ЁВА 7:11 - Кнігі Святога Пісання - Біблія - Біблія — пераклад Чарняўскага (выданне 2017 года)

¹¹ Таму і я не буду шкадаваць вуснаў маіх, буду прамаўляць у трывозе духу майго, буду гаварыць з горыччу душы маёй.

Біблія (пераклад А.Бокуна)

¹¹ Таму не шкадую я вуснаў маіх, і буду гаварыць у трывозе духа майго, буду жаліцца ў горычы душы маёй.

Біблія (пераклад В. Сёмухі)

¹¹ Ня буду ж я стрымліваць вуснаў маіх; буду гаварыць у сьцісласьці духу майго; буду скардзіцца ў бядоце душы маёй.

ЁВА 7:11 Крыжаваныя спасылкі

БЫЦЦЁ 42:21

і гаварылі паміж сабою: «Заслужана гэта церпім, бо правініліся мы адносна брата нашага. Бачылі мы гора душы яго, як прасіўся ў нас, а мы не выслухалі. Таму і на нас прыйшла гэтая бяда».

ЁВА 10:1

Абцяжарвае душу маю жыццё маё, распачну я прамову маю супраць сябе і буду гаварыць у горычы душы маёй!

ЁВА 10:15

Гора мне, калі я буду бязбожным, але хоць бы і быў справядлівы, дык і тады не падыму галавы, накормлены пакутамі і няшчасцем.

ЁВА 13:13

Памаўчыце крыху, каб я гаварыў, і хай што-колечы на мяне прыйдзе.

ЁВА 16:6

Калі гаварыць буду, не суцішыцца боль мой; і калі замаўчу, не адыдзе ён ад мяне;

ЁВА 21:25

А іншы памірае ў горычы душы, без аніякага набытку;

ЁВА 23:2

«І сёння з горыччу жальба мая, бо рука Яго ўзнеслася цяжарам над стогнам маім.

ЁВА 36:21

Сцеражыся, каб не звярнуўся да злачынства, бо праз яго спазнаеш ты гора.

ЁВА 6:26

Вы будуеце прамову толькі дзеля наракання, але словы вашыя безнадзейныя — на вецер.

ЁВА 9:27

Калі скажу я: “Забудуся пра смутак свой, змяню аблічча сваё і стану я вясёлы”,

ПСАЛТЫР 39:3

Я знямеў у маўчанні і не гаварыў нават пра дабро, і пакута мая аднавілася.

ПСАЛТЫР 40:9

Захацеў я, Божа мой, выканаць волю Тваю; і закон Твой — у сэрцы маім».

ІСАІ 38:15

Што скажу я, або што Ён мне адкажа? Ён гэта ўчыніў! Буду гэтак ісці праз усе гады мае ў горычы душы маёй.

ІСАІ 38:17

Вось жа, на супакой замянілася горыч мая. Ты вось вырваў душу маю з ямы загубы, кінуў за спіну Сваю ўсе грахі мае.

ЛУКАША 22:44

І стаўся пот Яго, як кроплі крыві, што сцякае на зямлю.

2 КАРЫНФЯНАЎ 2:4

Бо з вялікім жалем і тугою сэрца ды са слязамі пісаў я вам не дзеля таго, каб засмуціць вас, але каб вы адчулі, якую вялікую любоў маю я, асабліва ж да вас.

1 ЦАРСТВАЎ 1:10

Паколькі Ганна была сумная душою, яна малілася Госпаду, горка плачучы,