ВЫСЛОЎІ 17:14 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁴ Пачатак сварак — гэта прарыў водаў; і пакінь іх, перш чым спрэчка ўзмацніцца.

Біблія (пераклад А.Бокуна)

¹⁴ Пачатак звадкі — прарыў вады, перш, чым спрэчка пачнецца, пакінь [яе].

Біблія (пераклад В. Сёмухі)

¹⁴ Пачатак свары - як прарыў вады; пакінь свару раней, чым разгарыцца яна.

ВЫСЛОЎІ 17:14 Крыжаваныя спасылкі

2 ЦАРСТВАЎ 19:41

І вось, вакол цара сышліся ўсе ізраэльцы і казалі яму: «Чаму браты нашы, сыны Юды, укралі цябе і пераправілі цара і дом яго праз Ярдан і ўсіх людзей Давіда разам з ім?»

2 ЛЕТАПІСАЎ 13:17

Такім чынам, паразіў іх Абія і народ яго плягаю страшнай; і пала пабітых ізраэльцаў пяцьсот тысяч мужных ваяроў.

2 ЛЕТАПІСАЎ 28:6

Бо Фацэй, сын Рамэліі, у адзін дзень забіў сто дваццаць тысяч з юдэяў — усіх баявых ваяроў, таму што яны адвярнуліся ад Госпада, Бога бацькоў сваіх.

ВЫСЛОЎІ 13:10

Між пыхліўцаў — толькі сваркі, а ў пакорлівых — мудрасць.

ВЫСЛОЎІ 14:29

Хто цярплівы, тым кіруе вялікая разважлівасць; хто нецярплівы — павялічвае бязглуздасць.

ВЫСЛОЎІ 15:1

Мяккі адказ уціхамірвае гнеў, а жорсткая размова выклікае лютасць.

ВЫСЛОЎІ 16:32

Той, хто трывае, — лепей за дужага чалавека, а той, хто кіруе душой сваёю, — за заваёўніка гарадоў.

ВЫСЛОЎІ 17:19

Хто любіць злачынства — любіць сваркі, а хто ўзвышае дзверы свае — той шукае ўзлому.

ВЫСЛОЎІ 19:11

Веды чалавека ўціхамірваюць гнеў яго, а слава яго праходзіць міма несправядлівага.

ВЫСЛОЎІ 20:3

Гонар для чалавека — аддзяліцца ад спрэчак; бо ўсе бязглуздыя ўмешваюцца ў ганьбу.

ВЫСЛОЎІ 25:8

Што вочы твае бачылі, не адкрывай гэта хутка ў судзе, бо што зробіш потым, калі абняславіць цябе сябар твой?

ВЫСЛОЎІ 26:21

Як вугалі — для жару, а дровы — для агню, так сварлівы чалавек — для таго, каб распаляць сваркі.

ВЫСЛОЎІ 29:22

Гняўлівы чалавек узбуджае сваркі, а той, хто ахвочы на гнеў, будзе болей схільны да граху.

РЫМЛЯНАЎ 12:18

Наколькі магчыма ды наколькі ад вас залежыць, жывіце з усімі людзьмі ў згодзе.

1 ФЕСАЛОНІКІЙЦАЎ 4:11

прыкладалі намаганні, каб жыць у супакоі, і рабіць сваю справу, і зарабляць на пражыццё ўласнымі рукамі, як загадалі мы вам,