АСІІ 13:5 - Кнігі Святога Пісання - Біблія - Біблія — пераклад Чарняўскага (выданне 2017 года)

⁵ Я пасвіў цябе на пустэчы, у зямлі засухі пустыннай.

Біблія (пераклад А.Бокуна)

⁵ І Я пазнаў цябе ў пустыні, у зямлі вельмі сухой.

Біблія (пераклад В. Сёмухі)

⁵ Я прызнаў цябе ў пустыні, у зямлі сасьмяглай.

АСІІ 13:5 Крыжаваныя спасылкі

ДРУГІ ЗАКОН 32:10

Ён знайшоў яго на зямлі бязлюднай у месцы жаху і ляманту пустыннага, абходзіў яго кругом і пільнаваў, і сцярог, як зрэнку вока Свайго.

ДРУГІ ЗАКОН 8:15

і быў тваім правадыром праз пустыню вялікую і страшную, у якой былі змеі, якія абпальваюць, і скарпіёны, зямля сухая і поўнае бязводдзе; Ён вывеў табе ручаі са скалы вельмі цвёрдай,

ДРУГІ ЗАКОН 2:7

Госпад, Бог твой, дабраславіў цябе ў кожнай справе рук тваіх; ведае Ён шлях твой, і ў той час, як ты сорак гадоў праходзіў гэтую вялікую пустыню, прабываў з табой Госпад, Бог твой, і нічога табе не бракавала.

ГАЛЯТАЎ 4:9

Цяпер жа, калі вы ўжо пазналі Бога і самі пазнаныя Богам, чаго вяртаецеся да бяссільных і бязродных стыхій, якім зноў хочаце служыць?

НАВУМА 1:7

Добры ёсць Госпад — прытулак у дзень бяды і спагадны тым, што на Яго спадзяюцца;

ПСАЛТЫР 142:3

Калі дух мой ува мне марнее, Ты ведаеш маю дарогу. На дарозе, па якой я іду, крадком схавалі пятлю на мяне.

ПСАЛТЫР 63:1

Псальм Давідаў. Калі быў ён у пустыні Юдэйскай.

ВЫХАД 2:25

і глянуў Бог на сыноў Ізраэля, і пашкадаваў іх.

1 КАРЫНФЯНАЎ 8:3

А калі хто любіць Бога, той вядомы Яму.

ЕРАМІІ 2:6

І не пыталіся яны: “Дзе Госпад, Які даў нам выйсці з зямлі Егіпецкай, Які правёў нас праз пустыню, праз зямлю неабжытую і поўную ям, праз зямлю сухую і цёмную, праз зямлю, па якой ніхто не хадзіў і ніводзін чалавек не жыў?”

ЕРАМІІ 2:2

«Ідзі і крычы ў вушы Ерузаліму, кажучы: гэта кажа Госпад: “Я памятаю цябе, прывабнасць тваёй маладосці і любоў, калі ты была нарачонаю, калі хадзіла ты за Мною па пустыні, у зямлі, якой ніхто не засявае.

ПСАЛТЫР 31:7

Ты зненавідзеў тых, што шануюць марнасці пустыя, а я на Госпада спадзяюся.

ПСАЛТЫР 1:6

бо Госпад рупіцца пра шлях справядлівых, а дарога бязбожных загіне.

БЫЦЦЁ 31:40

Днём мучыла мяне спякота, а ноччу холад, сон уцякаў ад вачэй маіх.

АСІІ 5:3

Я знаю Эфраіма, ды Ізраэль не схаваны ад Мяне, бо цяпер ты, Эфраіме, пусціўся ў распусту, Ізраэль спракудзіўся.

АСІІ 9:10

«Як вінаград у пустыні, знайшоў Я Ізраэля: як на першы фрукт фігавага дрэва на пачатку яго, глядзеў Я на бацькоў вашых. Але яны прыйшлі да Баал-Пэгора і пасвяціліся бессаромнасці, і сталіся агідныя, як тое, што палюбілі.