БЫЦЦЁ 7:11 - Кнігі Святога Пісання - Біблія - Біблія — пераклад Чарняўскага (выданне 2017 года)

¹¹ У шасцісотым годзе жыцця Ноя, у другім месяцы, семнаццатага дня месяца, прарваліся ўсе крыніцы вялікага бяздоння і вокны нябесныя адчыніліся,

Біблія (пераклад А.Бокуна)

¹¹ У шэсьцьсотым годзе жыцьця Ноя, у другім месяцы, у сямнаццаты дзень месяца, у гэты дзень выбіліся ўсе жаролы вялікай бездані, і вокны нябесныя адчыніліся,

Біблія (пераклад В. Сёмухі)

¹¹ На шасьцісотым годзе жыцьця Ноевага, на другім месяцы, на сямнаццаты дзень месяца, у гэты дзень адчыніліся ўсе крыніцы вялікай бездані, і вокны нябесныя адчыніліся;

БЫЦЦЁ 7:11 Крыжаваныя спасылкі

БЫЦЦЁ 1:7

І зрабіў Бог цвярдыню, і аддзяліў воды, якія былі пад цвярдыняй, ад тых, якія былі над цвярдыняй. І сталася гэтак.

БЫЦЦЁ 6:17

Вось, Я навяду на зямлю патоп, каб знішчыць кожнае цела, у якім ёсць дух жыцця пад небам; усё, што існуе на зямлі, — прападзе.

БЫЦЦЁ 7:6

Ной меў шэсцьсот гадоў, калі воды патопу нахлынулі на зямлю.

БЫЦЦЁ 8:14

У другім месяцы, у дваццаць сёмы дзень месяца, зямля зусім высахла.

БЫЦЦЁ 8:2

І закрыліся крыніцы бяздоння і вокны нябесныя, і былі спынены дажджы з неба.

4 ЦАРСТВАЎ 7:19

калі той правадыр адказаў чалавеку Божаму і сказаў: «Хоць бы Госпад зрабіў нават вокны ў нябёсах, ці магло б споўніцца гэтае слова?» І той сказаў яму: «Ты, вось, убачыш гэта сваімі вачамі, а есці гэтага не будзеш».

4 ЦАРСТВАЎ 7:2

У адказ на гэта правадыр, на плячо якога абапіраўся цар, сказаў чалавеку Божаму: «Хоць бы Госпад зрабіў нават вокны ў нябёсах, ніколі не можа стацца тое, што ты гаворыш». Ён адказаў: «Ты ўбачыш сваімі вачамі, і не будзеш гэтага есці!»

ЁВА 12:15

Калі Ён затрымае воды, яны перасохнуць; і калі выпусціць іх, яны зруйнуюць зямлю.

ЁВА 28:4

Вандроўны люд адкрыў падземныя праходы, якія забыты нагою; вісяць яны, хістаючыся больш за вандроўніка.

ЁВА 38:16

Ці даходзіў ты да крыніц мора, і ці хадзіў па дне бяздоння?

ЁВА 38:37

Хто з мудрасцю размяркуе хмары, і хто зрушыць бурдзюкі нябесныя,

ПСАЛТЫР 33:7

Быццам у мяшок, збірае Ён воды марскія, у скарбніцах складае бяздонні.

ПСАЛТЫР 74:15

Ты прабіў крыніцы і ручаі; Ты высушыў велічныя рэкі.

ВЫСЛОЎІ 3:20

з Яго мудрасці парасчыніліся бездані і аблокі струменяцца расою.

ІСАІ 24:18

І будзе: хто ўцячэ ад голасу страху, уваліцца ў яму, а хто вылезе з ямы, будзе схоплены пасткай, бо вадаспады з вышыняў адкрыліся і затрэсліся падмуркі зямлі.

ІСАІ 24:19

На кавалкі разбіта зямля, дашчэнту сцёрта зямля, да глыбіняў стрэсена зямля,

ЕРАМІІ 5:22

Ці ж вы не будзеце шанаваць Мяне, — кажа Госпад, — і не затрымціце перад абліччам Маім? Я абмежаваў мора пяском на загад вечны, якога яно не абміне; і хвалявацца будуць, але не змогуць, і ўздымацца будуць хвалі, але не пераступяць яго”.

ЕРАМІІ 51:16

Па загадзе Яго множацца воды ў небе, Ён прыносіць хмары з канца зямлі, маланкамі папераджае дождж і выклікае вецер са сховішчаў сваіх.

ЕЗЭКІІЛЯ 26:19

Вось так кажа Госпад Бог: “Калі Я зраблю цябе горадам спустошаным, як гарады, у якіх ніхто не жыве, і калі навяду на цябе вялікую бездань, і воды вялікія цябе накрыюць,

МАЛАХІІ 3:10

Прынясіце ўсе дзесяціны ў скарбніцу, і хай будзе ежа ў доме Маім; і выпрабуйце Мяне, — кажа Госпад Магуццяў, — адносна таго, ці не адкрыю Я вам бездань нябесную і ці не вылью на вас шчодрага дабраславення,

МАЦЬВЕЯ 24:38

Бо як у той час перад патопам елі і пілі, жаніліся і замуж аддавалі, аж да таго дня, калі Ной увайшоў у каўчэг,

1 ФЕСАЛОНІКІЙЦАЎ 5:3

Бо калі скажуць: «Супакой і бяспека», тады раптам прыйдзе на іх загуба, як родавыя мукі на цяжарную, і не ўцякуць.

2 ПЯТРА 3:6

ад чаго тады той свет загінуў, затоплены вадою.