АСІІ 7:5 - Кнігі Святога Пісання - Біблія - Біблія — пераклад Чарняўскага (выданне 2017 года)

⁵ У дзень цара нашага князі самлелі ад гарачкі віна, яно апанавала дзёрзкіх.

Біблія (пераклад А.Бокуна)

⁵ У дзень валадара нашага князі зрабілі яго нядужым, [даўшы] бутлі віна, і ён выцягвае руку сваю разам з насьмешнікамі.

Біблія (пераклад В. Сёмухі)

⁵ «Дзень нашага цара!» кажуць князі, разгарачаныя да хваробы віном, а ён працягвае руку сваю да блюзьнераў.

АСІІ 7:5 Крыжаваныя спасылкі

ІСАІ 28:1

Гора ганарыстаму вянцу п’яніцаў Эфраіма ды звялай кветцы славы яго велічнасці, якія жылі на версе вельмі ўрадлівай даліны, ап’янеўшы віном!

ЭФЭСЯНАЎ 5:18

І не ўпівайцеся віном, у якім распуста, але напаўняйцеся Духам,

МАРКА 6:21

І надышоў зручны дзень, і калі з нагоды свайго нараджэння Ірад справіў баль для князёў сваіх, трыбунаў і старэйшын галілейскіх,

МАЦЬВЕЯ 14:6

Але ў дзень нараджэння Ірада дачка Ірадыяды скакала ў прысутнасці ўсіх і спадабалася Іраду.

ДАНІІЛА 5:23

але падняўся ты супраць Госпада Неба, і прынесены былі да цябе пасудзіны Яго дома, і ты, і твае магнаты, і твае жонкі ды твае наложніцы пілі з іх віно; усхваліў ты таксама багоў срэбраных і залатых, і медных, жалезных, і драўляных, і каменных, якія ані бачаць, ані чуюць, ані разумеюць; Бога ж, Які валодае ў руцэ Сваёй тваім дыханнем і ўсімі дарогамі тваімі, — не ўшанаваў.

ВЫСЛОЎІ 20:1

Віно — празмерная рэч і сіцэра — неспакойная; ніхто з тых, хто захапляецца імі, не будзе мудрым.

ВЫСЛОЎІ 13:20

Хто з мудрымі ходзіць — будзе мудрым, а сябар бязглуздых зробіцца ліхім.

ПСАЛТЫР 69:12

Валасяніца на мне замест адзення майго, і стаўся я пасмешышчам для іх.

ПСАЛТЫР 1:1

Шчасны чалавек, які не ідзе за парадай бязбожных, і на дарогу грэшнікаў не ступае, і не сядзіць у зборышчы насмешнікаў,

3 ЦАРСТВАЎ 13:4

І калі цар пачуў словы чалавека Божага, якія ён выкрыкнуў супраць ахвярніка ў Бэтэлі, выцягнуў ён руку сваю да ахвярніка, кажучы: «Схапіце яго!» І здранцвела рука яго, якую ён выцягнуў супраць яго, і ён не мог яе вярнуць да сябе.

БЫЦЦЁ 40:20

Праз тры дні пасля гэтага быў дзень нараджэння фараона. І ён справіў для сваіх паслугачоў вялікі баль. І тады ў прысутнасці паслугачоў сваіх прыпомніў галоўнага чарніка і загадчыка пекараў.

ІСАІ 28:14

Дзеля таго паслухайце слова Госпада, вы, ашуканцы, якія валадарыце над Маім народам, які жыве ў Ерузаліме.

АСІІ 7:3

Сваёй пераваротнасцю ўзрадавалі цара, а лгарствамі сваімі — князёў.