ІСАІ 33:6 - Кнігі Святога Пісання - Біблія - Біблія — пераклад Чарняўскага (выданне 2017 года)

⁶ І будзе трываласць у тваіх часах; багацце збаўлення — мудрасць і веды. Страх Божы ёсць найбольшы скарб Яго.

Біблія (пераклад А.Бокуна)

⁶ І будзе бясьпечны час твой, багацьцем збаўленьня [будзе] мудрасьць і веданьне. Страх ГОСПАДАЎ будзе скарбам ягоным.

Біблія (пераклад В. Сёмухі)

⁶ І настануць бясьпечныя часіны твае, надмернасьць ратунку, мудрасьці і веданьня; страх Гасподні будзе скарбам тваім.

ІСАІ 33:6 Крыжаваныя спасылкі

4 ЦАРСТВАЎ 18:7

таму Госпад быў з ім, і ва ўсім, што ён рабіў, меў поспех. Узбунтаваўся ён таксама супраць цара асірыйцаў і не служыў яму.

ЁВА 4:6

Страх твой перад Богам — хіба не надзея твая, дасканаласць шляхоў тваіх — хіба не спадзяванне тваё?

ПСАЛТЫР 140:7

Кажу Госпаду: Ты мой Бог, Госпадзе, выслухай голас малення майго.

ПСАЛТЫР 28:8

Госпад — цвярдыня народа Свайго і збавеннае прыбежышча намашчэнца Свайго.

ПСАЛТЫР 45:4

Прыперажы меч твой да паясніцы тваёй, о наймагутнейшы, — гонар твой і красу!

ВЫСЛОЎІ 14:24

Вянок мудрых — іх багацце, а неразумнасць бязглуздых — глупства.

ВЫСЛОЎІ 14:26

У шанаванні Госпада — цвёрдая ўпэўненасць, і сынам Яго будзе надзея.

ВЫСЛОЎІ 14:27

Шанаванне Госпада — крыніца жыцця, што ўхіляецца ад путаў смерці.

ВЫСЛОЎІ 15:16

Лепш трохі са страхам Госпада, чым вялікія скарбы — з трывогай.

ВЫСЛОЎІ 19:23

Страх Госпадаў вядзе да жыцця, і застанецца чалавек з дастаткам і без з’яўлення ліха.

ВЫСЛОЎІ 2:5

тады зразумееш страх Госпадаў і знойдзеш пазнанне Бога,

ВЫСЛОЎІ 28:2

Адыдзе ад закону зямля, тады многа кіраўнікоў у ёй, а пры разумным і мудрым чалавеку справядлівы лад працягнецца.

ВЫСЛОЎІ 29:4

Цар у справядлівасці ўзвышае дзяржаву; чалавек, што прымае падарункі, разбурыць яе.

ЭКЛЕЗІЯСТА 7:12

Бо як дапамагае мудрасць, так дапамагаюць грошы; але адукаванасць мае тую перавагу, што мудрасць дае жыццё свайму ўладальніку.

ЭКЛЕЗІЯСТА 7:19

Мудрасць робіць мудрага дужэйшым за дзесяць князёў горада.

ІСАІ 11:9

На ўсёй Маёй гары святой не будзе крыўды і забойстваў, бо зямля будзе перапоўнена веданнем Госпада, як воды перапаўняюць мора.

ІСАІ 26:1

У той дзень у зямлі Юдэйскай будзе спявана гэта песня: «Горад магутны — нам на збаўленне; паставіў Ён муры і вал.

ІСАІ 32:17

Вынікам справядлівасці будзе супакой, а плодам закону — цішыня, ды бяспека — у спакон вякоў.

ІСАІ 32:18

Ды жыць будзе народ Мой жыццём спакойным, і ў палатках надзейнасці, і ў месцах бяспекі.

ІСАІ 33:20

Глянь на Сіён, горад нашых святаў! Вочы твае аглядаць будуць Ерузалім, пасяленне бяспечнае, палатку, якую ніхто не зможа перанесці, яе слупы не будуць вынуты вечна, і ўсе вяроўкі яе не парвуцца.

ІСАІ 45:17

Ізраэль збаўлены збаўленнем вечным у Госпадзе; не будзеце засаромлены ды не пачырванееце аж на векі вечныя.

ІСАІ 51:14

Палонны будзе хутка вызвалены, і не памрэ ў яме, і нястачы хлеба не адчуе.

ІСАІ 51:6

Падыміце ўверх вочы свае і гляньце на зямлю зверху, бо нябёсы, як дым, разыдуцца, а зямля, як вопратка, сатрэцца, а жыхары яе загінуць, як і яна. Збаўленне ж Маё будзе вечным, а справядлівасць Мая не спыніцца.

ЕРАМІІ 31:34

І не будзе вучыць болей чалавек блізкага свайго і брат брата свайго, кажучы: “Спазнай Госпада”, бо ўсе ад найменшага з іх аж да найбольшага будуць ведаць Мяне, — кажа Госпад, — бо Я прабачу злачынствы ім і пра грахі іх не буду больш узгадваць».

АБАКУМА 2:14

Бо зямля перапоўніцца пазнаннем славы Госпада, як воды перапаўняюць мора.

МАЦЬВЕЯ 6:33

Дык шукайце ж перш Валадарства Божага і Яго справядлівасці, а ўсё іншае дадасца вам.

2 КАРЫНФЯНАЎ 6:10

як бы сумныя, але заўжды вясёлыя, быццам убогія, а ўсё ж узбагачаючыя многіх, як тыя, што нічога не маюць, а ўсім валодаюць.

1 ЦІМАФЕЯ 4:8

Бо цялесныя практыкаванні мала карысныя, пабожнасць жа да ўсяго прыдатная, маючы абяцанне жыцця цяперашняга і будучага.

1 ЦІМАФЕЯ 6:6

Але вялікім набыткам ёсць пабожнасць разам з задаволенасцю.