АДКРЫЦЦЁ 18:21 - Кнігі Святога Пісання - Біблія - Біблія — пераклад Чарняўскага (выданне 2017 года)

²¹ Тады адзін магутны анёл падняў вялікі, як млынавы, камень і кінуў яго ў мора, кажучы: «З такой сілаю будзе скінуты гэты горад Бабілон, і больш не паўстане.

Біблія (пераклад А.Бокуна)

²¹ І ўзяў адзін дужы анёл камень вялікі, як млыновы, і кінуў у мора, кажучы: «Гэтак з сілаю кінуты будзе Бабілон, горад вялікі, і ўжо больш ня знойдуць яго.

Біблія (пераклад В. Сёмухі)

²¹ І адзін дужы анёл узяў камень, падобны на вялікі жарон, і ўкінуў у мора, кажучы: з такою сілаю будзе павалены Вавілон, вялікі горад, і ўжо ня будзе яго;

АДКРЫЦЦЁ 18:21 Крыжаваныя спасылкі

НЭЭМІІ 9:11

І Ты раздзяліў мора перад імі, і перайшлі яны сярэдзінай мора, па сухому; а тых, хто гнаўся за імі, укінуў Ты ў глыбіні мора, як камень у бурлівыя воды.

ЁВА 20:8

Як сон, што адлятае, ён не знойдзецца, праміне ён, як начное марыва.

ПСАЛТЫР 37:36

і я прайшоў міма, і вось не было ўжо яго; і шукаў я яго, а ён не знайшоўся.

ВЫХАД 15:5

Бездані накрылі іх, апусціліся яны ў глыбіню, як камень.

ЕЗЭКІІЛЯ 26:21

Я ператвару цябе ў нікчэмнасць, і ты перастанеш існаваць, і будуць шукаць цябе, і ніколі не знойдуць навек”, — кажа Госпад Бог».

ДАНІІЛА 11:19

І зверне твар свой на гарады сваёй зямлі, і захістаецца, і ўпадзе, і знікне цалкам.

АДКРЫЦЦЁ 10:1

Пасля ўбачыў я іншага магутнага анёла, апранутага ў воблака, які сыходзіў з неба, і над галавой у яго вясёлка, і твар яго – быццам сонца, і ногі яго – як слупы вогненныя,

АДКРЫЦЦЁ 12:8

і не асілілі, і не знайшлося ўжо больш месца для іх у небе.

АДКРЫЦЦЁ 16:20

І кожны востраў знік, і ніводнай гары не знайшлося.

АДКРЫЦЦЁ 18:10

і, стоячы здалёк, дзеля страху яе мучэнняў будуць казаць: “Гора, гора, вялікі той горад, Бабілон, магутны той горад, у адну хвіліну прыйшоў суд твой”.

АДКРЫЦЦЁ 18:22

І голасу гусляроў, і музыкаў, і жалейнікаў, і дудароў, і труб не пачуецца больш у табе; і не знойдзецца больш ніводнага мастака і ніякага мастацтва, і не будзе чутна голасу жорнаў,

АДКРЫЦЦЁ 20:11

І ўбачыў я пасад вялікі белы і Таго, Які сядзеў на ім, перад абліччам Якога ўцяклі зямля і неба, і не знайшлося ім месца.

АДКРЫЦЦЁ 5:2

І ўбачыў магутнага анёла, што абвяшчаў гучным голасам: «Хто дастойны разгарнуць кнігу і зняць яе пячаткі?»