ВЫСЛОЎІ 14:17 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁷ Нецярплівы зробіць бязглуздасць, а чалавек хітры — нявідны.

Біблія (пераклад А.Бокуна)

¹⁷ Скоры на гнеў робіць дурасьць, а чалавек зламысны зьненавіджаны.

Біблія (пераклад В. Сёмухі)

¹⁷ Запальчывы можа ўчыніць глупства; а чалавек, які наўмысна чыніць благое, ненавісны.

ВЫСЛОЎІ 14:17 Крыжаваныя спасылкі

4 ЦАРСТВАЎ 5:12

Ці не лепшыя Абана і Парпар, рэкі Дамаска, за ўсе рэкі Ізраэля? Ці ж не мог я памыцца ў іх і ачысціцца?» І, узлаваны, павярнуўся і пайшоў;

ЭСТЭР 3:6

і ён палічыў гэта за нішто, каб падняць руку сваю толькі на Мардахэя, — бо чуў ён, што ён з народа юдэйскага, — больш таго, хацеў знішчыць усіх юдэяў, што жылі ў царстве Асуэра, як нацыю.

ВЫСЛОЎІ 12:16

Неразумны адразу выяўляе гнеў свой, а разумны ўтойвае гнеў.

ВЫСЛОЎІ 12:2

Хто добры — знойдзе ласку ад Госпада; а чалавека хітрага Сам Ён асудзіць.

ВЫСЛОЎІ 14:16

Мудры баіцца і пазбягае зла, а бязглузды злоўжывае і разлічвае на сябе.

ВЫСЛОЎІ 14:18

Легкаверныя авалодваюцца бязглуздасцю, а разважлівыя вызначаюцца ведамі.

ВЫСЛОЎІ 14:29

Хто цярплівы, тым кіруе вялікая разважлівасць; хто нецярплівы — павялічвае бязглуздасць.

ВЫСЛОЎІ 15:18

Чалавек запальчывы выклікае сваркі; а той, хто з’яўляецца цярплівым, уціхамірвае спрэчкі.

ВЫСЛОЎІ 16:32

Той, хто трывае, — лепей за дужага чалавека, а той, хто кіруе душой сваёю, — за заваёўніка гарадоў.

ВЫСЛОЎІ 20:3

Гонар для чалавека — аддзяліцца ад спрэчак; бо ўсе бязглуздыя ўмешваюцца ў ганьбу.

ВЫСЛОЎІ 22:24

Не будзь сябрам чалавеку гняўліваму і не хадзі з чалавекам нястрыманым,

ВЫСЛОЎІ 29:22

Гняўлівы чалавек узбуджае сваркі, а той, хто ахвочы на гнеў, будзе болей схільны да граху.

ВЫСЛОЎІ 6:18

сэрца, што задумвае ліхія намеры, ногі — хуткія, калі трэба бегчы да злачынства,

ЭКЛЕЗІЯСТА 7:9

Не будзь скоры ў душы да гневу, бо гнеў спачывае ў душы неразумнага.

ІСАІ 32:7

У ашуканца ашуканствы — найгоршыя: ён бо перадумвае спосабы, каб загубіць пакорлівых словамі хлусні, хоць нават калі бедны дакажа справядлівасць.

ЯКАВА 1:19

Ведайце, браты мае дарагія: хай кожны чалавек будзе хуткі да слухання, павольны да гутаркі ды няскоры да злосці.