ІСАІ 26:9 - Кнігі Святога Пісання - Біблія - Біблія — пераклад Чарняўскага (выданне 2017 года)

⁹ Душа мая прагне Цябе ноччу, але духам маім шукаю Цябе ў сэрцы маім. Калі заяснеюць прысуды Твае на зямлі, вучыцца будуць справядлівасці жыхары свету.

Біблія (пераклад А.Бокуна)

⁹ Душа мая прагне Цябе ўначы, і дух мой у нутры маім шукае Цябе, бо калі суды Твае [адбываюцца] на зямлі, навучаюцца праведнасьці жыхары сусьвету.

Біблія (пераклад В. Сёмухі)

⁹ Душою маёю я парываўся да Цябе ўначы, і духам маім я буду шукаць Цябе ў нутробе маёй з раньняга рана: бо калі суды Твае адбываюцца на зямлі, тады тыя, што жывуць у сьвеце, вучацца праўдзе.

ІСАІ 26:9 Крыжаваныя спасылкі

МАЦЬВЕЯ 6:33

Дык шукайце ж перш Валадарства Божага і Яго справядлівасці, а ўсё іншае дадасца вам.

ПСАЛТЫР 119:62

Устаю апоўначы, дзякаваць Табе за прысуды справядлівасці Тваёй.

ПСАЛТЫР 63:1

Псальм Давідаў. Калі быў ён у пустыні Юдэйскай.

МАРКА 1:35

І досвіткам, вельмі рана ўстаўшы, выйшаў і падаўся ў пустыннае месца і там маліўся.

АДКРЫЦЦЁ 11:13

І ў той час пачаліся страшныя землятрусы, і дзесятая частка горада абрынулася, і загінула ад землятрусу сем тысяч імён чалавечых, а тыя, што засталіся, былі ахоплены жахам і аддалі славу Богу, Які ў небе.

ЛУКАША 6:12

І сталася ў тыя дні, пайшоў Ён на гару маліцца ды правёў усю ноч у малітве к Богу.

ІСАІ 55:6

Шукайце Госпада, пакуль можна знайсці, прызывайце Яго, пакуль блізка!

ВЫСЛОЎІ 8:17

Я люблю тых, хто любіць мяне; і тыя, хто зранку пільнуе мяне, знойдуць мяне.

ПСАЛТЫР 58:11

Весяліцца справядлівы, калі ўбачыць пакаранне, ён мые свае ногі ў крыві грэшніка.

АСІІ 5:15

Пайду і зноў вярнуся ў Сваё месца, аж адпакутуюць і будуць шукаць аблічча Майго, і будуць прагнуць Мяне ў бедах сваіх.

ІСАІ 27:9

Дзеля таго будзе адпушчана правіннасць Якуба, і гэта будзе поўны вынік адпушчэння граху яго, што ён менавіта аддасць усе камяні ахвярнікавыя на парасціранне, як камяні вапнавыя, каб не стаялі больш святыя гаі і ідалы.

ПСАЛТЫР 130:6

усклала надзею душа мая ў Госпадзе больш, чым вартаўнікі світання.

ПСАЛТЫР 64:9

І зрабіў Ён бяссільнымі языкі іх. Адвернуць галовы ўсе, хто ўбачыць іх.

ПСАЛТЫР 83:18

Хай пачырванеюць і збянтэжацца на векі вечныя, і пасаромеюцца, і загінуць,

ПСАЛТЫР 78:34

Калі забіваў Ён іх, пачыналі шукаць Яго і, навернутыя, прыходзілі да Яго на досвітку.

ПСАЛТЫР 63:5

У жыцці маім дабраслаўляю Цябе, у імя Тваё падымаю я рукі мае.

ПСАЛТЫР 105:7

Ён, Госпад Бог наш; па ўсёй зямлі суды Яго.

ПСАЛТЫР 119:55

І ноччу помню я імя Тваё, Госпадзе, і буду пільнавацца закону Твайго.

ІСАІ 50:10

Хто з вас баіцца Госпада, слухаючы голас паслугача Яго, хто ходзіць у цемры і няма яму святла — хай спадзяецца на імя Госпада і хай абапіраецца на Бога свайго.

ПЛАЧ 2:19

Паўстань, лямантуй уночы, на пачатку варты ранняй, вылівай, як ваду, сэрца сваё ў прысутнасці Госпада; падымай да Яго рукі свае, за душу дзетак тваіх, якія млелі ад голаду на рагу вуліц усіх.

ПЛАЧ 3:25

Добры ёсць Госпад для тых, хто спадзяецца на Яго, для душы, што шукае Яго.

ЕЗЭКІІЛЯ 5:15

і ты станеш ганьбай і пасмешышчам, перасцярогай і страхам для народаў, што цябе акружаюць, калі споўню Я суды на цябе ў абурэнні, і ў лютасці, і ў пакараннях гневу. Я, Госпад, сказаў гэта.

1 ЛЕТАПІСАЎ 16:14

Ён, Госпад, Бог наш, Яго прысуды на ўсёй зямлі.