ВЫСЛОЎІ 16:24 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁴ Складная мова — соты мядовыя, слодыч для душы і здароўе для цела.

Біблія (пераклад А.Бокуна)

²⁴ Прыемныя словы — сотавы мёд, асалода для душы і лекі для цела.

Біблія (пераклад В. Сёмухі)

²⁴ Прыемная мова - сотавы мёд, салодкая душы і гойная касьцям.

ВЫСЛОЎІ 16:24 Крыжаваныя спасылкі

ВЫСЛОЎІ 12:18

Ёсць той, што гаворыць неабдумана, і ён, быццам мечам, ударае, а язык мудрых — здароўе.

ВЫСЛОЎІ 4:22

бо яны — жыццё для тых, хто знаходзіць іх, і здароўе — для ўсяго цела.

ВЫСЛОЎІ 3:8

бо гэта будзе здароўем для цела твайго і падсілкоўваннем для касцей тваіх.

ВЫСЛОЎІ 23:16

і паясніца мая будзе радавацца, калі вусны твае будуць казаць вернае.

ВЫСЛОЎІ 27:9

Маззю і фіміямам цешыцца сэрца і прывабнасцю сябра ў парадзе ад душы.

ПСАЛТЫР 119:103

Якія ж салодкія для паднябення майго прырачэнні Твае, лепш за мёд — для вуснаў маіх!

ПСАЛТЫР 19:10

Страх Госпада чысты, трывае на векі вечныя, суды Госпада праўдзівыя і адначасова справядлівыя.

ЕРАМІІ 15:16

Адкрыліся словы Твае, і праглынуў я іх, і сталася слова Тваё мне на радасць ды на пацеху сэрца майго, бо прызывана імя Тваё нада мною, Госпадзе, Божа Магуццяў.

ВЫСЛОЎІ 15:26

Агіднасць для Госпада — намеры ліхія, а чыстая размова — найпрыгажэйшая.

ДРУГІ ЗАКОН 32:2

Хай цячэ, як дождж, навука мая, хай падае, як раса, мова мая, як імжа, хай імжыць на траву ды, як кроплі, капае на зямлю.

ВЫСЛОЎІ 15:23

Весяліцца чалавек з адказу вуснаў сваіх, і спрыяльная размова — найлепшая.

ПЕСЬНЯ 4:11

Сотавы мёд сцякае з вуснаў тваіх, о нявеста, мёд і малако пад тваім языком, а водар шатаў тваіх — як духмянасць Лібана.

ВЫСЛОЎІ 17:22

Радасны дух робіць жыццё квітнеючым, дух сумны высушвае косці.

ЭКЛЕЗІЯСТА 12:10

Знайшоў Эклезіяст вытанчаныя словы і запісаў найпраўдзівейшыя і поўныя праўды выказванні.

АДКРЫЦЦЁ 10:10

І ўзяў я маленькую кніжку з рукі анёла і з’еў яе; і ў вуснах маіх была яна салодкай, як мёд, а, калі яе спажыў, нутро маё напоўнілася горыччу.