ЁВА 24:20 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁰ Хай забудзецца пра яго ўлонне маці, хай станецца ён асалодай чарвям, хай не застаецца аб ім успаміну, але, як дрэва, хай зломіцца злачыннасць.

Біблія (пераклад А.Бокуна)

²⁰ Няхай забудзецца пра яго ўлоньне [маці], і няхай смакуюць цела ягонае чэрві, няхай не застаецца памяці пра яго, але як дрэва няхай зломіцца беззаконьнік.

Біблія (пераклад В. Сёмухі)

²⁰ Няхай забудзе яго нутроба матчыная; няхай ласуецца ім чарвяк; няхай не захаваецца пра яго памяць; як дрэва, няхай зломіцца беззаконьнік,

ЁВА 24:20 Крыжаваныя спасылкі

ВЫСЛОЎІ 10:7

Памяць справядлівага будзе ў дабраславенні, а імя бязбожнікаў сатлее.

ДАНІІЛА 4:14

Па рашэнні Вартуючых такі ёсць дэкрэт, і справа вырашана Святымі, каб жывучыя ведалі, што Узвышні ёсць Валадар над людскім царствам, і можа яго даць, каму захоча, і можа паставіць над ім самага ўпакоранага з людзей”.

МАЦЬВЕЯ 3:10

Бо ўжо сякера прыстаўлена да кораня дрэў; а кожнае дрэва, якое не дае добрага плода, высякаецца і кідаецца ў агонь.

ІСАІ 26:14

Памерлыя не ажывуць, пахаваныя не ўваскрэснуць. Таму наведаў Ты іх, і знішчыў, і сцёр усякі ўспамін пра іх.

ЭКЛЕЗІЯСТА 8:10

І так я ўбачыў, як хавалі бязбожнікаў, як сыходзілі са святога месца; як забываліся пра іх у горадзе, што яны так чынілі: але і гэта — марнасць.

ЁВА 19:26

і пасля таго, як сцягнуць з мяне гэтую скуру, з цела свайго ўбачу я Бога.

ЁВА 17:14

Сказаў я гнілізне: “Ты — бацька мой!”, “Маці мая і сястра мая!” — чарвям.

ЁВА 3:13

Цяпер вось маўчаў бы я ў супакоі і адпачываў бы ўва сне сваім

ЁВА 19:10

Ён зруйнаваў мяне з усіх бакоў, і я гіну, і зваліў Ён, як дрэва, спадзяванне маё.

ЁВА 21:26

ды аднак разам будуць яны спаць у парахне, і абодвух апануюць чэрві.

ПСАЛТЫР 34:16

АЙН. бо вочы Госпада — да справядлівых, і вушы Яго — да просьбаў іх.

ІСАІ 49:15

Ці ж можа забыцца жанчына пра дзіця сваё, каб не пашкадавала дзіцяці ўлоння свайго? Ды каб нават яна забылася, Я не забудуся пра цябе!