ЁВА 39:27 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁷ Ці па тваім загадзе падымецца арол і на недасяжных месцах будзе ладзіць гняздо сваё?

Біблія (пераклад А.Бокуна)

²⁷ Ці паводле загаду твайго падымаецца арол, і на вышынях робіць гняздо сваё?

Біблія (пераклад В. Сёмухі)

²⁷ Ці па тваім слове ўзносіцца арол і кладзе на вышыні гняздо сваё?

ЁВА 39:27 Крыжаваныя спасылкі

ЁВА 39:26

Ці па тваёй мудрасці лётае ястраб і накіроўвае крылы свае на поўдзень?

ЁВА 39:28

Ён жыве на скалах і начуе на скрытых камянях і на непрыступных скалах.

ПСАЛТЫР 103:5

Ён напаўняе дабротамі пры жыцці цябе, аднаўляецца, як у арла, маладосць твая.

ВЫХАД 19:4

“Вы самі бачылі, што Я зрабіў егіпцянам, як панёс вас, як на крылах арліных, і прынёс вас да Сябе.

ВЫСЛОЎІ 23:5

Калі павернеш вочы свае да багацця — яго ўжо няма, бо крылы сабе прыправіць; бо зробіць яно сабе крылы, як у арла, і паляціць у неба.

ВЫСЛОЎІ 30:19

дарогу арла па небе, дарогу змяі па скале, дарогу карабля ў сярэдзіне мора, дарогу мужчыны да маладзенькай дзяўчыны.

ІСАІ 40:31

Тыя ж, што даверыліся Госпаду, адновяць сілу, атрымаюць, як арлы, крылы, пабягуць і не стомяцца, пойдуць і не саслабеюць.

ЕРАМІІ 49:16

Падманула цябе фанабэрыя твая, і пыхлівасць сэрца твайго, цябе, што жывеш у пячорах скальных і трымаешся высокіх узгоркаў. Калі б ты высока звіў гняздо сабе, як арол, Я і адтуль сцягну цябе, — кажа Госпад. —

АСІІ 8:1

Вазьмі трубу ў вусны свае! Хай як арол — па-над домам Госпада дзеля таго, што пераступілі прымірэнне Маё і спракудзіліся супраць закону Майго.

ЛЯВІТ 11:13

Гэта тыя з птушак, якіх не павінны вы есці і якіх трэба высцерагацца: арла, грыфа і марскога арла,

АЎДЗЕЯ 1:4

Калі б ты падняўся, як арол, і калі б між зорак зрабіў сабе гняздо, дык і адтуль спіхнуў бы Я цябе», — кажа Госпад».