ВЫСЛОЎІ 11:24 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁴ Адны дзеляцца ўласным і становяцца багацейшымі, а другія, што занадта беражлівыя, заўсёды ў беднасці.

Біблія (пераклад А.Бокуна)

²⁴ Адзін сыпе [шчодра], і дадаецца яму, а другі лішне ашчадны, і бяднее.

Біблія (пераклад В. Сёмухі)

²⁴ Адзін сыпле шчодра і яму яшчэ дадаецца; а другі звыш меры ашчадлівы, і аднак жа бяднее.

ВЫСЛОЎІ 11:24 Крыжаваныя спасылкі

2 ЛЕТАПІСАЎ 31:10

Адказаў яму Азарыя, першасвятар з племя Садока, кажучы: «Калі пачалі прыносіць дары ў дом Госпадаў, мы елі, і наядаліся, і многа заставалася, таму што Госпад дабраславіў Свой народ; а вялікія запасы, якія бачыш, — гэта з астаткаў».

ПСАЛТЫР 112:9

ФЭ. Падзяліў ён, даў бедным; САДЭ. справядлівасць яго трывае ў векі вечныя, КОФ. рог яго ўзвысіцца ў славе.

ВЫСЛОЎІ 11:18

Бязбожнік робіць ілжывую справу, а для таго, хто сее справядлівасць, — пэўная ўзнагарода.

ВЫСЛОЎІ 11:23

Пажаданне справядлівых — толькі дабро, чаканне бязбожнікаў — абурэнне.

ВЫСЛОЎІ 11:25

Будзе насычана душа, якая дабраслаўляе; і хто напоіць другіх, той сам таксама будзе напоены.

ВЫСЛОЎІ 13:7

Ёсць той, хто быццам лічыцца за багача, хаця нічога не мае; і ёсць той, хто быццам лічыцца за беднага, хаця ў яго багацця шмат.

ВЫСЛОЎІ 19:17

Пазычае Госпаду — хто шкадуе бедных, і ў сваю чаргу вернецца яму.

ВЫСЛОЎІ 28:27

Хто дае беднаму — не будзе ў галечы, а хто хавае вочы — напоўніцца праклёнамі.

ВЫСЛОЎІ 28:8

Хто накоплівае багацце сваё пазыкамі і ліхвярствам, той збірае яго для шчодрага да бедных.

ЭКЛЕЗІЯСТА 11:6

Раніцаю сей сваё зерне, і да вечара хай не спыніцца твая рука, бо не ведаеш, што лепш атрымаецца: адно ці другое, а можа, аднолькава будуць добрымі.

АГЕЯ 1:6

вы сееце многа і збіраеце мала; ясцё і не насычаецеся; п’яце і не п’янееце; апранаецеся і не саграваецеся; і той, хто працуе, каб зарабіць, кідае плату ў дзіравы мяшэчак!”

МАЛАХІІ 3:8

Ці ж можа чалавек падманваць Бога? Але вы падманваеце Мяне. І пытаецеся: “У чым мы ашукалі Цябе?” У дзесяцінах і пяршынях.

ЛУКАША 6:38

Давайце, і будзе вам дадзена: меркай добрай, поўнай, патрэсенай і з верхам дадуць вам на ўлонне ваша, бо такой самай меркай, што вы мераеце, будзе вам адмерана».

ДРУГІ ЗАКОН 15:10

Але дай яму і хай не сумуе сэрца тваё, што трэба падтрымаць яго ў нястачы, бо праз гэта дабраславіць цябе Госпад, Бог твой, у кожнай справе тваёй ды ва ўсім, да чаго прыкладзеш ты рукі.