ВЫСЛОЎІ 20:18 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁸ Планы ўзмацняюцца нарадамі, і войны трэба рыхтаваць пасля нарады.

Біблія (пераклад А.Бокуна)

¹⁸ Думкі ўмацоўваюцца парадамі, і з разважлівасьцю вядзі вайну.

Біблія (пераклад В. Сёмухі)

¹⁸ Намеры набываюць пэўнасьць праз нараду, і пасьля нарады вядзі вайну.

ВЫСЛОЎІ 20:18 Крыжаваныя спасылкі

3 ЦАРСТВАЎ 1:12

Дык хачу табе параіць, каб захавала ты жыццё сваё і сына свайго Саламона.

4 ЦАРСТВАЎ 18:20

Ты выказаў пустыя словы. Для вайны патрэбны рада і сіла! На каго ты спадзяешся, што адважыўся супраць мяне бунтавацца?

ВЫСЛОЎІ 11:14

Дзе няма парадку — народ загіне, а збаўленне там, дзе шматлікія парады.

ВЫСЛОЎІ 15:22

Дзе няма парады — разбягаюцца намеры, а здзяйсняюцца — дзе многа дарадчыкаў.

ВЫСЛОЎІ 24:6

Бо ты будзеш рыхтаваць для сябе вайну ў адпаведнасці з планамі — і будзе перамога, дзе многія парады.

ВЫСЛОЎІ 25:8

Што вочы твае бачылі, не адкрывай гэта хутка ў судзе, бо што зробіш потым, калі абняславіць цябе сябар твой?

ЛУКАША 14:31

Або які цар, збіраючыся ісці на вайну супраць другога цара, не сядзе перш і не абдумае, ці мог бы ён з дзесяццю тысячамі пайсці супраць таго, які ідзе на яго з дваццаццю тысячамі?

СУДЗЬДЗЯЎ 19:30

Кожны, бачачы гэта, крычаў: «Ніколі такога не было і не бачана нічога падобнага ў Ізраэлі ад таго дня, у які бацькі нашы выйшлі з Егіпта, па цяперашні час!» Бо загадаў ён мужчынам, якіх паслаў, кажучы: «Вось што скажыце кожнаму ізраэльцу: “Ці зроблена было што-небудзь падобнае з дня, калі выйшлі сыны Ізраэля з зямлі Егіпта аж па цяперашні час?” Звярніце ўвагу на гэта, парайцеся і скажыце, што рабіць».

СУДЗЬДЗЯЎ 20:18

Яны паўсталі, і пайшлі ў Бэтэль, і параіліся з Богам, і сказалі: «А хто пойдзе з нас першым у бой супраць сыноў Бэньяміна ў нашым войску?» Госпад ім адказаў: «Юда пойдзе першы».

СУДЗЬДЗЯЎ 20:23

а раней пайшлі [у Бэтэль] і плакалі перад абліччам Госпада аж да ночы, і шукалі ў Яго парады, кажучы: «Ці маем мы далей ваяваць з сынамі Бэньяміна, братамі нашымі, ці не?» Госпад ім адказаў: «Ваюйце супраць іх».

СУДЗЬДЗЯЎ 20:7

Прысутныя тут сыны Ізраэля, вырашыце, што вы павінны зрабіць».

СУДЗЬДЗЯЎ 9:29

Каб хто аддаў гэты народ пад маю руку, я прагнаў бы Абімэлеха і сказаў бы яму: “Збяры сваё вялікае войска і прыходзь!”»