ІСАІ 8:10 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁰ Зрабіце нараду, і яна рассыплецца, скажыце слова, і яно не споўніцца, бо Бог з намі.

Біблія (пераклад А.Бокуна)

¹⁰ Радзьце раду, [што рабіць], і яна ня зьдзейсьніцца. Прамаўляйце слова, і ня станецца [паводле яго], бо з намі Бог».

Біблія (пераклад В. Сёмухі)

¹⁰ Намышляйце намыслы, але яны задарэмняцца; кажэце слова, але яно ня спраўдзіцца: бо з намі Бог!

ІСАІ 8:10 Крыжаваныя спасылкі

БЫЦЦЁ 21:22

У той час Абімэлех і Піколь, начальнік яго войска, сказалі Абрагаму: «Бог з табой ва ўсім, што ты робіш.

2 ЦАРСТВАЎ 15:31

І паведамілі Давіду, што і Ахітатэл быў у змове з Абсаломам; і сказаў Давід: «Госпадзе, прашу, пазбаў сілы параду Ахітатэла».

2 ЦАРСТВАЎ 17:23

Тым часам Ахітатэл, бачачы, што не была выканана парада яго, асядлаў асла свайго, і ўскочыў на яго, і вярнуўся ў горад свой, у дом свой, і, даўшы загад адносна дома свайго, павесіўся і памёр, і быў пахаваны ў магіле бацькі свайго.

2 ЦАРСТВАЎ 17:4

І спадабалася гэта парада Абсалому і ўсім старэйшынам Ізраэля.

4 ЦАРСТВАЎ 6:12

І сказаў адзін з паслугачоў яго: «Ніхто, гаспадару мой, цар. Але ў Ізраэлі ёсць прарок Элісей, які паведамляе цару Ізраэля ўсе словы, якія ты гаворыш у спальні сваёй».

2 ЛЕТАПІСАЎ 13:12

Такім чынам, у нашым войску Бог правадыр і Яго святары, якія трубяць у трубы і адклікаюцца да вас, сыны Ізраэля; не ваюйце супраць Госпада, Бога бацькоў вашых, бо гэта не карысна вам».

ЁВА 5:12

Які разбівае намеры ліхадзеяў, каб не змаглі рукі іх выканаць тое, што пачалі;

ПСАЛТЫР 21:12

Бо яны задумалі супраць Цябе ліхое, учынілі нараду, — але яны не змогуць нічога.

ПСАЛТЫР 46:1

Кіраўніку хору. Сыноў Корэ. Паводле «Аламот…» Песня.

ПСАЛТЫР 46:11

Спачніце і паглядзіце, што Я — Бог: буду ўзнесены Я між народамі і буду ўзнесены Я на зямлі.

ПСАЛТЫР 46:7

Узбурыліся народы, захісталіся царствы; падаў Ён голас Свой — расцяклася зямля.

ПСАЛТЫР 46:8

Госпад магуццяў з намі, прыстанішча наша — Бог Якубаў.

ВЫСЛОЎІ 21:30

Няма мудрасці, ані разважлівасці, ані законнасці супраць Госпада.

ІСАІ 14:27

Бо Госпад Магуццяў так вырашыў, дык хто ж зможа адмяніць? І рука Яго выцягнута, — дык хто ж яе адверне?

ІСАІ 28:18

Ваша прымірэнне са смерцю будзе знішчана, ды дамова ваша з апраметнай не ўтрымаецца; калі надыдзе біч навалы, будзеце вы яму на стаптанне».

ІСАІ 41:10

Не бойся, бо Я з табою: не збочвай, бо Я — Бог твой! Прыдам табе сілы і дапамагу табе, ды буду трымаць цябе Маёй правіцай справядлівай”.

ІСАІ 43:5

Не бойся, бо Я з табою, ад усходу прывяду патомства тваё і з захаду збяру цябе.

ІСАІ 7:14

Дзеля таго дасць вам Сам Госпад знак. Вось жа, Дзева панясе ва ўлонні і народзіць Сына, і назавуць імя Яго: Імануэль.

ІСАІ 8:8

і пацячэ праз Юдэю, перапаўняючыся і разліваючыся, і дасягне аж шыі. І будзе прасцяг крылаў яе на ўсю шырыню зямлі тваёй, о Імануэлю!»

ІСАІ 9:6

Бо нарадзілася нам Дзіця, дадзены Сын нам, і ўладарніцтва на Яго плячах; і назавуць Яго імем: дзівосны Дарадца, Бог моцны, Айцец вечнасці, Князь міру.

ЕРАМІІ 42:11

Не бойцеся цара Бабілона, перад якім вы, нясмелыя, дрыжыце, не палохайцеся яго, — кажа Госпад, — бо Я з вамі, каб вас збавіць і вырваць з рукі яго.

ЕРАМІІ 46:28

Не бойся, паслугач Мой Якуб, — кажа Госпад, — бо Я з табою, бо Я знішчу ўсе народы, да якіх выгнаў цябе, а цябе не знішчу, але пакараю цябе справядліва, непакараным не пакіну цябе».

ПЛАЧ 3:37

Хто ж ёсць такі, што сказаў — і сталася? Ці ж Госпад не загадаў?

ЁІЛЯ 3:9

Абвясціце гэта між народамі, прыгатуйцеся да святой вайны, склічце волатаў! Хай прыходзяць і хай выступаюць усе ваяры.

АГЕЯ 1:13

І Агей, пасланец Госпадаў, прамовіў паводле прыказання Госпада, кажучы народу: «“Я з вамі”, — кажа Госпад».

ЛІКІ 14:9

Не бунтуйце супраць Госпада і не палохайцеся народа той зямлі, бо, як хлеб, мы можам іх праглынуць. Адышла ад іх уся дапамога; Госпад з намі; не бойцеся».

МАЦЬВЕЯ 1:23

«Вось жа Дзева панясе ва ўлонні і народзіць Сына, і назавуць імя Яго Імануэль, што значыць Бог з намі».

МАЦЬВЕЯ 28:20

навучаючы іх выконваць усё, што Я вам перадаў. І вось, Я з вамі ва ўсе дні аж да сканчэння веку». Амін.

РЫМЛЯНАЎ 8:13

Бо калі будзеце жыць паводле цела, памраце, а калі духам памярцвіце ўчынкі цела, будзеце жыць.

РЫМЛЯНАЎ 8:31

Дык што на гэта скажам? Калі Бог за нас, дык хто супраць нас?

ДРУГІ ЗАКОН 20:1

Калі выйдзеш на вайну супраць ворагаў сваіх і ўбачыш, што і коней, і калясніц, і людзей у варожым войску болей, чым у цябе, не бойся іх, бо з табой Госпад, Бог твой, Які вывеў цябе з зямлі Егіпецкай.

ІСУСА 1:5

Ніхто не зможа супрацівіцца табе ва ўсе дні жыцця твайго; як Я быў з Майсеем, так буду і з табою; не пакіну цябе і не адступлю ад цябе.

1 ЯНА 4:4

Вы, дзеткі, ад Бога і перамаглі іх, бо Той, Хто ў вас, большы за таго, хто ў свеце.