ІСАІ 49:16 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁶ Вось, Я запісаў цябе на далонях Маіх, муры твае заўсёды перада Мною.

Біблія (пераклад А.Бокуна)

¹⁶ Вось, Я запісаў цябе на далонях Маіх, муры твае перада Мною заўсёды.

Біблія (пераклад В. Сёмухі)

¹⁶ Вось, Я накрэсьліў цябе на далонях Маіх; сьцены твае заўсёды перада Мною.

ІСАІ 49:16 Крыжаваныя спасылкі

ВЫХАД 13:9

І вось, гэта будзе табе як знак у руцэ тваёй і як напамін у вачах тваіх, каб закон Госпадаў быў заўсёды ў вуснах тваіх; бо рукою дужаю вывеў цябе Госпад з Егіпта.

ПЕСЬНЯ 8:6

Пакладзі мяне як пячатку на сэрцы тваім, як пячатку на плячы тваім, бо магутнае, як смерць, каханне, і няўмольная, як пекла, рэўнасць, паходні яе — як паходні агню і Боскага полымя.

ІСАІ 26:1

У той дзень у зямлі Юдэйскай будзе спявана гэта песня: «Горад магутны — нам на збаўленне; паставіў Ён муры і вал.

ІСАІ 54:12

зраблю ўмацаванні твае з рубінаў, а брамы твае — з каштоўных камянёў, а ўсю агароджу тваю — з самацветаў.

ІСАІ 60:18

Не пачуецца больш у тваім краі пра гвалт, пра спусташэнні і загубу — у тваіх межах; і назавеш муры твае збаўленнем, а брамы твае — хвалою.

ІСАІ 62:6

«На мурах тваіх, Ерузалім, паставіў Я варту, увесь дзень і ўсю ноч, ніколі маўчаць не будуць». Вы, што прыпамінаеце Госпада, не маўчыце,

ІСАІ 62:7

і яму не давайце супакою, пакуль не адновіць і не зробіць Ерузалім хвалою на зямлі.

ЕРАМІІ 17:1

Грэх Юды запісаны жалезным пяром, высечаны дыяментавым лязом на табліцы сэрцаў іх і на рагах ахвярнікаў іх,

ЕРАМІІ 22:24

Жыву Я, — кажа Госпад, — бо калі б Ёахін, сын Якіма, цар Юдэйскі, быў пярсцёнкам на Маёй правай руцэ, то і адтуль Я сарву яго;

АГЕЯ 2:23

У той дзень, — кажа Госпад Магуццяў, — вазьму цябе, слуга Мой Зарабабэлю, сыне Салаціэля, — кажа Госпад, — і зраблю з цябе як бы пячаць, бо выбраў цябе”, — кажа Госпад Магуццяў».