ЁВА 8:22 - Кнігі Святога Пісання - Біблія - Біблія — пераклад Чарняўскага (выданне 2017 года)

²² Тыя, што ненавідзяць цябе, агорнуцца сорамам, і не выстаіць палатка бязбожных».

Біблія (пераклад А.Бокуна)

²² Тыя, што ненавідзяць цябе, асаромяцца, і не ўстаіць намёт бязбожных».

Біблія (пераклад В. Сёмухі)

²² Ненавісьнікі твае апрануцца ў сорам, і намёту бязбожных ня стане.

ЁВА 8:22 Крыжаваныя спасылкі

ЁВА 15:34

Бо сям’я бязбожніка няплодная, і агонь паглыне палаткі тых, якія ахвотна хабар прымаюць.

ЁВА 18:14

Выдаляецца надзея яго з палаткі яго, і Ты штурхаеш яго да цара жахаў.

ЁВА 21:28

Бо вы кажаце: “Дзе дом князя, а дзе палаткі бязбожнікаў?”

ЁВА 36:6

не дасць Ён жыць бязбожніку, але чыніць суд для бедных.

ЁВА 4:21

Ці не выдаляецца ад іх і маёмасць іх, што засталася? Яны памруць, ды не з мудрасцю”.

ЁВА 7:21

Чаму ж Ты не адпускаеш граху майго і чаму не здымаеш правіннасці маёй? Вось, цяпер я засну ў парахне; і калі назаўтра будзеш шукаць мяне, то не будзе мяне!»

ЁВА 8:15

Абапрэцца ён на дом свой, але той не ўстаіць, падапрэ яго, але ён не ўздымецца.

ЁВА 8:18

Калі выкараняць яго з месца яго, яно адмовіцца ад яго і скажа: “Не ведаю цябе”.

ЁВА 9:1

І сказаў Ёў у адказ:

ПСАЛТЫР 109:29

Тыя, што шкодзяць мне, хай пакрыюцца ганьбай ды хай ахінуцца сорамам, быццам плашчом.

ПСАЛТЫР 132:18

Непрыяцеляў яго пакрыю сорамам, а над ім будзе зіхацець вянец яго».

ПСАЛТЫР 35:26

Хай пачырванеюць і збянтэжацца ўсе разам тыя, што цешацца з няшчасцяў маіх. Хай апрануцца ў сорам і ганьбу тыя, што шмат нагаворваюць на мяне.

ВЫСЛОЎІ 14:11

Дом бязбожнікаў разваліцца, а хорамы справядлівых будуць расці.

ЕЗЭКІІЛЯ 26:16

І ўсе князі мора сыдуць з пасадаў сваіх, і скінуць плашчы свае, здымуць шаты свае разнастайныя і апрануцца ў страх, сядуць на зямлі і, ашаломленыя, будуць дрыжаць без перапынку і трэсціся будуць з-за цябе.

ЕЗЭКІІЛЯ 7:27

Цар будзе хадзіць у жалобе, і князь перапоўніцца страхам, і рукі народа гэтай зямлі будуць дрыжаць. Я зраблю ім паводле іх шляхоў і паводле іх судоў судзіць іх буду, і даведаюцца, што Я — Госпад”».

ЗАХАРЫІ 5:4

«Выводжу яго, — кажа Госпад Магуццяў, — і прыйдзе ў дом злодзея і ў дом клятвапарушальніка ў імя Маё лжыва, і пабудзе ў доме яго, і знішчыць дом, і дрэвы яго, ды камяні яго».

1 ПЯТРА 5:5

Таксама і вы, юнакі, будзьце паслухмяныя старэйшым. Усе ўзаемна, падпарадкоўваючыся адзін аднаму, апраніцеся ў пакору, бо Бог пыхлівым супрацівіцца, а пакорлівым ласку дае.