ВЫСЛОЎІ 16:2 - Кнігі Святога Пісання - Біблія - Біблія — пераклад Чарняўскага (выданне 2017 года)

² У вачах чалавека ўсе яго дарогі чыстыя, але Госпад разглядае душы.

Біблія (пераклад А.Бокуна)

² Усе шляхі чалавека чыстыя ў вачах ягоных, але ГОСПАД узважвае душы.

Біблія (пераклад В. Сёмухі)

² Усе шляхі чалавека чыстыя ў ягоных вачах, а Гасподзь выпрабоўвае душы.

ВЫСЛОЎІ 16:2 Крыжаваныя спасылкі

ВЫСЛОЎІ 21:2

Усякая дарога чалавека здаецца яму вернай, але Госпад узважвае сэрцы.

1 ЦАРСТВАЎ 16:7

І Госпад сказаў Самуэлю: «Не глядзі на твар яго, ані на высокі рост яго, бо Я яго не выбраў; Я не вырашаю так, як чалавек: бо чалавек бачыць яўнае, а Госпад бачыць сэрца».

ЛУКАША 16:15

Дык гаворыць ім: «Вы ўважаецеся за справядлівых перад людзьмі; але Бог ведае сэрцы вашы, бо што для людзей з’яўляецца высокім, тое ў Бога – агіда.

ВЫСЛОЎІ 30:12

Ёсць род, які здаецца сабе чыстым, але не адмыты ад бруду свайго.

ЕРАМІІ 17:10

Я, Госпад, даследую сэрца і прасочваю ныркі, Я даю кожнаму паводле шляху яго і паводле пладоў учынкаў яго».

ВЫСЛОЎІ 24:12

Ці скажаш: «Я не ведаў гэтага»? Ці ж Той, Хто праглядае сэрца, Сам не разумее? Ведае Той, Хто сочыць за душамі, Ён адплачвае кожнаму за справы яго.

ПСАЛТЫР 36:2

Нашэптвае несправядлівасць бязбожніку ў самым сэрцы яго; няма страху Божага перад вачамі яго.

ВЫСЛОЎІ 5:21

Бо перад Госпадам — дарогі чалавека і Ён бачыць крокі яго.

ВЫСЛОЎІ 16:25

Ёсць дарога, якая здаецца чалавеку вернай, а ўрэшце рэшт вядзе да смерці.

ДАНІІЛА 5:27

тэцэль — паважылі цябе на шалях, і аказаўся ты вельмі лёгкі;

ІСАІ 26:7

Сцежка справядлівага — правільная, Ты раўняеш правільную сцежку справядлівага.

АДКРЫЦЦЁ 2:23

І дзяцей яе пакараю смерцю, і няхай усе цэрквы даведаюцца, што Я – Той, Які даследуе патаемнае і сэрцы, і дам кожнаму паводле ўчынкаў яго.

АДКРЫЦЦЁ 2:18

І анёлу царквы, што ў Тыятыры, напішы: гэта, вось, кажа Сын Божы, Які мае вочы быццам полымя агню, а ногі падобныя да бронзы.

1 ЦАРСТВАЎ 2:3

Перастаньце гаварыць, услаўляючы фанабэрыстае. Хай спыніцца пыхлівасць вуснаў вашых, бо Бог ёсць Госпад ведаў і Ім ацэньваюцца ўчынкі.

ВЫСЛОЎІ 12:15

Шлях бязглуздага — роўны ў вачах яго, а хто мудры — слухае парады.

ЛІКІ 22:32

Сказаў яму Анёл Госпадаў: «Навошта трэці раз біў ты асліцу сваю? Я прыбыў, каб заступіць табе дарогу, бо нядобрая твая дарога і мне варожая.

СУДЗЬДЗЯЎ 7:6

Такім чынам, тых, якія пілі ваду, падносячы яе да вуснаў рукой, было трыста чалавек; а ўсё астатняе мноства піло ўкленчыўшы.

СУДЗЬДЗЯЎ 17:6

У тыя дні не было цара ў Ізраэлі, і кожны рабіў тое, што яму здавалася слушным.

ВЫСЛОЎІ 17:3

Як агнём правяраецца срэбра і горнам золата, так сэрцы правярае Госпад.