АДКРЫЦЦЁ 7:16 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁶ Ні голаду, ні смагі больш не будуць цярпець, не будзе пячы іх болей сонца і ніякая спякота,

Біблія (пераклад А.Бокуна)

¹⁶ і ня будуць яны хацець есьці, і ня будуць смагнуць, і ня будзе пячы іх сонца і аніякая сьпёка,

Біблія (пераклад В. Сёмухі)

¹⁶ Яны ня будуць ужо ні голаду ні смагі цярпець, і ня будзе паліць іх сонца, і ніякая сьпёка;

АДКРЫЦЦЁ 7:16 Крыжаваныя спасылкі

ІСАІ 49:10

не будуць ужо галадаць ані смагнуць, і не ўдарыць іх спякота або сонца, бо кіраваць імі будзе Літасцівец іх ды павядзе іх да крыніц водаў.

ЯНА 4:14

а хто нап’ецца вады, якую Я яму дам, ужо не будзе смагнуць навекі, але вада, якую Я яму дам, станецца ў ім крыніцай вады, што бруіцца ў жыццё вечнае».

АДКРЫЦЦЁ 21:4

і абатрэ Бог кожную слязу з вачэй іх, і смерці ўжо не будзе, ані плачу, ані галашэння, ані болю больш не будзе, бо гэта ўжо ўсё мінула».

МАЦЬВЕЯ 5:6

Шчасныя тыя, што прагнуць і смагнуць справядлівасці, бо яны насыцяцца.

ПСАЛТЫР 121:6

Сонца не зашкодзіць табе днём, ані ноччу месяц.

ЛУКАША 6:21

Шчасныя, што цяпер галадаеце, бо будзеце насычаны. Шчасныя, што цяпер плачаце, бо будзеце смяяцца.

ЛУКАША 1:53

галодных насыціў даброццем, а багацеяў адправіў ні з чым.

ІСАІ 41:17

Бедныя і ўбогія шукаюць вады — і няма! Язык іх высах ад смагі. Я, Госпад, выслухаю іх, не пакіну іх, — Бог Ізраэля!

ІСАІ 25:4

Бо стаўся Ты абаронай для беднага, абаронай убогаму ў бядзе яго: аховай ад буры, засенню ад спякоты, бо дух дужых — як зімовы дождж.

ІСАІ 65:13

Вось чаму гэта кажа Госпад Бог: «Вось жа, паслугачы Мае будуць есці, а вы будзеце галадаць; вось, паслугачы Мае будуць піць, а вы будзеце цярпець смагу; вось, паслугачы Мае будуць цешыцца, а вы будзеце саромецца;

МАЦЬВЕЯ 13:6

Калі ж паднялося сонца, павяла, бо не мела карэння, і засохла.

ПЕСЬНЯ 1:6

О ты, якога любіць душа мая, пакажы, дзе ты пасеш, дзе адпачываеш апоўдні, каб не блукаць мне між статкаў таварышаў тваіх».

ПСАЛТЫР 42:2

Як алень імкнецца да водаў крынічных, так імкнецца душа мая да Цябе, Божа.

ЯКАВА 1:11

Бо ўзышло ўпальнае сонца і высушыла траву, ды апала краска яе, і знік прыгожы выгляд яе. Так і багаты змарнее на шляхах сваіх.

МАРКА 4:17

але не маюць у сабе кораня, таму нетрывалыя; калі надыдзе прыгнёт або пераслед дзеля слова, зараз жа горшацца.

МАРКА 4:6

і, калі паднялося сонца, звяла, бо не мела карэнняў, і высахла.

МАЦЬВЕЯ 13:21

але не мае кораня, таму зменны. І, калі настане ўціск і пераследы за слова, адразу ж спакушаецца.

ЁНЫ 4:8

І калі сонца ўзышло, загадаў Бог усходняму гарачаму ветру, і сонца стала пячы галаву Ёнаву так, што той самлеў, і прасіў для душы сваёй, каб памерці, і казаў: «Лепш мне памерці, чым жыць».

ІСАІ 32:2

І будзе чалавек, як сховішча ад ветру ды прыпынак перад бурай, як ручаі водаў на засохлай зямлі або засень вялікай скалы на сухой зямлі.

ПСАЛТЫР 143:6

Прасцёр я рукі мае да Цябе; душа мая — як зямля без вады ў Цябе.

ПСАЛТЫР 63:1

Псальм Давідаў. Калі быў ён у пустыні Юдэйскай.

ПСАЛТЫР 121:5

Госпад пільнуе цябе, Госпад — шаты твае праваруч цябе.