БЫЦЦЁ 1:16 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁶ І стварыў Бог два свяцілы велізарныя: свяціла большае, каб валадарыла над днём, і свяціла меншае, каб валадарыла над ноччу, і зоркі.

Біблія (пераклад А.Бокуна)

¹⁶ І зрабіў Бог два сьвяцілы вялікія: сьвяціла большае, каб кіравала днём, і сьвяціла меншае, каб кіравала ноччу, і зоркі.

Біблія (пераклад В. Сёмухі)

¹⁶ І стварыў Бог два сьвяцілы вялікія: сьвяціла большае, каб кіраваць днём, і сьвяціла меншае, каб кіраваць ноччу, і зоркі;

БЫЦЦЁ 1:16 Крыжаваныя спасылкі

БЫЦЦЁ 1:15

каб свяцілі на цвярдыні неба і асвятлялі зямлю». І сталася гэтак.

ЁВА 31:26

калі бачыў я, як ззяе сонца і як ясна ўзыходзіць месяц,

ЁВА 38:7

калі гаманілі разам зоркі раннія і калі радасна цешыліся ўсе сыны Божыя?

ПСАЛТЫР 148:3

Хваліце Яго, сонца і месяц, хваліце Яго, усе зоркі бліскучыя.

ПСАЛТЫР 148:5

Хваліце імя Госпада, бо загадаў Ён, і ўсё было створана;

ПСАЛТЫР 19:6

Ён паставіў на іх палатку для сонца, і яно, быццам жаніх, выходзячы з пакоя свайго, цешыцца, як волат перад неабходнасцю прабегчы шлях.

ПСАЛТЫР 74:16

Твой дзень і Твая ноч; Ты змайстраваў свяцілы і сонца.

ПСАЛТЫР 8:3

Праз вусны дзяцей і немаўлят учыніў Ты хвалу дзеля ворагаў Тваіх, каб утаймаваць ворага і мсціўцу.

ІСАІ 13:10

Бо зоркі нябесныя і свяцілы яго не разальюць святла свайго; сонца зацемрыцца пры ўзыходзе сваім, і месяц не дасць святла свайго.

ІСАІ 24:23

Месяц пачырванее і засаромеецца сонца, бо заваладарыў Госпад Магуццяў на гары Сіён ды ў Ерузаліме, і будзе Ён услаўлены перад абліччам старцаў Сваіх.

ІСАІ 40:26

Падыміце вочы вашы да вышыняў і паглядзіце: Хто стварыў гэта? Той, Хто парадкам вядзе іх войска і заве іх па імені; дзеля такой вялікасці моцы і магутнасці і дужасці Яго аніводнага не бракуе.

ІСАІ 45:7

Я твару святло і твару цемру, спраўляю супакой і ствараю ліхоту: Я, Госпад, чыню ўсё гэта.

ЕРАМІІ 31:35

Гэта кажа Госпад, Які дае сонца, як свяціла дня, парадак месяцу і зоркам, як свяцілам ночы, Які хвалюе мора, што шумяць хвалі яго, імя Яму — Госпад Магуццяў:

АБАКУМА 3:11

Сонца і месяц сталі на свае месцы, адступаюць яны перад святлом стрэлаў Тваіх, перад бляскам зіхацення дзіды Тваёй.

МАЦЬВЕЯ 24:29

А зараз па тузе тых дзён сонца зацемрыцца, і месяц не дасць святла свайго, і нябесныя зоркі падаць будуць, і сілы, што на небе, пахіснуцца.

МАЦЬВЕЯ 27:45

А ад гадзіны шостай цемра настала на ўсёй зямлі аж да гадзіны дзявятай.

1 КАРЫНФЯНАЎ 15:41

І адна слава сонца, а іншая слава месяца, ды іншая слава зорак; і зорка ад зоркі адрозніваецца славай.

ДРУГІ ЗАКОН 4:19

і каб часам, калі падымеш вочы ў неба і ўбачыш сонца і месяц, і зоркі, і ўсё нябеснае войска, не спалохаўся і не пачаў пакланяцца ім і служыць ім, бо Госпад, Бог твой, прызначыў іх усім народам, якія ёсць пад небам.

АДКРЫЦЦЁ 21:23

І горад не патрабуе ўжо ані сонца, ані месяца, каб асвятлялі яго, бо слава Божая асвятляе яго і Ягня ёсць свяцільняй яго.