ЁВА 31:4 - Кнігі Святога Пісання - Біблія - Біблія — пераклад Чарняўскага (выданне 2017 года)

⁴ Ці ж Ён не бачыў шляхоў маіх і не лічыў усе крокі мае,

Біблія (пераклад А.Бокуна)

⁴ Ці ж Ён ня бачыць шляхоў маіх і ня лічыць усе крокі мае?

Біблія (пераклад В. Сёмухі)

⁴ Ці ж ня бачыў Ён шляхоў маіх і ці ня лічыў усіх маіх крокаў?

ЁВА 31:4 Крыжаваныя спасылкі

БЫЦЦЁ 16:13

І назвала імя Госпада, Які прамаўляў да яе: «Ты Бог, Які бачыш мяне». І сказала яна: «Напэўна, бачыла я з плячэй Таго, Хто бачыць мяне».

2 ЛЕТАПІСАЎ 16:9

Вочы бо Госпадавы сочаць за ўсёю зямлёю, і даюць мужнасць тым, хто шчырым сэрцам верыць у Яго. Дык неразумна паступаў ты ў гэтым, бо ад цяперашняга часу пачнуцца войны супраць цябе».

ЁВА 11:11

Бо Ён ведае марнасць чалавечую; і няўжо ж не заўважае правіннасць, бачачы яе?

ЁВА 14:16

Ты пералічыў бы нават крокі мае, але будзеш ласкавы адносна грахоў маіх.

ЁВА 23:10

А Ён ведае дарогу маю, і калі выпрабуе мяне, я выйду [чысты], як золата.

ЁВА 24:23

Але Бог даў яму месца бяспечнае, на якое ён абапёрся, але вочы Яго на шляхах яго.

ЁВА 28:24

Ён бачыць ускрайкі зямлі і заўважае ўсё, што пад небам.

ЁВА 31:37

Я паведамлю яму лік крокаў маіх і пайду да яго, як да князя.

ЁВА 34:21

Бо вочы Яго — над дарогамі людзей, і Ён бачыць усе крокі іх.

ЁВА 36:7

Не адверне Ён ад справядлівага вачэй сваіх і цароў на пасадзе размяшчае на векі, і яны ўзвышаюцца.

ПСАЛТЫР 44:21

Калі б мы забыліся імя Бога нашага і калі б працягнулі рукі да боства чужога,

ВЫСЛОЎІ 15:3

Ва ўсялякім месцы вочы Госпада. Яны бачаць ліхіх і добрых.

ВЫСЛОЎІ 5:21

Бо перад Госпадам — дарогі чалавека і Ён бачыць крокі яго.

ЕРАМІІ 16:17

Бо вочы Мае — на ўсіх шляхах іх: яны не схаваліся ад Мяне, і не ўтоена ліхота іх ад вачэй Маіх.

ЕРАМІІ 32:19

Вялікі ў рашэннях і магутны ў справах, вочы Твае адкрыты на ўсе шляхі сыноў Адама, каб аддаць кожнаму паводле шляхоў яго і паводле пладоў учынкаў яго.

ДАНІІЛА 5:23

але падняўся ты супраць Госпада Неба, і прынесены былі да цябе пасудзіны Яго дома, і ты, і твае магнаты, і твае жонкі ды твае наложніцы пілі з іх віно; усхваліў ты таксама багоў срэбраных і залатых, і медных, жалезных, і драўляных, і каменных, якія ані бачаць, ані чуюць, ані разумеюць; Бога ж, Які валодае ў руцэ Сваёй тваім дыханнем і ўсімі дарогамі тваімі, — не ўшанаваў.

ЯНА 1:48

Натанаэль кажа Яму: «А скуль жа мяне ведаеш?» Адказваючы, сказаў яму Ісус: «Я бачыў цябе перш, чым пазваў цябе Піліп, калі ты быў пад фігавым дрэвам».

ГАБРЭЯЎ 4:13

І няма тварэння, схаванага ад Яго, усё вачам Яго аголена і адкрыта, і мы перад Ім адкажам.