АБАКУМА 1:13 - Кнігі Святога Пісання - Біблія - Біблія — пераклад Чарняўскага (выданне 2017 года)

¹³ Чыстыя вочы Твае, каб не глядзець на ліхоту; і на несправядлівасць не зможаш Ты глядзець. Чаму Ты глядзіш на ліхотнікаў і маўчыш, калі бязбожнік праглынае справядлівейшага за сябе?

Біблія (пераклад А.Бокуна)

¹³ Чыстыя вочы [Твае], каб глядзець на зло, і Ты ня можаш глядзець на нядолю. Чаму Ты глядзіш на адступнікаў, маўчыш, калі бязбожнік глытае таго, хто больш праведны за яго?

Біблія (пераклад В. Сёмухі)

¹³ Чыстым вачам Тваім неўласьціва глядзець на зладзействы, і глядзець на ўціскі Ты ня можаш. Дзеля чаго ж Ты глядзіш на зладзеяў, і маўчыш, калі бязбожнік паглынае таго, хто праведнейшы за яго,

АБАКУМА 1:13 Крыжаваныя спасылкі

2 ЦАРСТВАЎ 4:11

тым больш цяпер, калі ліхія людзі забілі нявіннага чалавека ў доме яго на яго ложку, няўжо не павінен я спагнаць за кроў яго з рук вашых і знішчыць вас з зямлі?»

3 ЦАРСТВАЎ 2:32

І хай верне Госпад кроў яго на галаву яго, бо ён забіў двух чалавек справядлівых і лепшых за яго, і забіў іх мечам, калі не ведаў гэтага бацька мой, Давід: забіў мечам Абнэра, сына Нэра, кіраўніка войска Ізраэля, і Амасу, сына Етэра, кіраўніка войска юдэйскага.

ЭСТЭР 4:14

Калі бо ты будзеш цяпер маўчаць, аднекуль прыйдзе ратунак і вызваленне, а ты і дом бацькі твайго — прападзяце; і хто ведае, ці не дзеля гэтага ты стала царыцай у такі час?»

ЁВА 15:15

Вось, святым Сваім не давярае, і нябёсы не чыстыя перад абліччам Яго.

ЁВА 21:7

Чаму ж жывуць бязбожнікі, дажываюць да старасці і ўмацаваны багаццем?

ЁВА 24:23

Але Бог даў яму месца бяспечнае, на якое ён абапёрся, але вочы Яго на шляхах яго.

ПСАЛТЫР 10:15

СІН. Скрышы руку грэшніка і ліхадзея; будзеш шукаць Ты грэх яго і не знойдзеш.

ПСАЛТЫР 18:26

Са святым Ты святы будзеш, і з чалавекам беззаганным беззаганны будзеш,

ПСАЛТЫР 25:3

ГІМЭЛЬ. Бо ўсе тыя, што трымаюцца Цябе, не будуць засаромлены. Засаромлены будуць тыя, што чыняць бязвер’е дзеля марнасці.

ПСАЛТЫР 35:17

Госпадзе, як доўга будзеш глядзець [на гэта]? Адвядзі назад душу маю ад ліхасці іх, ад ільвоў — адзіную маю.

ПСАЛТЫР 35:22

Ты ўбачыў, Госпадзе, не маўчы; Госпадзе, не адступайся ад мяне!

ПСАЛТЫР 35:25

Хай не думаюць у сваіх сэрцах: «Ага! Гэтага і хацелі мы!» Хай не кажуць: «Добра, [гэта] нам па душы», хай не кажуць: «Праглынулі мы яго!»

ПСАЛТЫР 50:21

Гэтак ты чыніш, а Я маўчу. Ці не думаеш ты, што Я быў падобны да цябе? Я буду абвінавачваць цябе, і адкрыю гэта [ўсё] перад табою.

ПСАЛТЫР 50:3

Бог наш прыйшоў і не маўчыць: агонь паглынаючы перад Ім, а вакол Яго магутная навальніца.

ПСАЛТЫР 73:3

бо пазайздросціў я бязбожным, гледзячы на спакойнае жыццё грэшнікаў.

ПСАЛТЫР 83:1

Песня. Псальм. Асафа.

ІСАІ 21:2

Страшнае бачанне аб’яўлена мне: рабаўнік рабуе, нішчыць нішчыцель. Эламе, выходзь! Мідыя, асаджай! Любому стогну яго пакладу канец.

ІСАІ 24:16

З канцоў зямлі чулі мы хвалебныя спевы: «Слава Справядліваму!» Але я сказаў: «Таямніца мая ў мяне, таямніца мая ў мяне. Гора мне!» Крывадушнікі крывадушнічаюць, і крывадушнічаюць крывадушнасцю крывадушнікаў.

ІСАІ 33:1

Гора табе, разбойнік, якога ніхто не абрабаваў; і табе, грабежнік, бо цябе ніхто не аграбіў! Калі скончыш спусташаць, тады цябе аграбяць, калі скончыш рабаваць, тады цябе абрабуюць.

ІСАІ 64:12

Ці ж дзеля гэтага ўсяго Ты будзеш стрымлівацца, Госпадзе? Ці ж будзеш маўчаць і прыгнятаць нас празмерна?

ПЛАЧ 3:36

ашукваць чалавека на судзе сваім, — ці ж Госпад гэтага не ведае?

АБАКУМА 1:14

Ты стварыў людзей, як рыбу марскую, як паўзуна, што не мае кіраўніка над сабою.

ЗАХАРЫІ 8:17

і хай ніводзін з вас не думае ў сэрцы сваім ліха супраць прыяцеля свайго, і не любіце прысягі лжывай: бо ўсё гэта ёсць тое, што Я ненавіджу”, — кажа Госпад».

ДЗЕІ 2:23

Яго вось, Які паводле вызначанага рашэння і наканавання Божага быў выдадзены, вы, рукамі беззаконных прыбіўшы цвікамі, забілі,

ДРУГІ ЗАКОН 23:15

Не выдавай нявольніка, які да цябе ўцёк, гаспадару яго.