АДКРЫЦЦЁ 3:3 - Кнігі Святога Пісання - Біблія - Біблія — пераклад Чарняўскага (выданне 2017 года)

³ Дык памятай, як ты атрымаў і чуў, і захавай, і навярніся. Бо калі не будзеш чуваць, прыйду да цябе, як злодзей, і не будзеш ведаць гадзіны, у якую прыйду да цябе.

Біблія (пераклад А.Бокуна)

³ Дык памятай, што ты атрымаў і пачуў, і захоўвай, і навярніся. А калі ня будзеш чуваць, Я прыйду да цябе, як злодзей, і ты ня будзеш ведаць, у якую гадзіну прыйду да цябе.

Біблія (пераклад В. Сёмухі)

³ Узгадай, што ты прыняў і чуў, і зьберагай і пакайся. Калі ж ня будзеш чуваць, дык Я найду на цябе, як злодзей, і ты ня ўведаеш, а каторай гадзіне найду на цябе.

АДКРЫЦЦЁ 3:3 Крыжаваныя спасылкі

ЕЗЭКІІЛЯ 20:43

І ўзгадаеце там шляхі вашы ды ўсе злачынствы вашы, якімі вы апаганіліся, і самі адчуеце гідкасць да сябе, калі падумаеце аб усіх вашых ліхотах, якіх дапусціліся.

ЕЗЭКІІЛЯ 36:31

І ўзгадаеце вы шляхі вашы найгоршыя, і благія паводзіны, і абрыднуць вам правіннасці вашы і злачынствы вашы.

МАЦЬВЕЯ 25:13

Дык чувайце, бо не ведаеце ані дня, ані гадзіны, калі Сын Чалавечы прыйдзе.

МАРКА 13:33

Глядзіце, чувайце і маліцеся, бо не ведаеце, калі гэты час надыдзе.

МАРКА 13:36

каб, калі вернецца неспадзявана, не застаў вас спячымі.

1 ФЕСАЛОНІКІЙЦАЎ 5:2

бо самі добра ведаеце, што дзень Госпадаў, як злодзей уначы, так ён прыйдзе.

1 ЦІМАФЕЯ 6:20

О Цімафею, беражы перададзенае табе, пазбягай агіднага пустаслоўя і супярэчлівых сцвярджэнняў фальшывай навукі,

2 ЦІМАФЕЯ 1:13

За ўзор вазьмі здаровыя словы, якія чуў ты ад мяне, адносна веры і любові, што ў Хрысце Ісусе.

ГАБРЭЯЎ 2:1

Таму неабходна нам пільна сачыць за тым, што мы чулі, каб часам не сысці з дарогі.

2 ПЯТРА 1:13

Я лічу за справядлівасць, пакуль знаходжуся ў гэтай цялеснай палатцы, падбадзёрыць вас напамінам,

2 ПЯТРА 3:1

Умілаваныя, гэта ўжо другі ліст пішу да вас; у іх стараюся ажывіць ваш чысты розум напамінам,

2 ПЯТРА 3:10

Як злодзей уначы прыйдзе дзень Госпадаў, у які нябёсы з шумам вялікім прамінуцца, стыхіі, распаленыя, знікнуць, а зямля і ўсе справы на ёй згараць.

АДКРЫЦЦЁ 16:15

Вось, іду як злодзей. Шчасны той, хто чувае і сцеражэ адзежу сваю, каб не хадзіць голым і каб не паказаць сораму свайго.

АДКРЫЦЦЁ 2:25

толькі тое, што маеце, утрымайце, пакуль да вас прыйду.

АДКРЫЦЦЁ 2:5

Памятай тады, адкуль ты ўпаў, і навярніся, і выконвай першыя ўчынкі. Інакш бо прыйду да цябе хутка і зрушу твой светач са свайго месца, калі не навернешся.

АДКРЫЦЦЁ 22:7

І вось, прыходжу хутка. Шчасны, хто захоўвае словы прарочыя гэтай кнігі».

АДКРЫЦЦЁ 3:11

Прыйду хутка. Трымай тое, што маеш, каб ніхто не скраў вянца твайго.

АДКРЫЦЦЁ 3:19

Бо Я тых, якіх люблю, дакараю і караю. Дык будзь руплівым і навярніся.

АДКРЫЦЦЁ 3:2

Чувай і ўзмацняй рэшту, якая мелася загінуць, бо не знаходжу ўчынкаў тваіх выкананымі перад Богам Маім.