АГЕЯ 1:9 - Кнігі Святога Пісання - Біблія - Біблія — пераклад Чарняўскага (выданне 2017 года)

⁹ Спадзяваліся вы многа, і вось, атрымалася мала, і ўнеслі ў дом, і Я рассеяў гэта. А з якой прычыны? — кажа Госпад Магуццяў, — дзеля Майго дома, што ляжыць у развалінах, і вы кожны спяшаецеся ў дом свой.

Біблія (пераклад А.Бокуна)

⁹ Спадзяваліся, што будзе шмат, а вось, мала; і што прыносіце ў дом, Я тое разьвею. "Чаму?" — кажа ГОСПАД Магуцьцяў. За Дом Мой, які спустошаны, а вы бяжыцё кожны да дому свайго.

Біблія (пераклад В. Сёмухі)

⁹ Чакаеце шмат, а выходзіць мала, і што прынесяце дамоў, тое Я разьвею. За што кажа Гасподзь Саваоф: за Мой дом, які ў запусьценьні, тым часам як вы бяжыце - кожны да свайго дома.

АГЕЯ 1:9 Крыжаваныя спасылкі

2 ЦАРСТВАЎ 21:1

Панаваў жа голад на зямлі ў дні Давіда тры гады, год за годам. І раіўся Давід з Госпадам, і Госпад сказаў: «Над Саўлам і над яго домам — кроў, бо ён забіў габаонцаў».

2 ЦАРСТВАЎ 22:16

І адкрыліся глыбіні мора, і адчыніліся фундаменты сусвету ад ушчування Госпада, ад подыху духу гневу Яго.

4 ЦАРСТВАЎ 19:7

вось, Я пашлю яму духа, і ён пачуе вестку, і вернецца ў сваю зямлю; і Я паб’ю яго мечам у яго зямлі”».

ЁВА 10:2

Скажу я Богу: “Не асуджай мяне, а пакажы мне, за што Ты мяне так судзіш?

ВЫСЛОЎІ 11:24

Адны дзеляцца ўласным і становяцца багацейшымі, а другія, што занадта беражлівыя, заўсёды ў беднасці.

ВЫСЛОЎІ 27:20

Пекла і пагібель ніколі не насычаюцца, падобна ім ненасытныя і вочы чалавечыя.

ЭКЛЕЗІЯСТА 1:8

Усе рэчы цяжкія, не можа выясніць іх чалавек моваю. Не насычаецца вока глядзеннем, ані вуха не напаўняецца слуханнем.

ІСАІ 40:7

Высахла трава, і завяла кветка, бо дух — вецер Госпадаў — падуў на яе; сапраўды, народ ёсць сена.

ІСАІ 5:10

Бо дзесяць батаў вінаградніку дадуць адзін бат, а трыццаць мер зерня дадуць тры меры.

ЕРАМІІ 12:13

Пасеялі пшаніцу, а зжалі церні, працавалі, ды ім гэта не прыдасца; вы асароміцеся дзеля пладоў сваіх з прычыны бушавання гневу Госпада!

ЕЗЭКІІЛЯ 21:31

І вылью на цябе Свой гнеў, распалю супраць цябе лютасць абурэння Свайго; і аддам цябе ў рукі дзікіх людзей і рабаўнікоў.

ЛЯВІТ 19:25

У пяты год будзеце есці плады іх, каб павялічыўся для вас ураджай з іх. Я — Госпад, Бог ваш!

АГЕЯ 1:4

«Ці ж вам час жыць у дамах упрыгожаных, калі гэты дом у руінах?

АГЕЯ 1:6

вы сееце многа і збіраеце мала; ясцё і не насычаецеся; п’яце і не п’янееце; апранаецеся і не саграваецеся; і той, хто працуе, каб зарабіць, кідае плату ў дзіравы мяшэчак!”

МАЛАХІІ 2:2

Калі вы не жадаеце слухаць ды не жадаеце ўзяць сабе ў сэрца, каб шанаваць імя Маё, — кажа Госпад Магуццяў, — дык Я спашлю на вас праклён і пракляну дабраславенні вашы; і пракляну іх за тое, што вы не ўзялі гэтага да сэрца.

ДРУГІ ЗАКОН 28:38

Насення многа кінеш у зямлю, а збярэш мала, бо саранча паесць усё.

АДКРЫЦЦЁ 2:4

Але маю Я супраць цябе тое, што пакінуў ты тваю першую любоў.

АДКРЫЦЦЁ 3:19

Бо Я тых, якіх люблю, дакараю і караю. Дык будзь руплівым і навярніся.