ІСАІ 57:15 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁵ Бо гэта кажа Высокі і Узвышні, Які пражывае ў вечнасці, а імя Яго — святое: «На вышіні і ў святым месцы, жыву Я, ды разам з засмучанымі ды пакорнымі духам, каб ажывіць дух пакорных і ажывіць сэрца засмучанае.

Біблія (пераклад А.Бокуна)

¹⁵ Бо гэта кажа Высокі і Узьнесены, Які жыве вечна, і Сьвятое імя Ягонае: «Я жыву на вышынях і ў сьвятасьці, і [Я жыву] з тым, хто зламаны і спакораны духам, каб ажывіць дух пакорных і ажывіць сэрца прыгнечаных.

Біблія (пераклад В. Сёмухі)

¹⁵ Бо так кажа Высокі і Ўзьнесены, вечна Жывы, - Сьвяты імя Яго: Я жыву на вышыні нябёсаў і ў сьвяцілішчы, і гэтак сама з уціснутымі і ўпакоранымі духам, каб ажыўляць дух упакораных і ажыўляць сэрцы ўціснутых.

ІСАІ 57:15 Крыжаваныя спасылкі

ПСАЛТЫР 34:18

САДЭ. [Справядлівыя] паклікалі — і Госпад выслухаў, і вызваліў іх ад усіх бед іх.

ПСАЛТЫР 138:6

бо высокі Госпад і спагадае пакорнаму, а ганарыстага пазнае здалёк.

ПСАЛТЫР 147:3

Ён лечыць зламаных духам і перавязвае іх раны;

ВЫХАД 15:11

Хто сярод багоў падобны Табе, Госпадзе? Хто падобны Табе, хто слаўны святасцю, страшны і праслаўлены, творца цудаў?

ДАНІІЛА 4:34

Такім чынам, зараз я, Набукаданосар, хвалю, і слаўлю, і ўзвялічваю Валадара Неба, бо ўсе Яго дзеянні ёсць праўда і дарогі Яго — справядлівасць, і тых, хто ўпадае ў пыхлівасць, можа Ён упакорыць».

ІСАІ 52:13

«Вось жа, пашчаслівіцца Слузе Майму; узвысіцца і ўзнясецца, і будзе вельмі вялікі».

ІСАІ 40:28

Ці не ведаеш? Або ці не чуў? Бог, спрадвечны Госпад, Які стварыў межы зямлі, Ён не спыніцца, і не стоміцца, і не зняможацца; немагчыма спасцігнуць мудрасць Яго!

ДРУГІ ЗАКОН 33:27

Прыбежышча — Бог адвечны, абарона — рукі вечныя. Ён выганіць перад табою ворага і скажа: “Знішчы”».

ПСАЛТЫР 90:2

Перш чым паўсталі горы і нарадзілася зямля і сусвет, і спакон вякоў, і на век Ты — Бог.

ЯКАВА 4:6

Дык большую дае ласку паводле таго, як кажа: «Бог супрацівіцца пыхлівым, а пакорлівым ласку дае».

ПСАЛТЫР 83:18

Хай пачырванеюць і збянтэжацца на векі вечныя, і пасаромеюцца, і загінуць,

2 ЛЕТАПІСАЎ 34:27

і забаялася сэрца тваё ды ўпакорыўся ты перад абліччам Бога, адносна таго, што было сказана супраць гэтага месца і жыхароў Ерузаліма, таму што ўпакорыўся ты перада Мной, раздзёр шаты свае ды плакаў перада Мной, то Я таксама пачуў цябе”, — гаворыць Госпад.

ПСАЛТЫР 51:17

Госпадзе, адчыні вусны мае, і вусны мае стануць апавяшчаць Тваю хвалу.

1 ЦІМАФЕЯ 1:17

Валадару ж бессмяротнаму вякоў, нябачнаму, адзінаму, мудраму Богу ўшанаванне і слава на векі вечныя. Амін.

РЫМЛЯНАЎ 1:20

Ды ад стварэння свету нябачнае Божае і спрадвечная Яго магутнасць і Боскасць выяўляюцца розуму праз тое, што створана, так што яны не могуць апраўдацца.

ПСАЛТЫР 93:2

Умацаваны пасад Твой з таго часу, спакон вякоў — Ты.

АДКРЫЦЦЁ 3:7

І анёлу царквы, што ў Філадэльфіі, напішы: гэта кажа Святы і Праўдзівы, Які мае ключ Давідаў, Які адчыніць, і ніхто не замкне, а замкне, і ніхто не адчыніць.

ЛУКАША 1:49

бо зрабіў Мне вялікае Магутны, і святое імя Яго,

АДКРЫЦЦЁ 15:4

Хто не забаіцца Цябе, Госпадзе, і не стане славіць імя Тваё? Бо Ты адзін святы, бо ўсе народы прыйдуць і паклоняцца перад Табою, бо яўнымі сталіся справядлівыя суды Твае!»

ЕРАМІІ 10:10

А Госпад — Бог сапраўдны, Ён Бог жывы і Валадар вечны; ад гневу Яго задрыжыць зямля, і народы не змогуць устаяць перад пагрозаю Яго.

1 ПЯТРА 5:5

Таксама і вы, юнакі, будзьце паслухмяныя старэйшым. Усе ўзаемна, падпарадкоўваючыся адзін аднаму, апраніцеся ў пакору, бо Бог пыхлівым супрацівіцца, а пакорлівым ласку дае.

1 ЦІМАФЕЯ 6:16

Які Сам адзін мае несмяротнасць і жыве ў светласці недаступнай, Якога ніхто з людзей не бачыў і бачыць не можа; Яму ўшанаванне і валадаранне вечнае. Амін.

МІХЕЯ 5:2

І ты, Бэтлехэм, Эфрата, ці ж найменшы ты паміж мностваў Юды, бо з цябе для Мяне выйдзе Той, Хто стане Валадаром у Ізраэлі, і паходжанне Яго ад даўніх часоў, ад дзён спрадвечных.

ІСАІ 6:3

І ўсклікаў адзін да аднаго, і гаварыў: «Святы, святы, святы Госпад, Бог Усемагутны, — уся зямля поўная славы Тваёй!»

ВЫСЛОЎІ 8:23

ад вечнасці ўзнікла я і ад старадаўніх часоў, перш чым зямля ўзнікла.

ПСАЛТЫР 123:1

Песня ўзыходжання. Да Цябе падняў я свае вочы, да Цябе, Які пражываеш на небе.

ПСАЛТЫР 115:3

Бог наш на небе, усё, што захацеў, зрабіў.

ПСАЛТЫР 97:9

Бо ты, Госпадзе, праслаўлены на ўвесь свет, надзвычайна ўзвышаешся Ты над усімі багамі.

ЁВА 6:10

Хай гэта будзе мне суцяшэннем, і я ўзрадуюся нават у няшчасці, хай яно нават не скончыцца, і не ўхілюся я ад слоў Святога.

1 ЦАРСТВАЎ 2:2

Ніхто не святы так, як Госпад; бо няма нікога іншага, апроч Цябе, ніхто не магутны, як наш Бог.

АДКРЫЦЦЁ 4:8

І чатыры жывёліны мелі па шэсць крылаў, і навокал і ў сярэдзіне мелі поўна вачэй; і бесперапынна днём і ўночы яны ўскліквалі: «Святы, святы, святы Госпад Бог Усемагутны, Які быў, і Які ёсць, і Які прыйдзе».

ГАБРЭЯЎ 9:14

дык тым больш кроў Хрыста, Які ахвяраваў Самога Сябе Богу праз Вечнага Духа, ачысціць сумленне наша ад мёртвых учынкаў, каб служыць Богу жывому.

2 КАРЫНФЯНАЎ 7:6

Але Бог, Суцяшыцель пакорлівых, суцешыў нас прыбыццём Ціта.

ЛУКАША 4:18

«Дух Госпада на Мне; таму Госпад Мяне намасціў, каб нёс добрую вестку ўбогім, паслаў Мяне лячыць раны зламаным сэрцам, прадказваць палонным свабоду, сляпым – відушчасць, а вязням – вызваленне,

МАЦЬВЕЯ 6:9

А вось так вы маліцеся: Ойча наш, Які ёсць у небе, свяціся імя Тваё,

ЗАХАРЫІ 2:13

Хай замаўчыць усякі чалавек перад абліччам Госпада, бо паўстаў Ён са святога Свайго жытла.

ПСАЛТЫР 111:9

ФЭ. Паслаў Ён адкупленне народу Свайму, САДЭ. пастанавіў навечна запавет Свой, КОФ. святое і шаноўнае імя Яго.

ПСАЛТЫР 99:3

Хай вызнаюць імя Тваё вялікае і шаноўнае, бо яно святое.

2 КАРЫНФЯНАЎ 1:4

Які суцяшае нас у кожным нашым горы, каб мы самі маглі суцяшаць тых, што ў якой-колечы бядзе, суцяшэннем, якім самі суцяшаемся ад Бога.

ЕЗЭКІІЛЯ 16:63

каб памятаць і саромецца, ды каб з-за свайго сораму не адкрываць больш вуснаў сваіх тады, калі прабачу табе ўсё, што ты зрабіла», — кажа Госпад Бог.

ЕЗЭКІІЛЯ 9:4

Госпад сказаў яму: «Прайдзі праз сярэдзіну горада, праз сярэдзіну Ерузаліма, і напішы “таў” на лбах мужчын, якія ўздыхаюць і бядуюць дзеля ўсіх агіднасцей, што ў ім адбываюцца».

2 КАРЫНФЯНАЎ 2:7

але лепш, каб вы такому даравалі ды суцешылі, каб празмерная згрызота яго не ахапіла.

ДЗЕІ 3:14

вы ж адракліся Святога і Справядлівага і прасілі даць вам забойцу,

ДАНІІЛА 4:17

Дрэва, якое ты ўбачыў, высокае і магутнае, вышыня якога даставала да неба, і што было бачным на ўсёй зямлі,

ІСАІ 6:1

У год, у якім памёр цар Озія, бачыў я Госпада, Які сядзеў на высокім і паднятым пасадзе, а фрэнзлі Яго шатаў запаўнялі святыню.

3 ЦАРСТВАЎ 8:27

Ці ж можна падумаць, што Бог сапраўды будзе прабываць на зямлі? Бо калі неба і нябёсы нябёсаў не могуць ахапіць Цябе, што ж тады гэты дом, які Я пабудаваў!

БЫЦЦЁ 21:33

Тады ўзняліся Абімэлех і Піколь, начальнік войска яго, і вярнуліся ў зямлю філістынцаў. А Абрагам пасадзіў лес у Бээр-Сэбе, і прызываў там імя Госпада, Бога Вечнага.

ВЫХАД 15:18

І будзе Госпад валадарыць на векі вечныя!

ПСАЛТЫР 138:7

Калі апынуся я ў вялікай бядзе, Ты ажывіш мяне; і супраць гневу непрыяцеляў маіх працягнеш руку Тваю, і збавіць мяне правіца Твая.

ВЫСЛОЎІ 16:19

Лепш скарыцца з пакорлівымі, чым здабычу дзяліць з фанабэрыстымі.

ІСАІ 33:5

Госпад над усімі, бо пражывае на вышынях, запоўніць Сіён законам і справядлівасцю.

ДАНІІЛА 2:11

Пытанне бо, якое ты, цар, ставіш, — цяжкае, і ніхто не зможа на яго адказаць цару, акрамя багоў, якія не прабываюць паміж людзей».

ЁІЛЯ 2:13

І раздзірайце сэрцы вашы, а не вопратку вашу, і павярніцеся да Госпада, Бога вашага, бо Ён ласкавы і міласэрны, цярплівы і шматлітасцівы, і спагадны ў нядолі».

МІХЕЯ 6:8

Сказана было табе, чалавеча, што добрае і што патрабуе ад цябе Госпад: каб ты чыніў справядлівасць, і любіў міласэрнасць, і з пакораю хадзіў з Богам сваім.

ЗАХАРЫІ 9:9

Цешся радасна, дачка Сіёна, гамані, дачка Ерузаліма. Вось, ідзе да цябе Валадар твой, Ён справядлівы і збаўца, ціхмяны, Які сядзіць на асліцы і на асляняці, сыне пад’ярэмнай.

ВЫХАД 15:13

У міласэрнасці Тваёй быў Ты правадыром для народа, які адкупіў, і праводзіў яго ў моцы Сваёй у Сваё святое жыллё.

ВЫХАД 40:34

І воблака накрыла скінію разам з палаткай сустрэчы, і слава Госпада напоўніла скінію.

ВЫХАД 40:35

І не мог Майсей увайсці ў палатку сустрэчы, бо спачывала на ёй воблака, і слава Госпада напоўніла скінію.

ЁВА 22:29

Бо Ён паніжае таго, хто гаворыць пыхліва, а хто апускае вочы, той будзе збаўлены.

ПСАЛТЫР 34:19

КОФ. Блізкі Госпад да тых, што спакутаваны сэрцам, і пакораных духам Ён уратуе.

ПСАЛТЫР 51:19

Ахвяра Богу — дух спакутаваны; сэрца стурбаванага і пакорлівага, Божа, Ты не адцураешся.

ІСАІ 18:4

Бо гэта сказаў Госпад мне: «Адпачну і назіраць буду з месца Свайго, як цяпло гарачае па з’яўленні святла ды як воблака роснае ў гарачае жніво.

ІСАІ 63:15

Глянь з неба і пабач з жытла святога Свайго ды славы Сваёй: дзе руплівая апека Твая і Твая магутнасць? Хваляванне нутра Твайго і ласкавасць Твая затрымаліся нада мной, прашу:

ПЛАЧ 3:41

Падымем сэрцы нашы разам з рукамі да Госпада ў неба.