ЁВА 8:3 - Кнігі Святога Пісання - Біблія - Біблія — пераклад Чарняўскага (выданне 2017 года)

³ Ці ж Бог скажае прысуд або Усемагутны перакручвае тое, што справядліва?

Біблія (пераклад А.Бокуна)

³ Ці ж Бог перакручвае суд? Ці Усемагутны перакручвае праведнасьць?

Біблія (пераклад В. Сёмухі)

³ Няўжо Бог скажае суд, і Ўсеўладны ператварае праўду!

ЁВА 8:3 Крыжаваныя спасылкі

2 ЛЕТАПІСАЎ 19:7

Хай будзе страх Госпадаў з вамі і разважна ўсё рабіце; бо няма ў Госпада, Бога нашага, нясправядлівасці, ані ўвагі на асобы, ані хцівасці да падарункаў».

ДРУГІ ЗАКОН 32:4

Ён — скала, і дасканалыя творы Яго, бо ўсе шляхі Яго — справядлівасць. Бог верны, і няма ў Ім ніякай няпраўды, Ён справядлівы і праўдзівы.

БЫЦЦЁ 18:25

Не рабі гэткім чынам, каб загубіў Ты справядлівага ды з бязбожным, каб справядліваму было таксама, як і бязбожнаму! Не рабі! Ці ж суддзя ўсёй зямлі ўчыніць несправядлівасць?»

ДАНІІЛА 9:14

Дык рашыўся Госпад на пакаранне і ўзвёў яго на нас, бо Госпад, наш Бог, ёсць справядлівы ва ўсіх Сваіх дзеяннях, якія Ён зрабіў, мы бо не паслухалі голасу Яго.

АДКРЫЦЦЁ 16:7

І пачуў я голас іншы з ахвярніка, які казаў: «Сапраўды праўдзівыя і справядлівыя прысуды Твае, Госпадзе, Божа Усемагутны».

АДКРЫЦЦЁ 15:3

І спявалі яны песню Майсея, паслугача Божага, і песню Ягняці, кажучы: «Вялікія і цудоўныя дзеянні Твае, Госпадзе, Божа Усемагутны; справядлівыя і праўдзівыя шляхі Твае, Валадару народаў!

РЫМЛЯНАЎ 2:5

Дзеля закамянеласці тваёй і ненавернутага сэрца рыхтуеш сабе гнеў на дзень гневу і аб’явы справядлівага суда Бога,

ЕЗЭКІІЛЯ 33:20

І вы кажаце: “Несправядлівая дарога Госпада”. Я буду судзіць кожнага з вас, дом Ізраэля, паводле ўчынкаў яго».

ЕЗЭКІІЛЯ 33:17

І кажуць твае землякі: “Несправядлівая дарога Госпада”, і іх дарога несправядлівая.

ЕЗЭКІІЛЯ 18:25

І вы кажаце: “Несправядлівая дарога Госпада”. Дык слухайце, дом Ізраэля! Ці ж Мая дарога не ёсць справядлівая, і ці не болей вашы дарогі ёсць несправядлівыя?

ПСАЛТЫР 99:4

Валадар Магутны любіць суд. Ты ўстанавіў тое, што справядлівае, суд і законнасць учыніў Ты праз Якуба.

ПСАЛТЫР 89:14

Ты маеш моцнае плячо, моцная Твая правіца ўзнята.

ЁВА 40:8

Схавай іх разам у пыле і твары іх закрый цемраю.

ЁВА 40:2

«Як мужчына, падпаяшы сцёгны свае. Я буду ў цябе пытацца, а ты тлумач Мне.

ЁВА 35:13

Канешне, марна: не пачуе Бог і не ўбачыць Усемагутны.

ЁВА 34:5

Ёў вось сказаў: “Я справядлівы, а Бог пазбавіў мяне суда.

ЁВА 21:20

Убачаць вочы яго пагібель сваю, і нап’ецца ён гневу Усемагутнага.

ЁВА 21:15

Хто такі Усемагутны, каб мы служылі Яму, і што нам за карысць, калі б мы памаліліся Яму?”

ЁВА 19:7

Бо калі я крычу: “Гвалт цярплю я!”, мяне не чуюць; калі ўзношу голас, няма Таго, Хто б судзіў.

ЁВА 10:3

Ці добрым Табе здаецца тое, каб прыгнятаць і ганьбіць мяне, стварэнне рук Тваіх, а радзе бязбожнікаў спрыяць?

ЁВА 9:2

«Сапраўды, ведаю, што так ёсць, ды як апраўдаецца чалавек, перад Богам?

ЁВА 4:17

“Ці можа чалавек быць справядлівейшым за Бога, або ці будзе муж чысцейшым за свайго Творцу?

ЁВА 36:3

Паўтару навуку маю здалёк і Творцу майму аддам справядлівасць.

ЁВА 36:23

Хто зможа прасачыць дарогі Яго, або хто можа Яму сказаць: “Ты ўчыніў несправядлівасць”?

ЁВА 37:23

Спасцігнуць Усемагутнага мы не можам: Ён магутны ў сіле; і ўсё ж такі і суд, і вялікую справядлівасць не прыціскае.

ЁВА 19:6

дык, прынамсі, цяпер зразумейце, што Бог пакараў мяне неадпаведным судом і сеццю Сваёй аблытаў мяне.