АСІІ 10:13 - Кнігі Святога Пісання - Біблія - Біблія — пераклад Чарняўскага (выданне 2017 года)

¹³ Узворвалі вы бязбожнасць, жняце несправядлівасць, спажываеце плады лжывасці, бо паспадзяваўся ты на калясніцы свае, на мноства асілкаў тваіх.

Біблія (пераклад А.Бокуна)

¹³ Але вы аралі ліхоту, зьбіралі беззаконьне, елі плод хлусьні, бо ты спадзяваўся на шлях свой і на мноства волатаў тваіх.

Біблія (пераклад В. Сёмухі)

¹³ Вы ўраблялі беззаконьні, ясьце плод ілжы, бо ты спадзяваўся на шлях твой, на мноства ваяроў тваіх.

АСІІ 10:13 Крыжаваныя спасылкі

ЁВА 4:8

І нават лепш сказаць: я бачыў, што тыя, хто чыняць несправядлівасць і сеюць пакуты — і пажынаюць іх,

АСІІ 8:7

Раз вецер будуць сеяць, жаць будуць буру; калі не будзе ў ёй коласа, расліна не дасць мукі, а калі і дала — чужыя з’ядуць яго.

ВЫСЛОЎІ 22:8

Хто сее несправядлівасць, той збярэ ліха, і розга гневу яго скончыцца.

ВЫСЛОЎІ 1:31

І вось, хай яны спажываюць плён свайго шляху, насычаюцца сваімі парадамі.

ПСАЛТЫР 33:16

Не бывае вызвалены цар вялікай сілай і не вызваліцца волат дзякуючы вялікай сіле сваёй.

АСІІ 11:12

«Акружыў мяне Эфраім падманам, і ашуканствам — дом Ізраэля, аднак Юда яшчэ дагэтуль ходзіць з Богам і, верны, — са Святым».

ПСАЛТЫР 62:10

Сапраўды, марнасць — сыны Адамавы, мана — сыны чалавечыя. Калі на шалях яны ўздымаюцца, то ўсе — лягчэйшыя за дым.

ПСАЛТЫР 52:7

Таму знішчыць цябе Бог да канца, адпіхне цябе, і выкіне цябе з палаткі, а корань твой — з зямлі жывых.

АСІІ 7:3

Сваёй пераваротнасцю ўзрадавалі цара, а лгарствамі сваімі — князёў.

ЭКЛЕЗІЯСТА 9:11

Звярнуў я ўвагу на што іншае; і ўбачыў пад сонцам, што не шпаркім удаецца бег і не моцным — перамога ў баі, ані вучоным — багацце, ані мудрым — хлеб, ані разважлівым — ласка, але для ўсяго — час і нагода.

ВЫСЛОЎІ 19:5

Ілжэсведка не будзе беспакараны, а хто гаворыць ману — не пазбегне [кары].

ВЫСЛОЎІ 12:19

Вусны праўды будуць трывалымі ў вечнасці, а язык хлуслівы — у моманце.

ВЫСЛОЎІ 13:2

З плода вуснаў сваіх чалавек жывіцца дабром, а душа крывадушніка — гвалтам.

ІСАІ 17:11

У самы дзень пасадкі тваёй ты будзеш клапаціцца пра іх, а назаўтра будзеш рупіцца, каб насенне тваё зацвіло; ў дзень нястачы прападзе жатва, і боль несуцешны будзе.

АСІІ 4:2

Пракляцце і хлусня, забойства і крадзеж, і чужаложства распаўсюдзілася лішне, кроў памнажае кроў.

АСІІ 4:8

Грахом народа Майго жывяцца яны, і да няправасці кіруюць яны душы свае.

1 ЦАРСТВАЎ 24:14

Як і ў старадаўняй прыказцы гаворыцца: “Ад бязбожнікаў бязбожнасць паходзіць” — а рука мая не звернецца супраць цябе.