ВЫСЛОЎІ 21:1 - Кнігі Святога Пісання - Біблія - Біблія — пераклад Чарняўскага (выданне 2017 года)

¹ Сэрца цара ў руцэ Госпада — як ручаі водаў: Ён паверне яго, куды пажадае.

Біблія (пераклад А.Бокуна)

¹ Сэрца валадара ў руцэ ГОСПАДА, як ручаі водаў; Ён скіроўвае яго, куды хоча.

Біблія (пераклад В. Сёмухі)

¹ Сэрца цара ў руках у Госпада, як патокі водаў: куды захоча, Ён кіруе яго.

ВЫСЛОЎІ 21:1 Крыжаваныя спасылкі

4 ЦАРСТВАЎ 19:33

Дарогай, якою ён прыйшоў, вернецца, і ў горад гэты не ўвойдзе”, — кажа Госпад. —

ЭЗДРЫ 1:1

Каб збылося слова Госпада, сказанае Ярэміем, узбудзіў Госпад дух Кіра, цара персаў, у першы год царавання яго, які на ўсё царства сваё разаслаў загад, пісьмова абвяшчаючы:

ЭЗДРЫ 1:2

«Вось што кажа Кір: “Усе царствы зямлі даў мне Госпад, Бог нябесны, і Ён загадаў мне пабудаваць дом Яму ў Ерузаліме, што ў Юдэі.

ЭЗДРЫ 6:22

І сем дзён з радасцю святкавалі ўрачыстасць праснакоў, бо суцешыў іх Госпад і звярнуў да іх сэрца цара Асірыі, каб дапамагчы іх рукам у пабудове дома Госпада, Бога Ізраэля.

НЭЭМІІ 1:11

Малю, Госпадзе, хай чуйным будзе вуха Тваё да малітвы раба Твайго і да малення слуг Тваіх, якія хочуць славіць імя Тваё; і зрабі, каб пашчаслівілася сёння рабу Твайму, і дай яму мець у гэтага чалавека ласку». Я бо быў падчарны пры цару.

НЭЭМІІ 2:4

І кажа цар да мяне: «Дык што ты просіш?» І я памаліўся да Бога нябеснага

НЭЭМІІ 2:8

і ліст да Асафа, загадчыка царскага лесу, каб даў ён мне дрэва, каб мог я пабудаваць брамы вежы пры доме, і мура гарадскога, і дома, у якім буду жыць». І даў мне цар, бо добрая рука Бога майго супачывала на мне.

ЭСТЭР 2:17

І палюбіў яе цар болей, чым усіх іншых жанчын, і яна знайшла ласку і прыхільнасць у яго больш, чым усе іншыя дзяўчаты, і ён усклаў на галаву ёй царскі вянец і ўстанавіў яе царыцай на месца Васці.

ПСАЛТЫР 105:25

І павярнуў Бог іх сэрца, каб у нянавісці мелі народ Яго і каб хітрасць чынілі супраць слуг Яго.

ПСАЛТЫР 106:46

І будзіў Ён літасць да іх ва ўсіх, якія іх няволілі.

ПСАЛТЫР 114:3

Мора бачыць і ўцякае, Ярдан вяртаецца назад;

ПСАЛТЫР 114:5

Што з табой, мора, чаму ты ўцякаеш? І ты, Ярдан, што вяртаешся назад?

ПСАЛТЫР 74:15

Ты прабіў крыніцы і ручаі; Ты высушыў велічныя рэкі.

ПСАЛТЫР 93:4

Па-над галасамі многіх водаў, па-над магутнымі наваламі марскімі, магутны на вышынях Госпад.

ВЫХАД 7:3

Але Я зраблю цвёрдым сэрца яго і павялічу знакі і цуды Мае ў зямлі Егіпецкай.

ВЫСЛОЎІ 16:1

Чалавечае — гэта рыхтаваць сэрца, а ад Госпада — адказ языка.

ВЫСЛОЎІ 16:9

Сэрца чалавека плануе дарогу яго, але Госпад кіруе яго крокамі.

ВЫСЛОЎІ 20:24

Госпад кіруе хадою чалавека, а хто з людзей можа зразумець шлях свой?

ІСАІ 43:19

вось, Я чыню новае, і цяпер збудзецца; ці ж вы не пазнаеце гэтага? Вось жа, пакладу дарогу праз пустыню, а на бездарожжы — рэкі.

ІСАІ 44:27

Я Той, Які кажу бездані: “Высахні, і рэкі твае высушу!”

ЕРАМІІ 39:12

«Вазьмі яго, і ўскладзі на яго вочы свае, і не рабі яму нічога благога, і выконвай тое, што ён захоча».

ДЗЕІ 7:10

і вызваліў яго ад усякіх бед, і даў яму ласку і мудрасць перад абліччам фараона, цара Егіпта, і ён прызначыў яго ўладаром над Егіптам ды над усім сваім домам.

АДКРЫЦЦЁ 16:12

І шосты анёл выліў чару сваю на раку вялікую, што завецца Еўфрат; і высахла яе вада, каб гэтым была падрыхтавана дарога царам з усходу.

АДКРЫЦЦЁ 16:4

І трэці анёл выліў сваю чару на рэкі і крыніцы водаў, і сталіся яны крывёй.