АДКРЫЦЦЁ 6:17 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁷ бо надышоў вялікі дзень гневу Яго, і хто можа выстаяць?»

Біблія (пераклад А.Бокуна)

¹⁷ бо прыйшоў вялікі дзень гневу Ягонага, і хто зможа ўстаяць?»

Біблія (пераклад В. Сёмухі)

¹⁷ бо прыйшоў вялікі дзень гневу Ягонага, і хто можа выстаяць?

АДКРЫЦЦЁ 6:17 Крыжаваныя спасылкі

МАЛАХІІ 3:2

і хто можа вытрымаць дзень прышэсця Яго? І хто ўстаіць, калі Ён з’явіцца? Ён бо — як агонь растапляючы і як зелле ачышчаючае;

ЁІЛЯ 2:11

І Госпад падае Свой голас перад абліччам войска Свайго, бо надзвычай вялікі лагер Яго, бо ён магутны ў выкананні волі Яго; бо вялікі ёсць дзень Госпадаў і вельмі страшны. Хто вытрымае яго?!

ПСАЛТЫР 76:7

Ад папрокаў Тваіх, Божа Якуба, пазаміралі вознік і конь.

АДКРЫЦЦЁ 16:14

Гэта ўсё духі дэманаў, якія робяць знакі і падступаюць да валадароў зямлі і ўсяго свету, каб сабраць іх на бой у дзень вялікі Усемагутнага Бога.

ЁІЛЯ 2:31

Сонца зменіцца ў цемру, і месяц — у кроў, перш чым прыйдзе дзень Госпадаў, вялікі і страшны.

ЕРАМІІ 30:7

О які вялікі той дзень, няма падобнага яму! Гэта час прыгнёту Якуба, але ён будзе вызвалены з яго.

РЫМЛЯНАЎ 2:5

Дзеля закамянеласці тваёй і ненавернутага сэрца рыхтуеш сабе гнеў на дзень гневу і аб’явы справядлівага суда Бога,

АДКРЫЦЦЁ 11:18

І ўзбурыліся народы, і прыйшоў гнеў Твой і гадзіна судзіць памерлых, і даць узнагароду слугам Тваім, прарокам і святым, і тым, што баяцца імя Твайго, малым і вялікім, і час загубы для тых, што губяць зямлю».

ЮДЫ 1:6

анёлаў жа, што не збераглі сваёй дастойнасці, але пакінулі сваё жыллё, звязаных вечнымі путамі, затрымаў у цемрадзі да вялікага суднага дня.

ЛУКАША 21:36

Дык чувайце, молячыся ўвесь час, каб змаглі пазбегнуць ўсяго гэтага, што мае прыйсці, ды стаць перад Сынам Чалавечым».

1 ЦАРСТВАЎ 6:20

і казалі людзі бэтсамітцы: «Хто можа стаць у прысутнасці Госпада, гэтага Святога Бога? І да каго Ён пяройдзе ад нас?»

ПСАЛТЫР 2:12

Ушануйце Сына, каб не загневаўся і каб не папрападалі ў дарозе, калі ўзгарыцца неўзабаве гнеў Яго. Шчасныя ўсе, якія цвёрда спадзяюцца на Яго.

ПСАЛТЫР 110:5

Госпад праваруч Цябе: у дзень гневу Свайго зрыне Ён цароў.

ІСАІ 63:4

Бо дзень помсты ў сэрцы Маім, надышоў год Маёй адплаты.

ЁІЛЯ 1:15

“О гэты дзень!”» Бо блізкі ўжо дзень Госпадаў, і прыйдзе ён, як спусташэнне ад Усемагутнага.

ЁІЛЯ 2:1

Трубіце трубой на Сіёне, галасіце на святой гары Маёй. Хай дрыжаць усе жыхары зямлі, бо надыходзіць дзень Госпадаў, бо ён ужо блізка.

НАВУМА 1:6

Хто ўстаіць перад гневам Яго, і хто сцерпіць полымя абурэння Яго? Гнеў Яго разліваецца, як агонь, і скалы разбураюцца перад Ім.