ЁВА 39:11 - Кнігі Святога Пісання - Біблія - Біблія — пераклад Чарняўскага (выданне 2017 года)

¹¹ Ці ты паверыш у вялікую сілу яго і даручыш яму работу сваю?

Біблія (пераклад А.Бокуна)

¹¹ Ці ты паверыш у вялікую сілу ягоную, і даручыш яму працу тваю?

Біблія (пераклад В. Сёмухі)

¹¹ Ці паспадзяваешся на яго, таму што ў яго вялікая сіла, і ці дасі яму працу тваю?

ЁВА 39:11 Крыжаваныя спасылкі

БЫЦЦЁ 1:26

Дык сказаў Бог: «Учыньма чалавека на вобраз і падобнасць Нашу; і хай валадараць яны над рыбамі марскімі і птушкамі паднебнымі, і звярамі, і над усёй зямлёй і над усякім паўзуном, які рухаецца па зямлі».

БЫЦЦЁ 1:28

І дабраславіў іх Бог, і сказаў ім Бог: «Расціце і размнажайцеся, і запаўняйце зямлю, і падпарадкоўвайце яе сабе, і валадарце над рыбамі марскімі і птушкамі паднебнымі, ды ўсім жывым, што рухаецца па зямлі».

БЫЦЦЁ 42:26

І яны, усклаўшы збожжа на аслоў сваіх, падаліся ў дарогу.

БЫЦЦЁ 9:2

Хай усе жывёлы, звяры зямныя і ўсе птушкі паднебныя з усімі тымі, што рухаюцца па зямлі, баяцца вас і дрыжаць перад вамі; усе рыбы марскія аддадзены ў рукі вашы.

ЁВА 39:10

Ці можаш прывязаць дзікага быка вяроўкаю сваёй дзеля ўзорвання або ці стане ён рассякаць глебу лагчын за табою?

ЁВА 39:12

Ці паверыш яму, што ён вернецца і збярэ зерне тваё на ток?

ПСАЛТЫР 144:14

валы нашы тлустыя. Няма абрушаных агароджаў і праходаў, няма голасу на вуліцах нашых.

ПСАЛТЫР 147:10

Не захапляе Яго сіла каня, ані сіла ног чалавечых.

ПСАЛТЫР 20:7

Цяпер спазнаў я, што ўратаваў Госпад намашчэнца Свайго: выслухаў яго з неба Свайго святога сіламі выратавання правіцы Яго.

ВЫСЛОЎІ 14:4

Дзе няма быкоў, там стойла пустое; і шмат выгод — у моцы быка.

ІСАІ 30:16

аднак сказалі: «Ніякім чынам, але на конях уцячом», — дык уцячыце; ды: «На хуткіх памчымся», — таму будуць хуткія і тыя, што за вамі пагоняцца.

ІСАІ 30:6

Прысуд на жывёлу Нагэбу. Праз зямлю гора і прыгнёту, ільвіцы і рыкаючага льва, гадзіны ды лятучага дракона — нясуць на плячах жывёлін багацці свае ды на хрыбтах вярблюдаў скарбы свае да народа, які ім ніяк не зможа быць карысны.

ІСАІ 46:1

Упаў Бэл, сагнуўся Нэба; ідалы іх — на звярах і жывёле. Статуі вашы сталі цяжкай ношаю для змучаных.

ЛІКІ 23:22

Бог вывеў яго з Егіпта. Ён для іх — як рогі буйвала.