ВЫСЛОЎІ 17:17 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁷ Сябар любіць ва ўсякі час, а брат народжаны для няшчасця.

Біблія (пераклад А.Бокуна)

¹⁷ Сябра любіць у кожны час, і ў нядолі робіцца братам.

Біблія (пераклад В. Сёмухі)

¹⁷ Сябар любіць ва ўсякі час і, як брат, явіцца ў няшчасьці.

ВЫСЛОЎІ 17:17 Крыжаваныя спасылкі

2 ЦАРСТВАЎ 1:26

О, як шкадую цябе, брат мой Ёнатан: ты быў мне вельмі дарагі; любоў твая была для мяне даражэй за любоў жаночую.

2 ЦАРСТВАЎ 15:21

І ў адказ сказаў Этай цару: «Жыве Госпад, і жыве гаспадар мой, цар; у любым месцы, дзе будзе гаспадар мой, цар, ці на смерць, ці на жыццё, там будзе і паслугач твой».

ЭСТЭР 4:14

Калі бо ты будзеш цяпер маўчаць, аднекуль прыйдзе ратунак і вызваленне, а ты і дом бацькі твайго — прападзяце; і хто ведае, ці не дзеля гэтага ты стала царыцай у такі час?»

ВЫСЛОЎІ 16:28

Чалавек ліхі выклікае сваркі, а той, хто наракае, раз’ядноўвае сяброў.

ВЫСЛОЎІ 18:24

Чалавек можа быць паранены сябрамі, але ёсць сябар, які бліжэй за брата.

ВЫСЛОЎІ 19:13

Загуба для бацькі — сын бязглузды, а жонка сварлівая — дах, што няспынна працякае.

ВЫСЛОЎІ 19:7

Усе браты беднага чалавека ненавідзяць яго, звыш таго, і сябры далёка адыходзяць ад яго; хто імкнецца толькі да размоў — не будзе мець нічога.

ГАБРЭЯЎ 2:11

Бо Той, Хто ўсвячае, і тыя, якія ўсвячаюцца, ад Аднаго ўсе. Дзеля таго Ён не саромеецца называць іх братамі,

РУТ 1:16

Яна адказала: «Не прымушай мяне, каб пакінула цябе і адышла ад цябе; бо куды б ты ні пайшла, там я пайду, дзе ты будзеш жыць, там і я таксама жыць буду: твой народ будзе маім народам, і твой Бог будзе маім Богам.

1 ЦАРСТВАЎ 18:3

Завязалася ж у Ёнатана з Давідам сяброўства; бо палюбіў ён яго, як сваю душу.

1 ЦАРСТВАЎ 19:2

І перасцерагаў Ёнатан Давіда, кажучы: «Саўл, бацька мой, хоча забіць цябе; таму сцеражыся, прашу, раніцою, і схавайся, і не паказвайся.

1 ЦАРСТВАЎ 19:3

А я пайду і стану каля бацькі майго ў полі, дзе ты будзеш; і буду гаварыць пра цябе бацьку майму, і, што ўбачу, раскажу табе».

1 ЦАРСТВАЎ 20:17

І яшчэ раз Ёнатан прысягнуў Давіду любоўю сваёю; бо ён так палюбіў яго, як сваю душу.

1 ЦАРСТВАЎ 23:16

І ўстаў Ёнатан, сын Саўла, і прыйшоў да Давіда ў Харэс; і ўмацаваў рукі яго ў Богу,