ІСАІ 58:11 - Кнігі Святога Пісання - Біблія - Біблія — пераклад Чарняўскага (выданне 2017 года)

¹¹ І будзе весці цябе Госпад заўсёды, і насыціць душу тваю ў месцах засушлівых, і косці твае ўмацуе; і будзеш ты, як сад паліваны і як крыніца, воды якой не высыхаюць.

Біблія (пераклад А.Бокуна)

¹¹ І будзе ГОСПАД весьці цябе заўсёды, і насыціць душу тваю ў зямлі сухой, і ўмацуе косткі твае. І будзеш ты як сад паліваны, і як крыніца вады, у якой не сканчваецца вада ейная.

Біблія (пераклад В. Сёмухі)

¹¹ і будзе Гасподзь правадыром тваім заўсёды, і ў час засухі будзе насычаць душу тваю і мацаваць косьці твае, і ты будзеш як напоены вадою сад і як крыніца, воды якое ніколі не перасыхаюць.

ІСАІ 58:11 Крыжаваныя спасылкі

ЯНА 4:14

а хто нап’ецца вады, якую Я яму дам, ужо не будзе смагнуць навекі, але вада, якую Я яму дам, станецца ў ім крыніцай вады, што бруіцца ў жыццё вечнае».

ЕРАМІІ 31:12

І прыйдуць яны, і будуць спяваць хвалу на гары Сіён, і прыгарнуцца да даброццяў Госпада: збожжа, і віна, і аліўкавага алею, ягнят і цялят; і душа іх станецца, як сад абводнены, і не будуць яны больш прагнуць.

ПСАЛТЫР 32:8

Дам разуменне табе і накірую цябе на шлях, па якім ты павінен ісці; умацую вочы Мае над табою.

ІСАІ 49:10

не будуць ужо галадаць ані смагнуць, і не ўдарыць іх спякота або сонца, бо кіраваць імі будзе Літасцівец іх ды павядзе іх да крыніц водаў.

ЯНА 16:13

Але калі прыйдзе Ён, Дух праўды, то навучыць вас усякай праўдзе; бо не ад Сябе гаварыць будзе, але, што толькі пачуе, тое скажа, ды, што мае быць, вам аб’явіць.

ПСАЛТЫР 25:9

ЁД. пакорлівых накіруе па справядлівасці, наставіць сціплых на шляхі іх.

ПЕСЬНЯ 4:15

Садовая крыніца, студня жывых водаў, што сцякаюць імкліва з Лібана.

ВЫСЛОЎІ 11:25

Будзе насычана душа, якая дабраслаўляе; і хто напоіць другіх, той сам таксама будзе напоены.

ВЫСЛОЎІ 3:8

бо гэта будзе здароўем для цела твайго і падсілкоўваннем для касцей тваіх.

ЕЗЭКІІЛЯ 36:35

будуць казаць: “Гэтая спустошаная зямля стала, як сад Эдэнскі, і гарады, спустошаныя, і знішчаныя, і зруйнаваныя, цяпер умацаваныя і населеныя”.

ПСАЛТЫР 92:14

Пасаджаныя ў Госпадавым доме, у дзядзінцы Бога нашага заквітнеюць.

АСІІ 13:5

Я пасвіў цябе на пустэчы, у зямлі засухі пустыннай.

ЕРАМІІ 17:8

і будзе ён падобны да дрэва, якое пасаджана над вадою, якое пускае карані свае да струменяў, і не будзе баяцца, калі прыйдзе спякота, і лістота яго будзе зялёнай, і ў год засухі не будзе непакоіцца, і не перастане даваць плады».

ВЫСЛОЎІ 28:25

Хто павялічвае жаданні — распаляе сваркі, а хто ўскладае надзею на Госпада — пашырыцца.

ПСАЛТЫР 73:24

Вядзеш мяне сваёю парадаю і ў канцы прымеш мяне ў хвалу.

ПСАЛТЫР 48:14

Адчуйце сэрцам вашым магуцце яго і прабяжыцеся ўздоўж дамоў яго, каб расказаць іншаму пакаленню.

ПСАЛТЫР 37:19

Не пасаромеюцца яны ў ліхую часіну і ў дні голаду будуць насычаны.

ПСАЛТЫР 33:19

Каб вырваў Ён у смерці душы іх і каб карміў іх у час голаду.

ПСАЛТЫР 107:9

бо насыціў Ён душу таго, хто адчуваў смагу, і напоўніў дабротамі душу, што моцна прагне.

ЁВА 5:20

У голад Ён выбавіць цябе ад смерці, а ў час вайны — ад рукі меча.

1 ФЕСАЛОНІКІЙЦАЎ 3:11

Хай жа Сам Бог і Айцец наш і Госпад наш Ісус Хрыстос выпрастае дарогу нашу да вас.

ІСАІ 61:11

Як бо зямля прыносіць сваю расліннасць ды як сад родзіць свае пасевы, так Госпад Бог народзіць справядлівасць і хвалу перад абліччам усіх народаў.

ВЫСЛОЎІ 13:4

Гультай хоча, а не мае, а душа працавітых насыціцца.

ІСАІ 33:16

той будзе жыць на вышынях, умацаванні на скалах — сховішча яго, будзе задаволены хлебам, і вады яму хопіць.

ЯНА 7:38

хто верыць у Мяне. Як кажа Пісанне, рэкі жывой вады пацякуць з нутра яго».

ІСАІ 27:3

«Я — Госпад, сцерагу вінаграднік, буду паліваць яго штохвіліны. Каб часам што не шкодзіла яму, днём і ноччу [сцерагу] яго.

ІСАІ 41:17

Бедныя і ўбогія шукаюць вады — і няма! Язык іх высах ад смагі. Я, Госпад, выслухаю іх, не пакіну іх, — Бог Ізраэля!

ІСАІ 57:18

Дарогі яго бачу і вылечу яго, і вярну яго, і вярну пацеху яму і плакальшчыкам яго.

ІСАІ 66:14

Убачыце, і будзе радавацца сэрца ваша, і косці вашы набяруць свежасці, як мурог, ды рука Госпадава аб’явіцца на паслугачах Яго, а гнеў — на Яго ворагах.

ДРУГІ ЗАКОН 15:4

Але жабрака не павінна быць у цябе, бо Госпад, Бог твой, будзе дабраслаўляць цябе ў зямлі, якую мае даць табе ва ўласнасць, каб ты ўзяў яе ў спадчыну,

ПСАЛТЫР 1:3

І будзе ён, як дрэва паблізу цячэння вод, якое дае плод у свой час і лістота якога не вяне; і ўсё, што ён робіць, будзе ўдавацца яму.

ПСАЛТЫР 84:7

Праходзячы сухой лагчынаю, яны робяць яе крыніцаю, бо ранні дождж дабраславеннем зросіць яе.

ІСАІ 44:4

І будуць расці паміж травы, як таполі паблізу цякучых водаў.