрцы правярае Госпад.

ДАНІІЛА 5:27

тэцэль — паважылі цябе на шалях, і аказаўся ты вельмі лёгкі;