ЁВА 15:31 - Кнігі Святога Пісання - Біблія - Біблія — пераклад Чарняўскага (выданне 2017 года)

³¹ Хай не верыць марнасці ўведзены ў аблуду, бо марнасць будзе яго ўзнагародай.

Біблія (пераклад А.Бокуна)

³¹ Няхай ня верыць марнасьці ашуканы, бо марнасьць будзе ўзнагародай ягонай.

Біблія (пераклад В. Сёмухі)

³¹ Хай не давярае марнасьці аблудны, бо марнасьць будзе і платай яму.

ЁВА 15:31 Крыжаваныя спасылкі

ІСАІ 59:4

Няма нікога, хто б заклікаў да справядлівасці, няма нікога, хто б судзіў праўдзіва. Ні на што не абапіраюцца і гавораць марна, і нараджаюць злачынства, і плодзяць ліхоту.

ПСАЛТЫР 62:10

Сапраўды, марнасць — сыны Адамавы, мана — сыны чалавечыя. Калі на шалях яны ўздымаюцца, то ўсе — лягчэйшыя за дым.

ЭФЭСЯНАЎ 5:6

Хай ніхто вас не зводзіць пустымі словамі, бо за гэта прыйшоў гнеў Божы на сыноў непакорлівасці.

ГАЛЯТАЎ 6:3

Бо калі хто думае, што ён штосьці, хоць ён нішто, той самога сябе ашуквае.

ЁНЫ 2:8

Калі зняможаная была душа ўва мне, успомніў я Госпада, і паплыла да Цябе малітва мая, у святыню Тваю святую.

АСІІ 8:7

Раз вецер будуць сеяць, жаць будуць буру; калі не будзе ў ёй коласа, расліна не дасць мукі, а калі і дала — чужыя з’ядуць яго.

ІСАІ 44:20

Такі вось жывіцца попелам; неразумнае сэрца звяло яго, ды не вызваліць ён душы сваёй і не скажа: «Ці ж не падман у правіцы маёй?»

ВЫСЛОЎІ 22:8

Хто сее несправядлівасць, той збярэ ліха, і розга гневу яго скончыцца.

ЁВА 12:16

У Яго ёсць сіла і мудрасць, Ён ведае і ашуканца, і таго, каго падманваюць.

ЁВА 4:8

І нават лепш сказаць: я бачыў, што тыя, хто чыняць несправядлівасць і сеюць пакуты — і пажынаюць іх,

ЁВА 31:5

калі хадзіў я ў марнасці і нага мая спяшалася ў падступнасці?

ЁВА 35:13

Канешне, марна: не пачуе Бог і не ўбачыць Усемагутны.

ВЫСЛОЎІ 24:20

бо не будзе будучыні ў ліхога і светач бязбожнікаў патухне.

ЕРАМІІ 37:9

Гэта кажа Госпад: “Не ашуквайце душы свае, паўтараючы: “Напэўна, пойдуць проч і адступяць ад нас халдэі!”, бо не адыдуць яны.