БЫЦЦЁ 16:6 - Кнігі Святога Пісання - Біблія - Біблія — пераклад Чарняўскага (выданне 2017 года)

⁶ Прамовіў ёй Абрам у адказ: «Вось, паслугачка твая ў руках тваіх, зрабі з ёй, як табе падабаецца». Сараі тады стала прыгнятаць яе, і яна ўцякла ад яе.

Біблія (пераклад А.Бокуна)

⁶ І сказаў Абрам Сарай: «Вось, нявольніца твая ў руцэ тваёй, рабі з ёй, што добра ў вачах тваіх». І Сарай стала ўціскаць яе, і яна ўцякла ад аблічча яе.

Біблія (пераклад В. Сёмухі)

⁶ Абрам сказаў Сары: вось, служанка твая ў тваіх руках; рабі зь ёю, што табе заўгодна. І Сара пачала ўціскаць яе, і тая ўцякла ад яе.

БЫЦЦЁ 16:6 Крыжаваныя спасылкі

БЫЦЦЁ 16:9

Сказаў ёй Анёл Госпадаў: «Вярніся да гаспадыні сваёй і пакорна падпарадкуйся ёй».

БЫЦЦЁ 24:10

І ўзяў паслугач дзесяць вярблюдаў са статка гаспадара свайго, і выправіўся, і, выйшаўшы, накіраваўся ў Арам-Нагараім, у горад Нахора.

ЁВА 2:6

І сказаў Госпад шатану: «Вось, ён у руцэ тваёй, толькі душу яго захавай».

ВЫХАД 2:15

І фараон пачуў гэтую гутарку, і хацеў забіць Майсея. Дык ён, уцякаючы з вачэй яго, спыніўся ў зямлі Мадыян; вось такім чынам прыйшоў ён у зямлю Мадыян і сеў каля студні.

ВЫСЛОЎІ 14:29

Хто цярплівы, тым кіруе вялікая разважлівасць; хто нецярплівы — павялічвае бязглуздасць.

ВЫСЛОЎІ 15:1

Мяккі адказ уціхамірвае гнеў, а жорсткая размова выклікае лютасць.

ВЫСЛОЎІ 27:8

Як птушка, што ўцякае з гнязда свайго, так чалавек, што блукае далёка ад радзімы сваёй.

ВЫСЛОЎІ 29:19

Словамі не можа быць навучаны слуга, бо разумее і пагарджае адказам.

ЭКЛЕЗІЯСТА 10:4

Калі гнеў таго, хто мае ўладу, узгарыцца супраць цябе, не пакідай свайго месца, бо захаванне супакою спыніць найгоршыя грахі.

ЕРАМІІ 38:5

І сказаў цар Сэдэцыя: «Вось, ён у вашых руках! Не можа бо цар ні ў чым вам запярэчыць».

ІСУСА 9:25

Цяпер жа мы ў руках тваіх: што табе здаецца добрым і справядлівым, рабі з намі».

1 ПЯТРА 3:7

Так жа і вы, мужы, разумна жывіце ў супольнасці з жонкай, як з нетрывалай пасудзінай, аддаючы гонар, бо вы супольна з імі спадкаемцы ласкі жыцця, каб не стаўляць перашкод малітвам вашым.