АЎДЗЕЯ 1:9 - Кнігі Святога Пісання - Біблія - Біблія — пераклад Чарняўскага (выданне 2017 года)

⁹ І будуць баяцца мужныя твае, Тэман, што прападзе кожны чалавек з гары Эзава.

Біблія (пераклад А.Бокуна)

⁹ І спалохаюцца волаты твае, Тэмане, каб быў зьнішчаны забіваньнем кожны [чалавек] з гары Эзава.

Біблія (пераклад В. Сёмухі)

⁹ Працятыя будуць страхам адважнікі твае, Фэман, каб усе на гары Ісава вынішчаны былі забойствам.

АЎДЗЕЯ 1:9 Крыжаваныя спасылкі

БЫЦЦЁ 36:11

Сынамі Эліфаза былі: Тэман, Амар, Сэфо, і Гатам, і Кенэз.

1 ЛЕТАПІСАЎ 1:45

І, калі памёр Ёбаб, па ім цараваў Гусам з зямлі Тэман.

ЁВА 2:11

Тады трое сяброў Ёва, пачуўшы пра ўсё ліха, што напаткала яго, прыйшлі, кожны са сваёй мясцовасці: Эліфаз Тэманіт, і Балдад Сугіт, і Зафар Нааматыт. І дамовіліся яны, каб разам прыйсці, наведаць яго і суцешыць.

ЕРАМІІ 49:20

Дзеля таго паслухайце намеры Госпада, якія вырашыў Ён адносна Эдома, і думкі Яго, якія мае Ён адносна жыхароў Тэмана: выцягнуць нават найменшых са статку, і спустошаны ў іх будуць пашы іх.

ЕРАМІІ 49:22

Вось, як арол, падымецца ён, і ўзляціць, і раскіне крылы свае над Босраю, і сэрца мужных у Эдоме ў той дзень станецца падобным да сэрца жанчыны парадзіхі.

ЕРАМІІ 49:7

Адносна Эдома. Гэта кажа Госпад Магуццяў: «Ці ўжо больш няма мудрасці ў Тэмане? Хіба згінула рада ў разумных і непатрэбнай сталася мудрасць іх?

ЕЗЭКІІЛЯ 25:13

дзеля таго вось што кажа Госпад Бог: Я выцягну руку Маю супраць Ідумеі, ды вынішчу ў ёй людзей і жывёлу, і ператвару яе ў пустыню — ад Тэмана аж да Дэдана загінуць ад меча.

АМОСА 1:12

Пашлю агонь на Тэман, і паглыне палацы Босры”.

АМОСА 2:16

Нават наймацнейшы духам сярод волатаў уцячэ голы ў той дзень”, — кажа Госпад.

АЎДЗЕЯ 1:21

І прыйдуць збаўцы на гару Сіён, каб судзіць гару Эзава. І будзе валадарства ў Госпада!»

АЎДЗЕЯ 1:5

Ці то злодзеі ўварваліся да цябе, або рабаўнікі ноччу, — які ж ты абрабаваны! Ці не нарабавалі яны, колькі хацелі? А калі збіральнікі вінаграду ўварваліся да цябе, ці ж не пакінулі яны табе адны голыя галінкі?

НАВУМА 3:13

Вось, народ твой — жанчыны сярод цябе; ворагам тваім адчыняцца насцеж брамы зямлі тваёй; агонь спаліць засаўкі твае.

АБАКУМА 3:3

Бог прыйдзе з Тэмана, і Святы — з гары Паран. [Сэлах]. Слава Яго пакрывае нябёсы, і зямля поўная хвалы Яго.

ДРУГІ ЗАКОН 2:5

не выступайце супраць іх, бо Я не дам вам зямлі іх ні на стапу нагі дзеля таго, што гару Сэір Я даў ва ўладанне Эзаву.