ІСАІ 19:11 - Кнігі Святога Пісання - Біблія - Біблія — пераклад Чарняўскага (выданне 2017 года)

¹¹ Якія ж неразумныя князі танейскія! Мудрыя дараднікі фараона далі раду дурную, як жа скажаце фараону: “Я — сын мудрацоў, сын даўніх цароў?”»

Біблія (пераклад А.Бокуна)

¹¹ О, як здурнелі князі Цаану! Мудрыя даюць фараону раду недарэчную. Як вы [можаце] казаць фараону: «Я — сын мудрацоў, сын валадароў старадаўніх»?

Біблія (пераклад В. Сёмухі)

¹¹ Так! страцілі розум князі Цаанскія; рада мудрых дарадцаў фараонавых страціла глузд. Як скажаце вы фараону: «я сын мудрацоў, сын цароў старажытных?»

ІСАІ 19:11 Крыжаваныя спасылкі

3 ЦАРСТВАЎ 4:30

І Саламон мудрасцю сваёю перавышаў мудрасць усіх сыноў Усходу і егіпцян;

3 ЦАРСТВАЎ 5:10

Так Гірам дастаўляў Саламону кедравыя дрэвы і кіпарысы паводле кожнага жадання яго.

ЁВА 12:17

Ён выводзіць радцаў пазбаўленымі багацця, а суддзяў — спустошанымі.

ПСАЛТЫР 33:10

Госпад разбурае намеры паганаў, пустымі робіць задумы людзей.

ПСАЛТЫР 73:22

і я быў неразумны і нічога не ведаў: як жывёла, быў я перад Табою.

ПСАЛТЫР 78:12

Уваччу продкаў іх учыніў Ён цуды ў зямлі Егіпецкай, на полі танейскім.

ПСАЛТЫР 78:43

Калі падаў Ён у Егіпце знакі Свае і цуды Свае ў полі танейскім.

ПСАЛТЫР 92:6

Якія ж велічныя справы Твае, Госпадзе: надзвычай глыбокімі сталіся задумы Твае!

ВЫХАД 8:14

і сабралі іх у вялізныя кучы, і зямля засмярдзела.

ВЫХАД 8:4

і да цябе, і да народа твайго, і да ўсіх паслугачоў тваіх увойдуць жабы”».

ВЫСЛОЎІ 30:2

Вось, я найбольшы невук з людзей і мудрасці чалавечай няма ў мяне;

ІСАІ 19:13

Здурнелі князі танейскія, падмануты князі Мемфіса, ашукалі Егіпет кіраўнікі родаў яго.

ІСАІ 19:3

І змарнее дух Егіпта ўнутры яго, і зблытаю раду яго; і будуць яны задаваць пытанні балванам і чараўнікам, варажбітам і вешчунам.

ІСАІ 29:14

таму, вось, Я яшчэ раз учыню здзіўленне гэтаму народу — цудам вялікім і дзівосным: загублю мудрасць мудрых, і кемлівасць разумных знішчу».

ІСАІ 30:4

Бо хоць князі твае былі ў Танеі, а паслы твае дайшлі аж да Ханэса,

ІСАІ 44:25

Я той, што неістотнымі раблю знакі варажбітоў і выяўляю неразумнасць прадказальнікаў, назад адкідаю мудрых і мудрасць іх раблю марнай.

ЕРАМІІ 10:14

Неразумным стаўся кожны чалавек ды невучоным; пасаромлены кожны майстар ідалам, бо тое, што ён выліў, — фальшывае, і няма духу ў іх.

ЕРАМІІ 10:21

Бо неразумна паводзілі сябе пастыры і не шукалі Госпада, таму не пашанцавала ім, а ўвесь іх статак рассыпаўся.

ЕРАМІІ 46:17

Назавіце імя фараона, цара Егіпецкага: Гармідар, які прапусціў час адпаведны.

ЕРАМІІ 49:7

Адносна Эдома. Гэта кажа Госпад Магуццяў: «Ці ўжо больш няма мудрасці ў Тэмане? Хіба згінула рада ў разумных і непатрэбнай сталася мудрасць іх?

ЕРАМІІ 8:9

Мудрыя асаромлены, спалоханы і схоплены, бо адкінулі яны слова Госпада і няма ў іх ніякай мудрасці.

ЕЗЭКІІЛЯ 28:17

Надзьмулася сэрца тваё дзеля прыгажосці тваёй; згубіў ты мудрасць тваю дзеля бляску твайго: кінуў Я цябе на зямлю, на віду цароў выставіў цябе, каб бачылі цябе.

ЕЗЭКІІЛЯ 30:14

І спустошу зямлю Патрос, і пушчу агонь на Танею, і ўчыню суды над Но.

ЕЗЭКІІЛЯ 7:26

Бяда за бядою нахлыне, і чутка за чуткаю; і будуць вымагаць бачанне ад прарока, і загіне закон ад святара і рада ад старэйшын.

АЎДЗЕЯ 1:7

Аж да мяжы пагналі цябе, усе хаўруснікі твае ашукалі цябе, падманулі цябе сябры твае, і тыя, што ядуць хлеб твой, паставяць пастку супраць цябе: няма розуму ў яго.

АЎДЗЕЯ 1:8

«Ці ж не станецца ў той дзень, — кажа Госпад, — што Я выгублю мудрых у Эдоме і разумных на гары Эзава?

ЛІКІ 13:22

І калі яны пайшлі, то разведалі зямлю ад пустыні Сін па Рагоб паблізу Эмата.

ДЗЕІ 7:22

І быў Майсей навучаны ўсёй мудрасці егіпецкай, ды быў магутны ў словах і ўчынках сваіх.