ІСАІ 40:22 - Кнігі Святога Пісання - Біблія - Біблія — пераклад Чарняўскага (выданне 2017 года)

²² Ён ёсць Той, Хто сядзіць над колам зямлі, і жыхары яе — як саранча перад Ім; хто расцягнуў, як парус, нябёсы, і раскінуў іх, як палатку для жытла?

Біблія (пераклад А.Бокуна)

²² Ён — Той, Які сядзіць па-над скляпеньнем зямлі, і жыхары ейныя — як саранча [перад Ім]; Ён расьцягнуў, як ветразь, нябёсы, і напяў іх як намёт, каб жыць у ім.

Біблія (пераклад В. Сёмухі)

²² Ён ёсьць Той, Які сядзіць над колам зямлі, і жыхары яе - як саранча перад Ім; Ён распрасьцёр нябёсы, як тонкую тканіну, і расхінуў іх, як намёт пад жытло.

ІСАІ 40:22 Крыжаваныя спасылкі

БЫЦЦЁ 1:6

Потым сказаў Бог: «Хай станецца цвярдыня сярод водаў і хай аддзеліць воды ад водаў».

ЁВА 22:14

Хмары — покрыва Яго, і не бачыць Ён нашых спраў, і ходзіць [толькі] па крузе нябесным”.

ЁВА 26:7

Ён расцягвае поўнач над пусткаю і павесіў зямлю на нічым.

ЁВА 36:29

Хто, сапраўды, можа зразумець разлегласць хмар, грымоты палаткі Яго?

ЁВА 37:18

Ты, можа, з Ім расцягнуў нябёсы, надзвычай цвёрдыя, быццам вылітыя з медзі?

ЁВА 9:8

Ён адзін расцягвае нябёсы і крочыць па хвалях марскіх.

ПСАЛТЫР 104:2

Адзеты ў святло, быццам у шаты, расцягваючы неба, як ветразі,

ПСАЛТЫР 18:11

І ўзняўся на херубіна, і паляцеў, нёсся на крылах вятроў.

ПСАЛТЫР 19:4

Няма моў і маўленняў, голас якіх не быў бы чуцён:

ПСАЛТЫР 2:4

Той, што жыве ў нябёсах, пасмяецца з іх, Госпад паздзекуецца з іх,

ПСАЛТЫР 29:10

Госпад трывае па-над патопам, і будзе сядзець Госпад як Валадар вечна.

ПСАЛТЫР 68:33

Валадарствы зямныя, спявайце Богу, грайце Госпаду, грайце Богу.

ВЫСЛОЎІ 8:27

Калі асноўваў нябёсы, я была там, калі цвёрдым законам і кругам абводзіў бездані,

ІСАІ 19:1

Прадказанне Егіпту. Вось, Госпад едзе на лёгкім воблаку і ўваходзіць у Егіпет; і задрыжаць ідалы егіпецкія перад абліччам Яго, і сэрца Егіпта самлее пасярод яго.

ІСАІ 37:16

«О Госпадзе Магуццяў, Божа Ізраэля, Які сядзіш над херубінамі, Ты — адзіны Бог над усімі валадарствамі зямлі; Ты стварыў неба і зямлю.

ІСАІ 40:15

Вось жа, народы — як кропля ў пасудзіне, і ўважаюцца як дробка парахна на шалях; і астравы — як пылінка малая.

ІСАІ 40:17

Усе народы перад Ім — як быццам іх няма; за нішто і за марнасць уважаюцца Ім.

ІСАІ 42:4

Не знеахвоціцца, ані заломіцца, пакуль не ўстановіць на зямлі закон, Яго закону чакаюць астравы».

ІСАІ 42:5

Вось што кажа Госпад Бог, Які стварыў нябёсы і распасцёр іх, умацаваў зямлю і тое, што вырастае з яе, даў подых [жыцця] людзям, якія жывуць на ёй, і дух тым, якія ходзяць па ёй:

ІСАІ 44:24

Гэта кажа Госпад, Адкупіцель твой і Творца твой ад улоння: «Я — Госпад, Які стварыў усё, распасцёр нябёсы адзін, расцягнуў зямлю; а хто са Мною?

ІСАІ 51:13

А забыўся ты на Госпада, Творцу свайго, Які распасцёр нябёсы і аснаваў зямлю; а ты ўсцяж баішся ўвесь дзень запальчывасці таго, хто цябе крыўдзіць, калі рыхтаваўся на загубу. Дзе ж тая цяпер запальчывасць крыўдзіцеля?

ІСАІ 66:1

Гэта кажа Госпад: «Неба — пасад Мой, а зямля — падножжа ног Маіх. Які ж дом пабудуеце Мне, — кажа Госпад, або якое месца для супачынку Майго?

ЕРАМІІ 10:12

Ён стварыў зямлю сілай моцы Сваёй, умацаваў сусвет мудрасцю Сваёй і розумам Сваім раскінуў нябёсы.

ЗАХАРЫІ 12:1

Прароцтва. Слова Госпада, што да Ізраэля і што да Юды. Прароцтва Госпада, Які распасцёр неба, і заснаваў зямлю, і дух чалавека ўдыхнуў у яго:

ЛІКІ 13:33

І гаварылі ліхія весткі пра зямлю, якую агледзелі, паміж сыноў Ізраэля, кажучы: «Зямля, якую мы агледзелі, пажырае жыхароў сваіх; народ, які мы бачылі, — высокага росту;