ВЫСЛОЎІ 11:4 - Кнігі Святога Пісання - Біблія - Біблія — пераклад Чарняўскага (выданне 2017 года)

⁴ У дзень гневу не дапаможа багацце, а справядлівасць выратуе ад смерці.

Біблія (пераклад А.Бокуна)

⁴ Не дапаможа багацьце ў дзень гневу, а праведнасьць ратуе ад сьмерці.

Біблія (пераклад В. Сёмухі)

⁴ Не паможа багацьце ў дзень гневу; а праўда ўратуе ад сьмерці.

ВЫСЛОЎІ 11:4 Крыжаваныя спасылкі

БЫЦЦЁ 7:1

І сказаў Госпад Ною: «Увайдзі ты з усёю сям’ёй тваёй у арку; бо ўбачыў Я, што ты справядлівы ў гэтым пакаленні перада Мною.

ЁВА 20:28

Будзе знішчаны род дому яго, будзе зрынуты ён у дзень гневу Божага.

ВЫСЛОЎІ 10:2

Ніяк не дапамогуць бязбожныя скарбы, а справядлівасць душу выратуе ад смерці.

ВЫСЛОЎІ 12:28

На сцежцы справядлівасці — жыццё, але ёсць таксама шлях, што адкрыты для смерці.

ВЫСЛОЎІ 6:34

бо рэўнасць — лютасць мужа, і не пашкадуе ён у дзень помсты,

ІСАІ 10:3

А што будзеце рабіць у дзень наведвання і няшчасця, якое прыйдзе здалёк? Да каго пабяжыце па дапамогу ды дзе пакінеце вашу славу?

ЕЗЭКІІЛЯ 14:14

і калі будуць там тры чалавекі гэтыя: Ной, Даніэль і Ёў, дык толькі яны, дзеля справядлівасці сваёй, вызваляць душы свае, — кажа Госпад Бог.

ЕЗЭКІІЛЯ 7:19

Срэбра сваё яны выкінуць на вуліцу, і золата іх стане смеццем; іх срэбра і золата не зможа вызваліць іх у дзень абурэння Госпада: голаду свайго ім не заспакояць, ані не запоўняць сваё нутро, бо яно было для іх прычынай злачыннасці.

САФОНА 1:18

Ані срэбра іх, ані золата іх не зможа вызваліць іх у дзень гневу Госпадавага; агонь руплівасці Яго спаліць усю зямлю, бо даканае Ён знішчэнне, знішчэнне раптоўнае ўсіх жыхароў зямлі.

МАЦЬВЕЯ 16:26

Бо што за карысць чалавеку, калі ўвесь свет здабудзе, а душы сваёй шкоду ўчыніць? Або што чалавек дасць наўзамен за душу сваю?

ЛУКАША 12:20

Але Бог сказаў яму: “Бязглузды! У гэтую ноч запатрабуюць душу тваю ад цябе, а тое, што прыгатаваў, чыё будзе?”

РЫМЛЯНАЎ 5:17

І калі за злачынства аднаго смерць запанавала праз аднаго, то непараўнальна больш тыя, што атрымоўваюць шчодрасць ласкі і дару справядлівасці, панаваць будуць у жыцці праз аднаго, Ісуса Хрыста.

1 ЦІМАФЕЯ 4:8

Бо цялесныя практыкаванні мала карысныя, пабожнасць жа да ўсяго прыдатная, маючы абяцанне жыцця цяперашняга і будучага.