ВЫСЛОЎІ 1:32 - Кнігі Святога Пісання - Біблія - Біблія — пераклад Чарняўскага (выданне 2017 года)

³² Адступніцтва невукаў заб’е іх, а нядбаласць бязглуздых загубіць іх.

Біблія (пераклад А.Бокуна)

³² Бо адступніцтва неразумных заб’е іх, бяздумнасьць дурняў загубіць іх.

Біблія (пераклад В. Сёмухі)

³² Бо адступніцтва неразумных заб'е іх, і бястурботнасьць немысьляў загубіць іх.

ВЫСЛОЎІ 1:32 Крыжаваныя спасылкі

ГАБРЭЯЎ 12:25

Глядзіце, не адвярніцеся ад Гаворачага. Бо калі тыя не ўцяклі ад кары, адвярнуўшыся ад таго, які гаварыў на зямлі, то тым больш мы, калі адвернемся ад Таго, Які да нас з нябёсаў гаворыць.

ВЫСЛОЎІ 8:36

А хто адносна мяне зграшыць, той пакалечыць душу сваю: усе, хто ненавідзіць мяне, — смерць любяць».

ЯНА 3:36

Хто верыць у Сына, мае жыццё вечнае; а хто бязверны ў Сына, той не ўбачыць жыцця, але гнеў Божы застаецца на ім».

ЕРАМІІ 2:19

Абвінаваціць цябе ліхота твая, і адступніцтва тваё асудзіць цябе. Ведай таму і глядзі, што ліхім і горкім ёсць тое, што ты пакінула Госпада, Бога твайго, ды не маеш у сабе страху перада Мною. — кажа Госпад, Бог Магуццяў. —

ГАБРЭЯЎ 12:8

Але калі вы застанецеся без кары, супольнікамі якой сталі ўсе, то гэта значыць, што не сыны вы, а байструкі.

ПСАЛТЫР 69:22

І далі яны для ежы мне жоўць, і ў смазе маёй напаілі мяне воцатам.

ЯКАВА 5:5

Балявалі вы на зямлі ды жылі ў раскошы, напасвілі сэрцы вашы на дзень загубы.

ВЫСЛОЎІ 1:22

«Дакуль жа, невукі, будзеце любіць невуцтва, а насмешнікі — жадаць для сябе высмейвання, і недасведчаныя — ненавідзець навукі?

ВЫСЛОЎІ 5:22

Бязбожніка захопяць яго ўласныя несправядлівасці, і будзе ўтрыманы ён грахамі сваімі.

ВЫСЛОЎІ 8:5

Пазнайце, прастакі, мудрасць, а неразумныя — звярніце ўвагу;

ІСАІ 66:4

так і Я выберу ім долю іх ліхую, і тое, чаго яны баяцца, напушчу на іх, бо Я клікаў — і не было каму адказаць, гаварыў — а не слухалі, і дапускаліся ліхоты на вачах Маіх, ды, што Мне не падабалася, выбралі».

ДРУГІ ЗАКОН 28:17

Пракляты кош твой і жорны твае.

ВЫСЛОЎІ 2:18

Бо дом яе нахіліўся да смерці, а шляхі яе — да пекла;

ВЫСЛОЎІ 9:18

І не ведае яна, што там цемра і што ў глыбінях апраметнай — госці яе.

ВЫСЛОЎІ 10:21

Вусны справядлівага павучаюць вельмі многіх; а той, хто бязглузды, памрэ ад беднасці сэрца.

ВЫСЛОЎІ 14:16

Мудры баіцца і пазбягае зла, а бязглузды злоўжывае і разлічвае на сябе.

АМОСА 6:1

Гора бяспечным на Сіёне і даверлівым на гары Самарыйскай, прызначаным быць першымі над народамі, да якіх прыходзіць дом Ізраэля!