БЫЦЦЁ 50:17 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁷ каб мы табе яго словамі сказалі: “Прашу, забудзь пра злачынства братоў сваіх, і грэх, і ліха, якога дапусціліся адносна цябе”. Мы таксама просім, каб паслугачам Бога бацькі твайго дараваў ты гэтую несправядлівасць». Выслухаўшы іх, Язэп заплакаў.

Біблія (пераклад А.Бокуна)

¹⁷ “Гэтак скажыце Язэпу: "Даруй, прашу, правіну братоў тваіх і грэх іхні, бо ліха зрабілі яны табе". I цяпер даруй, прашу, слугам Бога бацькі твайго”». I плакаў Язэп дзеля [гэтых] словаў да яго.

Біблія (пераклад В. Сёмухі)

¹⁷ так скажэце Язэпу: даруй братам тваім віну і грэх іхні, бо яны зрабілі табе благое. І сёньня даруй правіны рабоў Бога бацькі твайго. Язэп плакаў, калі яму казалі гэта.

БЫЦЦЁ 50:17 Крыжаваныя спасылкі

БЫЦЦЁ 31:42

Каб Бог бацькі майго, Бог Абрагама, і Той, Каго з бояззю славіць Ізаак, не ўспамагаў мне, то ты, несумненна, пусціў бы мяне з нічым; няшчасце маё і цяжкую працу рук маіх убачыў Бог і вынес прысуд учора».

БЫЦЦЁ 45:8

Не па вашым рашэнні, але па волі Божай пасланы я сюды Тым, Хто зрабіў мяне, як бы бацькам фараона і гаспадаром усяго дому яго, і князем на ўсёй зямлі Егіпецкай.

БЫЦЦЁ 49:25

Бог бацькі твайго будзе Успаможцам тваім, і Усемагутны будзе дабраслаўляць цябе дабраславеннямі нябеснымі з гары, дабраславеннем бездані, што ляжыць унізе, дабраславеннем грудзей і ўлоння.

БЫЦЦЁ 50:16

І перадалі яму, кажучы: «Бацька твой загадаў нам перад смерцю,

БЫЦЦЁ 50:18

І прыйшлі да яго браты яго і, упаўшы перад ім, казалі: «слугі мы твае».

БЫЦЦЁ 50:20

Вы задумалі для мяне благое, а Бог перамяніў яго на дабро, каб узвысіць мяне, як цяпер бачыце, і каб уратаваць многія народы.

ПСАЛТЫР 21:11

выгубі патомства іх з зямлі і семя іх з ліку сыноў чалавечых.

ВЫСЛОЎІ 28:13

Хто ўтойвае злачынствы свае — не будзе жыць у шчасці; хто прызнаецца і пакіне гэта, даб’ецца міласэрнасці.

МАЦЬВЕЯ 10:42

І хто хаця б напіцца дасць кубак халоднай вады аднаму з гэтых найменшых толькі за імя вучня, сапраўды кажу вам: не страціць ён узнагароды сваёй».

МАЦЬВЕЯ 18:35

Так і Айцец Мой, Які ў небе, зробіць вам, калі вы не даруеце кожны брату свайму правіны яго ў сэрцах вашых».

МАЦЬВЕЯ 25:40

І, адказваючы, Валадар скажа ім: “Сапраўды кажу вам: “Што зрабілі вы аднаму з гэтых братоў Маіх найменшых, тое Мне зрабілі”.

МАЦЬВЕЯ 6:12

і даруй нам правіны нашы, як і мы даруем вінаватым нашым;

МАРКА 10:41

Чуючы ж гэта, дзесяць пачалі абурацца на Якуба і Яна.

ГАЛЯТАЎ 6:10

Дык вось, пакуль маем час, будзем рабіць дабро ўсім, а найбольш сваім па веры.

ГАЛЯТАЎ 6:16

І хто будзе трымацца гэтага правіла, таму супакой і міласэрнасць, і Ізраэлю Божаму.

ЭФЭСЯНАЎ 4:32

Будзьце ж між сабой спагаднымі, міласэрнымі, даруйце адны адным, як і Бог дараваў вам у Хрысце.

ЯКАВА 5:16

Дык прызнавайцеся адны адным у грахах ды маліцеся адны за адных, каб атрымалі здароўе. Бо вялікую сілу мае настойлівая малітва справядлівага.