ВЫСЛОЎІ 15:10 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁰ Лютая кара таму, хто пагарджае вернай дарогай; хто ненавідзіць папрокі — памрэ.

Біблія (пераклад А.Бокуна)

¹⁰ Таму, хто ўхіляецца з дарогі, — строгая кара, і той, хто дакараньне ненавідзіць, — памрэ.

Біблія (пераклад В. Сёмухі)

¹⁰ Ліхая кара таму, хто скрывіць дарогу, і той, хто ненавідзіць засьцярогу, загіне.

ВЫСЛОЎІ 15:10 Крыжаваныя спасылкі

3 ЦАРСТВАЎ 18:17

І, калі ўбачыў яго, сказаў: «Ці не ты той, хто трывожыць Ізраэль?»

3 ЦАРСТВАЎ 21:20

І сказаў Ахаб Іллі: «Ці ты знайшоў мяне, вораг мой?» А ён адказаў: «Знайшоў, бо ты запрадаўся, каб чыніць ліхое перад абліччам Госпада.

3 ЦАРСТВАЎ 22:8

І сказаў цар Ізраэля Язафату: «Ёсць яшчэ адзін чалавек, праз якога можам запытацца ў Госпада; але я яго ненавіджу, бо ён не прарочыць мне добрае, але ліхое: Міхей, сын Емлі». Язафат сказаў яму: «Не гавары так, цар».

ЁВА 34:27

тых, якія быццам бы знарок адвярнуліся ад Яго і не захацелі разумець усіх шляхоў Яго,

ПСАЛТЫР 50:17

Ты ж ненавідзіш павучанне і адкідаеш словы Мае назад.

ВЫСЛОЎІ 1:25

Вы пагрэбавалі ўсякаю маёю парадаю і адхілілі мае папрокі.

ВЫСЛОЎІ 1:30

не згадзіліся з маёю парадаю і пагрэбавалі ўсім маім выкрываннем.

ВЫСЛОЎІ 10:17

Хто беражэ настаўленне — ідзе да жыцця, а хто адхіляе папрокі — блукае.

ВЫСЛОЎІ 12:1

Хто любіць настаўленне — любіць веды; а хто ненавідзіць папрокі, той неразумны.

ВЫСЛОЎІ 13:1

Мудры сын любіць настаўленне бацькі, насмешнік не слухае, калі яго ганяць.

ВЫСЛОЎІ 15:11

Пекла і пагібель — перад вачамі Госпада, а тым больш — сэрцы сыноў чалавечых!

ВЫСЛОЎІ 15:9

Агіднасць для Госпада — дарога бязбожніка; хто ідзе ўслед за справядлівасцю — будзе любімы Ім.

ВЫСЛОЎІ 23:35

«Пабілі мяне, а мне не было балюча, ударылі мяне, а я нічога не адчуў; калі прачнуся — ізноў буду шукаць гэта».

ВЫСЛОЎІ 5:12

і ты скажаш: «Чаму пагрэбаваў я настаўленнем, і сэрца маё адхіліла папрокі,

ЕРАМІІ 2:17

Ці ж не зрабілася гэта табе за тое, што пакінула ты Госпада, Бога твайго, калі вёў Ён цябе дарогаю?

ЕЗЭКІІЛЯ 33:9

Калі, аднак, перасцеражэш ты бязбожніка, каб адступіў ад сваіх дарог, і ён не адвернецца ад сваёй дарогі, ён сам памрэ ў злачыннасці сваёй, але ты вызваліў душу сваю.

ЯНА 3:20

Бо кожны, хто блага робіць, ненавідзіць святло і не ідзе да святла, каб не асудзілі яго ўчынкаў;

ЯНА 7:7

Вас свет не можа ненавідзець, а Мяне ненавідзіць, бо Я сведчу аб ім, што яго ўчынкі ліхія.