АДКРЫЦЦЁ 3:18 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁸ Раю табе купіць сабе ў Мяне золата, агнём ачышчанага, каб быў забяспечаны, і белую вопратку, каб апрануўся і каб не паказалася нікчэмнасць галізны тваёй, і масць, каб памазаў вочы свае і бачыў.

Біблія (пераклад А.Бокуна)

¹⁸ Раю табе купіць у Мяне золата, ачышчанае ў агні, каб ты ўзбагаціўся, і белыя шаты, каб апрануўся, і каб ня выявіўся сорам галізны тваёй; і мазьзю для вачэй памаж вочы твае, каб ты бачыў.

Біблія (пераклад В. Сёмухі)

¹⁸ Раю табе купіць у Мяне золата, вагнём ачышчанае, каб табе разбагацець, і белую вопратку, каб апрануцца і каб ня відзён быў сорам галізны тваёй, і масьцю памаж вочы твае, каб бачыць.

АДКРЫЦЦЁ 3:18 Крыжаваныя спасылкі

АДКРЫЦЦЁ 16:15

Вось, іду як злодзей. Шчасны той, хто чувае і сцеражэ адзежу сваю, каб не хадзіць голым і каб не паказаць сораму свайго.

1 ПЯТРА 1:7

каб выпрабаваная ваша вера выявілася шмат даражэйшай за золата – яно, хоць і выпрабавана ў агні, ды ідзе на загубу, – на славу, пахвалу і гонар пры з’яўленні Ісуса Хрыста.

ІСАІ 55:1

«Гэй! Усе сасмаглыя, прыходзьце да вады, і вы, хто не маеце срэбра, паспяшайце, купляйце і спажывайце: прыходзьце, купляйце, без срэбра і без аніякай платы віно і малако!

АДКРЫЦЦЁ 19:8

І дадзена ёй прыбрацца ў вісон чысты і ззяючы, вісон жа ёсць учынкі праведнасці святых».

МАЛАХІІ 3:3

і сядзе Ён растапляць і ачышчаць срэбра, і Ён ачысціць сыноў Левія і працэдзіць іх, як золата і як срэбра, і стануць яны складаць Госпаду ахвяры справядліва.

АДКРЫЦЦЁ 7:13

І адзін са старэйшынаў азваўся да мяне, кажучы: «Хто гэтыя, апранутыя ў белыя шаты, і адкуль яны прыйшлі?»

МАЦЬВЕЯ 13:44

Падобнае Валадарства Нябеснае да скарба, схаванага ў зямлі, які ўтойвае чалавек, што знайшоў яго, і ў радасці ад гэтага ідзе і прадае ўсё, што мае, і купляе тую зямлю.

ДАНІІЛА 12:2

І многія з тых, што спяць у праху зямлі, абудзяцца: адны да жыцця вечнага, і другія — на вечную ганьбу.

ПСАЛТЫР 32:8

Дам разуменне табе і накірую цябе на шлях, па якім ты павінен ісці; умацую вочы Мае над табою.

ЯКАВА 2:5

Паслухайце, браты мае найдаражэйшыя! Ці не выбраў Бог бедных гэтага свету як багатых вераю і як спадкаемцаў Валадарства, якое абяцаў тым, што любяць Яго?

МІХЕЯ 1:11

І перасяляйцеся, жыхаркі Сафіра, зганьбаваныя; не выйдуць і жыхаркі Саанана. Плач у Бэтэзэлі не дасць вам застацца на тым месцы.

ПСАЛТЫР 73:24

Вядзеш мяне сваёю парадаю і ў канцы прымеш мяне ў хвалу.

АДКРЫЦЦЁ 3:17

Бо кажаш ты: «Багаты я і забяспечаны, і нічога мне не трэба», і не ведаеш, што ты бедны, і найнешчаслівейшы, і ўбогі, і сляпы, і голы.

АДКРЫЦЦЁ 2:9

Ведаю твае ўчынкі і прыгнёт твой, і ўбоства твае, але ты багаты; і зневажанні тых, якія называюць сябе юдэямі, а імі не ёсць, бо яны – сінагога шатана.

2 КАРЫНФЯНАЎ 8:9

Бо вы ведаеце ласку Госпада нашага Ісуса Хрыста, Які, будучы багатым, дзеля вас стаўся бедным, каб Сваёю беднасцю вас узбагаціць.

ІСАІ 47:3

Адкрыецца галізна твая, і ўбачаць няславу тваю. Учыню Я помсту, нікога не пашкадую, —

ВЫСЛОЎІ 23:23

Купляй праўду і не прадавай; купляй мудрасць, і веды, і розум.

2 КАРЫНФЯНАЎ 5:3

каб толькі, і адзетыя, мы не апынуліся голымі.

ЛУКАША 12:21

Так бывае з тым, хто для сябе збірае скарбы, а перад Богам не багаты».

НАВУМА 3:5

Вось, Я іду супраць цябе, — кажа Госпад Магуццяў, — і падыму адзенне тваё на твар твой, і пакажу народам галізну тваю і царствам — ганьбу тваю.

МАЦЬВЕЯ 25:9

Адказалі разумныя, кажучы: “Каб раптам не было недахопу і нам, і вам, лепш ідзіце да прадаўцоў ды купіце сабе”.

ЕРАМІІ 13:26

За гэта і Я раскрыю полы адзення твайго аж да твару твайго, ды выявіцца ганьба твая,

ЭКЛЕЗІЯСТА 8:2

Загады цара слухай; і дзеля прысягі, [складзенай] перад Богам,

ВЫСЛОЎІ 19:20

Слухайся розуму і прымай настаўленне, каб быць мудрым у канцы жыцця свайго.

ВЫСЛОЎІ 1:30

не згадзіліся з маёю парадаю і пагрэбавалі ўсім маім выкрываннем.

ВЫСЛОЎІ 1:25

Вы пагрэбавалі ўсякаю маёю парадаю і адхілілі мае папрокі.

ПСАЛТЫР 107:11

бо паднялі яны бунт супраць слоў Бога і пагардзілі парадай Найвышэйшага.

ПСАЛТЫР 16:7

Дабраслаўляю я Госпада, Які надае мне разуменне, звыш таго, і па начах навучае мяне нутро маё.

1 ЦІМАФЕЯ 6:18

каб як найбольш рабілі дабра, багацелі добрымі ўчынкамі, былі шчодрымі, дзяліліся,

АДКРЫЦЦЁ 4:4

І вакол пасада ўбачыў дваццаць чатыры пасады, і на пасадах сядзелі дваццаць чатыры старэйшыны, адзетыя ў белыя вопраткі, і на галавах іх – залатыя вянцы.