ВЫСЛОЎІ 19:17 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁷ Пазычае Госпаду — хто шкадуе бедных, і ў сваю чаргу вернецца яму.

Біблія (пераклад А.Бокуна)

¹⁷ Хто літуецца над убогім, той пазычае ГОСПАДУ, за дабрадзейства Ён аднагародзіць яму.

Біблія (пераклад В. Сёмухі)

¹⁷ Міласэрны да беднага пазычае Госпаду; і Ён аддасьць яму за дабрачынства ягонае.

ВЫСЛОЎІ 19:17 Крыжаваныя спасылкі

2 ЦАРСТВАЎ 12:6

за авечку хай аддасць у чатыры разы: за тое, што так зрабіў і што не пашкадаваў яго».

ПСАЛТЫР 41:2

Шчасны той, хто спачувае няшчаснаму. У дзень ліхі вызваліць яго Госпад.

ПСАЛТЫР 72:13

Пашкадуе ён беднага і ўбогага, і душы бедных ён уратуе.

ВЫСЛОЎІ 12:14

З плода вуснаў сваіх кожны напоўніцца дабром, і паводле ўчынкаў рук яго адплоціцца яму.

ВЫСЛОЎІ 14:21

Хто адцураецца блізкага свайго — грашыць, а хто шкадуе бедных — шчасны.

ВЫСЛОЎІ 14:31

Хто гоніць беднага — той упікае яго Творцу; шануе Яго той, хто шкадуе бедных.

ВЫСЛОЎІ 22:9

Будзе дабраславёны той, хто мае добрае вока, бо з хлеба свайго дае беднаму.

ВЫСЛОЎІ 28:27

Хто дае беднаму — не будзе ў галечы, а хто хавае вочы — напоўніцца праклёнамі.

ВЫСЛОЎІ 28:8

Хто накоплівае багацце сваё пазыкамі і ліхвярствам, той збірае яго для шчодрага да бедных.

ЭКЛЕЗІЯСТА 11:1

Кідай свой хлеб на бягучую ваду, бо праз доўгі час знойдзеш яго.

ЭКЛЕЗІЯСТА 11:2

Давай частку сямі або нават васьмі, бо не ведаеш, якая бяда будзе на зямлі.

МАЦЬВЕЯ 25:40

І, адказваючы, Валадар скажа ім: “Сапраўды кажу вам: “Што зрабілі вы аднаму з гэтых братоў Маіх найменшых, тое Мне зрабілі”.

ЛУКАША 6:38

Давайце, і будзе вам дадзена: меркай добрай, поўнай, патрэсенай і з верхам дадуць вам на ўлонне ваша, бо такой самай меркай, што вы мераеце, будзе вам адмерана».

ДРУГІ ЗАКОН 24:19

Калі будзеш жаць жніво на полі сваім і, забыўшыся, пакінеш сноп на полі, не вяртайся забраць яго, але дазволь забраць яго чужынцу, сіраце ды ўдаве, каб дабраславіў цябе Госпад, Бог твой, ва ўсім, што будуць рабіць рукі твае.

ПІЛІПЯНАЎ 4:17

Не шукаю я дарункаў, але шукаю плода, які памнажаецца на вашу карысць.

ГАБРЭЯЎ 6:10

Бо Бог справядлівы і не забудзе ўчынкаў вашых і працу любові, якую выказалі вы дзеля імя Яго, вы, якія паслугавалі і паслугуеце святым.