БЫЦЦЁ 7:4 - Кнігі Святога Пісання - Біблія - Біблія — пераклад Чарняўскага (выданне 2017 года)

⁴ Бо вось па сямі днях Я спушчу дождж на зямлю працягам сорак дзён і сорак начэй і знішчу ўсё існае, усё, што Я стварыў, з паверхні зямлі».

Біблія (пераклад А.Бокуна)

⁴ Бо праз сем дзён Я выльлю дождж на зямлю сорак дзён і сорак начэй і вынішчу з аблічча зямлі ўсіх жывых істотаў, якіх Я зрабіў.

Біблія (пераклад В. Сёмухі)

⁴ бо празь сем дзён Я буду выліваць дождж на зямлю сорак дзён і сорак ночаў; і вынішчу ўсё існае, што Я стварыў, з улоньня зямлі.

БЫЦЦЁ 7:4 Крыжаваныя спасылкі

БЫЦЦЁ 2:5

не было яшчэ ніводнага куста палявога на зямлі, аніводнай палявой траўкі не ўзышло, бо Госпад Бог не спасылаў дажджу на зямлю ды не было чалавека, які б абрабляў глебу,

БЫЦЦЁ 6:13

сказаў Ён Ною: «Канец кожнага цела надышоў перада Мной, бо зямля поўная ліхоцця ад аблічча іх, і, вось жа, Я сатру іх з зямлі.

БЫЦЦЁ 6:17

Вось, Я навяду на зямлю патоп, каб знішчыць кожнае цела, у якім ёсць дух жыцця пад небам; усё, што існуе на зямлі, — прападзе.

БЫЦЦЁ 6:3

І сказаў Бог: «Не вечна будзе прабываць Дух Мой у чалавеку, бо ён — цела; будзе дзён яго сто дваццаць гадоў».

БЫЦЦЁ 6:7

«Сатру чалавека, якога стварыў, з твару зямлі, ад чалавека да жывёлы, аж да паўзуна, аж да птушкі паднебнай. Шкада Мне, што стварыў іх».

БЫЦЦЁ 7:10

Калі мінула сем дзён, воды патопу нахлынулі на зямлю.

БЫЦЦЁ 7:12

і ліўся на зямлю дождж сорак дзён і сорак начэй.

БЫЦЦЁ 7:17

А патоп трываў на зямлі сорак дзён, і памножыліся воды, і паднялі арку высока над зямлёю.

БЫЦЦЁ 7:3

таксама з птушак паднебных — па сем самцоў і па сем самак, каб зберагчы іх патомства для ўсёй зямлі.

БЫЦЦЁ 8:10

Пачакаўшы яшчэ сем дзён, зноў выпусціў галубку з аркі.

БЫЦЦЁ 8:12

А ўсё ж такі прачакаў ён сем іншых дзён; і выпусціў галубку, якая не вярнулася болей да яго.

БЫЦЦЁ 8:2

І закрыліся крыніцы бяздоння і вокны нябесныя, і былі спынены дажджы з неба.

ЁВА 22:16

якія заўчасна былі знішчаны, і рака падмыла іх грунт?

ЁВА 28:25

Ён надаў вятрам вагу і воды адмераў меркаю.

ПСАЛТЫР 69:28

Прыкладзі несправядлівасць да несправядлівасці іх, і хай яны не прыйдуць да справядлівасці Тваёй.

ЕРАМІІ 28:16

Дзеля гэтага кажа Госпад: “Вось жа, Я скіну цябе з аблічча зямлі;

АМОСА 4:7

“Таксама Я ўтрымаў ад вас дождж, калі яшчэ тры месяцы заставалася да жніва; ды праліў дождж на адзін горад, а на другі горад не даў дажджу: адна частка паліта дажджом, а другая частка, на якую не даў дажджу, ссохла.

АДКРЫЦЦЁ 3:5

Хто пераможа, апранецца ў вопратку белую, і не выкраслю імя яго з кнігі жыцця, і прызнаю імя яго перад Айцом Маім і на віду ў анёлаў Яго.