АДКРЫЦЦЁ 20:15 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁵ І хто не знайшоўся запісаны ў кнізе жыцця, той быў укінуты ў возера вогненнае.

Біблія (пераклад А.Бокуна)

¹⁵ І калі хто ня быў знойдзены запісаным у кнізе жыцьця, той быў кінуты ў возера агню.

Біблія (пераклад В. Сёмухі)

¹⁵ І хто ня быў запісаны ў кнізе жыцьця, той быў укінуты ў возера вогненнае.

АДКРЫЦЦЁ 20:15 Крыжаваныя спасылкі

ЯНА 3:36

Хто верыць у Сына, мае жыццё вечнае; а хто бязверны ў Сына, той не ўбачыць жыцця, але гнеў Божы застаецца на ім».

ДЗЕІ 4:12

І няма ў нікім іншым збаўлення, бо няма іншага імя пад небам, дадзенага людзям, у якім маглі б мы быць збаўлены».

ЯНА 14:6

Кажа яму Ісус: «Я – дарога, і праўда, і жыццё. Ніхто не прыходзіць да Айца, як толькі праз Мяне.

МАЦЬВЕЯ 13:50

ды ўкінуць іх у печ вогненную. Там будзе плач і скрыгатанне зубоў.

МАЦЬВЕЯ 25:41

Тады скажа Ён і тым, хто леваруч Яго будуць: “Ідзіце ад Мяне, праклятыя, у агонь вечны, які прыгатаваны для д’ябла і анёлаў яго.

АДКРЫЦЦЁ 20:12

І ўбачыў я перад пасадам памерлых, вялікіх і малых, што стаяць перад Богам. І былі адкрыты кнігі. І была адкрыта іншая кніга, кніга жыцця. І быў суд над памерлымі за тое, што напісана было ў кнігах, паводле іх ўчынкаў.

АДКРЫЦЦЁ 19:20

І схоплены быў звер, а з ім фальшывы прарок, які чыніў знакі перад ім, і знакамі тымі зводзіў тых, што атрымалі меціну звера і што пакланяліся перад яго абразом. Абодва яны былі жывымі кінуты ў возера вогненнае, палаючае серкай.

ГАБРЭЯЎ 12:25

Глядзіце, не адвярніцеся ад Гаворачага. Бо калі тыя не ўцяклі ад кары, адвярнуўшыся ад таго, які гаварыў на зямлі, то тым больш мы, калі адвернемся ад Таго, Які да нас з нябёсаў гаворыць.

ГАБРЭЯЎ 2:3

то якім чынам мы зможам ухіліцца, калі занядбаем гэткае збаўленне, якое спачатку было абвешчана Госпадам, а ў нас умацавана было тымі, што чулі ад Яго

МАРКА 16:16

Хто паверыць і прыме хрост, будзе збаўлены. Хто ж не паверыць, будзе асуджаны.

МАЦЬВЕЯ 13:42

і ўкінуць іх у печ вогненную. Там будзе плач і скрыгатанне зубоў.

ПСАЛТЫР 69:28

Прыкладзі несправядлівасць да несправядлівасці іх, і хай яны не прыйдуць да справядлівасці Тваёй.

ЛУКАША 10:20

Аднак не з таго весяліцеся, што духі вам паддаюцца, але з таго радуйцеся, што імёны вашы запісаны на нябёсах».

АДКРЫЦЦЁ 3:5

Хто пераможа, апранецца ў вопратку белую, і не выкраслю імя яго з кнігі жыцця, і прызнаю імя яго перад Айцом Маім і на віду ў анёлаў Яго.

АДКРЫЦЦЁ 20:10

І д’ябал, які зводзіў іх, быў кінуты ў возера агню і серкі, дзе і звер, і фальшывы прарок, і мучыцца будуць яны днём і ўночы на векі вечныя.

АДКРЫЦЦЁ 20:14

І смерць і пекла былі ўкінуты ў возера вогненнае. Гэта – другая смерць.