ЁВА 9:4 - Кнігі Святога Пісання - Біблія - Біблія — пераклад Чарняўскага (выданне 2017 года)

⁴ Ён мудры сэрцам і магутны сілаю; хто супрацівіўся Яму і застаўся цэлым?

Біблія (пераклад А.Бокуна)

⁴ Ён — мудры розумам і магутны сілаю. Хто супрацівіцца Яму і застанецца цэлым?

Біблія (пераклад В. Сёмухі)

⁴ Мудры сэрцам і магутны сілаю; хто паўставаў супроць Яго і заставаўся ў спакоі?

ЁВА 9:4 Крыжаваныя спасылкі

2 ЛЕТАПІСАЎ 13:12

Такім чынам, у нашым войску Бог правадыр і Яго святары, якія трубяць у трубы і адклікаюцца да вас, сыны Ізраэля; не ваюйце супраць Госпада, Бога бацькоў вашых, бо гэта не карысна вам».

2 ЛЕТАПІСАЎ 20:6

то маліўся: «Госпадзе, Божа бацькоў нашых, Ты Бог у небе і валадарыш над усімі царствамі паганскімі; у руцэ Тваёй моц і магутнасць, і ніхто не можа Табе супрацівіцца.

ЁВА 11:6

каб паказаў Ён табе таямніцы мудрасці і патаемныя рады Яго, — ты б зразумеў, што многа менш Ён патрабуе ад цябе, чым заслугоўвае правіннасць твая.

ЁВА 12:13

У Яго ёсць мудрасць і сіла, Ён мае раду і разуменне.

ЁВА 15:13

Што ты кіруеш супраць Бога дух твой і прамаўляеш з вуснаў тваіх такія словы?

ЁВА 23:6

Ці ж з вялікім запалам будзе Ён спрачацца са мною? Не! Ён будзе толькі слухаць!

ЁВА 24:22

Ён здужвае сілай сваёю магутных, і калі ён падымецца, то не будзе верыць жыццю свайму.

ЁВА 25:2

«Улада і страх у Яго, Які чыніць супакой на вышынях Сваіх!

ЁВА 28:23

Бог ведае дарогу яе, і Ён ведае месца яе.

ЁВА 36:5

Не дасць Бог магутны і не адкідае Магутны моцаю сэрца,

ЁВА 37:23

Спасцігнуць Усемагутнага мы не можам: Ён магутны ў сіле; і ўсё ж такі і суд, і вялікую справядлівасць не прыціскае.

ЁВА 38:36

Хто ўклаў у нутро ібіса мудрасць, і хто пеўню даў розум?

ЁВА 38:37

Хто з мудрасцю размяркуе хмары, і хто зрушыць бурдзюкі нябесныя,

ЁВА 40:9

Тады Я прызнаю, што правая рука твая можа збавіць цябе.

ЁВА 41:2

Няма такіх смелых, каб патрывожыць яго, дык хто тады можа ўстаяць перад абліччам Маім?

ЁВА 6:10

Хай гэта будзе мне суцяшэннем, і я ўзрадуюся нават у няшчасці, хай яно нават не скончыцца, і не ўхілюся я ад слоў Святога.

ЁВА 9:19

Калі спытаць пра сілу — Ён магутнейшы; калі пра суд — хто ж асудзіў бы Яго?

ПСАЛТЫР 104:24

Як шмат створана Табой, Госпадзе! Усё з мудрасцю ўтварыў Ты, поўная зямля створанага Табой.

ПСАЛТЫР 136:5

Ён стварыў нябёсы прамудра, бо Яго міласэрнасць вечная

ВЫХАД 15:7

І ў мностве славы Тваёй знішчыў Ты супраціўнікаў Тваіх; і даў Ты волю гневу Свайму, які праглынуў іх, як салому.

ВЫХАД 9:7

І паслаў фараон выведаць; і нічога не прапала з таго, чым валодаў Ізраэль. Аднак сэрца фараона зацвярдзела, і не адпусціў ён народ.

ВЫСЛОЎІ 28:14

Шчасны чалавек, які мае страх [Божы], а хто сэрца сваё зацвярджае — трапіць у бяду.

ВЫСЛОЎІ 29:1

Чалавек, які з цвёрдай шыяй пагарджае абвінавачваннямі, — раптам будзе знішчаны, і без вылячэння.

ІСАІ 45:9

Гора таму, хто працівіцца свайму Творцу, чарапок сярод гліняных гаршкоў зямлі! Ці ж скажа гліна ганчару свайму: “Што робіш?” або: “Твая работа бязрукая”?

ЕРАМІІ 50:24

«Наставіў Я на цябе сіло і схапіў цябе, Бабілон, а ты не ведаў. І знайшлі цябе і схапілі, бо ты правакаваў Госпада.

ДАНІІЛА 2:20

«Хай будзе дабраславёна імя Бога ва ўсе векі вечныя, бо мудрасць і ўсемагутнасць ёсць у Яго;

НАВУМА 1:3

Госпад цярплівы і магутны моцаю, Госпад не пакіне нікога без пакарання. Праз буру і віхуру шлях Яго, і хмары — пыл ног Яго.

РЫМЛЯНАЎ 11:33

О глыбіня багацця, і мудрасці, і ведання Божага! Як недаследныя суды Яго і недаследныя шляхі Яго!

1 КАРЫНФЯНАЎ 10:22

Ці ж нам раздражняць Госпада? Ці ж мы дужэйшыя за Яго?

ЭФЭСЯНАЎ 1:19

і якая бязмерная веліч магутнасці Яго ў нас, веруючых праз дзеянне магутнасці сілы Яго,

ЭФЭСЯНАЎ 1:8

якую выліў Ён на нас шчодра ва ўсякай мудрасці і разуменні,

ЭФЭСЯНАЎ 3:10

каб цяпер сталася вядомай начальствам і ўладам нябесным праз Царкву разнастайная мудрасць Бога

ЭФЭСЯНАЎ 3:20

А Таму, Які можа многа больш зрабіць, чым усё, што мы просім або разумеем, магутнасцю, якая дзейнічае ў нас,